王君馨細數與老公的情趣點滴

撰文: Edith Yuen 於 2017-07-12 01:40 230021 次觀看

Long D戀愛實在不易，更何況要維持12年？索爆人妻王君馨同老公Daniel衝破異地戀難關，終於拉埋天窗！新婚一個月，佢同Daniel嘅婚前婚後生活又有咩唔同？由Grace大爆與老公的情趣點滴！

同Daniel生活圈子不同，平時有咩話題？

Grace: 鍾意一個人，唔洗傾啲特別嘅嘢，我哋咩都傾。最多的話題係神和朋友，我都會同他傾吓工作，例如「今天很失敗，背對白背唔到」他是一個幾成熟和細心的人，會俾到方向同意見我。

圖：二人的蜜月照

Daniel是個會製造浪漫的人嗎？

Grace: 哈哈！冇乜！佢唔係一個識得製造浪漫或俾surprise的人。最sweet的事是，有段時間拍劇很辛苦，不停想食嘢。他每個月都寄一盒健康小食給我，裡面盡是不同品牌的小吃，從不重複，很窩心！

如何認定Daniel就是你的終身伴侶？

Grace: 我諗過一個簡單但好認真嘅問題：如果有日佢有咩事，你願唔願意放棄一切，終身照顧佢？我嘅答案係非常願意。只要你答到呢條之後，其他問題都係非常小事！

Daniel為了你而來港發展，老爺奶奶有怨言嗎？

Grace: 城寨英雄「花曼」一角令我成為傳媒焦點，當時的報道重提了我之前抑鬱的情況。奶奶那時候看到報道，也跟Daniel說，他應該來港陪我。所以我都好愛我奶奶，哈哈！

怎樣才算是好老婆？

Grace: 幫老公慳錢！我絕對不是個喜歡名牌，要買好多衫嘅人。做演員，一半時間已經很光鮮華麗，另一半私人時間想簡單一點，反而他很大洗呢！家務方面，其實我幾唔願意做，但佢朝九晚五工作確實辛苦，所以我會勤力啲洗衫、煲湯，盡力啦！

結婚一個月，有什麼生活習慣難以適應嗎？

Grace: 豈有此理！我怕凍架嘛，佢同我搶被喎！真係要考慮吓要唔要一人一張被！最難控制的是時間分配，工作、朋友、私人時間點樣分配等等。依家約定了婚後每個星期有一晚只屬於我們倆，不會約其他人。

地點提供：Häagen-Dazs Hong Kong
聯絡：Taste Weddings

Text_Fanny（Editor's Blog）

最高瀏覽

王君馨細數與老公的情趣點滴

想緊貼更多結婚資訊？