婚享同學會
婚禮商戶指南Eric Kwok、葉佩雯 教你Hold住愛情火花
data_article_detail.is_new_Slide_show = False
郭偉亮(Eric Kwok)與葉佩雯(Grace Ip)，眾所周知他們是型人，好有性格，經常針鋒相對。原以為今次專訪，會花火處處，結果卻出乎意料地…..溫柔，一個浪漫，一個怕羞面紅紅，究竟這對相識16年的火爆夫妻，如何hold住愛情的火花？
Eric的Iron Man形象深入民心，Grace回想當初看到老公變身時都瘋狂了：「我都好緊張，好似見到荷里活巨星，個心跳得好快，全個造型真係好似，連心口都識著燈！」雖然時隔多時，但Grace如今說來已不其然心心眼。
現實中，Eric又是不是Grace的Super Hero？「從來無期待過會有英雄救美，但佢都幫我捉過老鼠！」WOW! 好英勇呀！
現實中，Eric又是不是Grace的Super Hero？「從來無期待過會有英雄救美，但佢都幫我捉過老鼠！」WOW! 好英勇呀！
Grace是Eric的御用形象顧問，次次都落足心機襯衫，訪問當日的造型都由她出手。Eric雖感激老婆打點，但也會發脾氣：「我感激老婆幫我借衫、諗造型，但我成日都會黑面，問洗唔洗試咁多次，連對鞋都要試埋。」遇上不合心意的打扮，Eric更會立即脫下不哼聲，Grace都見慣不怪了。
圖：eric.kwok @ Instagram
圖：eric.kwok @ Instagram
對外，令老公見得人；對內，一身潮服打扮、粉紅色髮型的Grace，估不到是Eric口中的賢妻，家務做到足，更「入得廚房，出得廳堂」：「佢煮任何嘢，我都食。有時唔鍾意食，但只要係佢煮，我都會食。」有老公無限量支持做白老鼠，Grace就可以屢試屢敗，屢敗屢試，將煮得最難食的蒸水蛋，變成最後終於入得口！
圖：graceip @instagram
圖：graceip @instagram
老婆由內到外360度全照顧，Eric亦好識做，好浪漫體貼！知道Grace鍾意食雪糕，專登買部雪糕機自己整；又會趁Grace在日本工作時飛過去俾surprise；大時大節唔送花，反而平時就會送；又會作歌冧老婆；就連每一年的結婚周年紀念，都會親手寫心意卡。
Iron Man有柔情，Grace亦有一顆少女心，二人之間，這些輕輕的、溫柔但親密的牽繫，就是相識16年hold得住愛情的火花的秘密。「即使Eric咩都無做，我望住佢仍會面紅怕羞，心跳加速。」Grace話，至今對老公仍有熱戀的感覺。拍攝當日，攝影師要求兩人情深對望，Grace直視老公立時面紅，猶如回到初相識時。
有人說，感情要看長遠，要計劃，但這對小夫妻卻認為，感情無需set目標。 「我哋兩個水瓶座從來都無目標，只會諗幾時去睇楓葉、幾時去睇櫻花。」夫唱婦隨，Grace亦接著老公說：「有咩想做就要做，唔好諗當20周年紀念時去邊度，應該一有時間就要去，因為時間唔等人，最緊要珍惜今日、聽日，唔好有遺憾。」
Text_Fanny（Editor's Blog）
Text_Fanny（Editor's Blog）
