小心!女友絕對SAY NO的求婚地點

data_article_detail.is_new_Slide_show = False
小心!女友絕對SAY NO的求婚地點
拍拖多年兼有結婚共識,不代表求婚一定成功!

根據《2015年結婚消費調查》,73%的準新娘子並不渴望有一個鋪張及高調的求婚,反而希望擁有一個浪漫的回憶。不過,男女之間對於求婚地點的選擇原來有很大落差,這分分鐘是求婚失敗的主因!
最憎:Home Sweet Home
調查結果顯示,5成準新娘的夢想求婚地點為「海灘」或「海外名勝」,但實際上,最多女士不喜歡被求婚的地點則是「家裡」。反映出女孩們往往追求一個浪漫又特別的求婚地點,但明顯男士還是比較崇尚實際及方便。編輯訪問了婚享同學會部分同學,發現新娘最不能接受的求婚地點就是…
新娘絕對say NO 的求婚地點:鬧市
同學harharley:「我個人就唔太鐘意喺大庭廣眾下被求婚,我好怕尷尬!如果全部人都唔識,我又要傻更更一個企喺度等男朋友求婚,我只會想件事快啲完結,完全唔會enjoy呢個一生人得一次的moment!」

同學MS123:「我個人最唔鐘意另一半係街邊同我求婚,唔鐘意好多我唔識嘅陌生人睇住哂,會令我覺得好尷尬!」

同學H.i.l.d.a:「唔想係大庭廣眾之下被求婚,因為我覺得求婚係一種承諾、應許、責任,係好認真的事。大庭廣眾之下求婚有一種做show的感覺,加上途人的目光會有令我有一種無形壓力。」

同學卡文97:「唔鍾意大庭廣眾,好似做show咁。因為求婚過程中可能會有深情對話、真情流露(e.g.流淚),呢啲都係甜蜜的私人回憶,唔想同人分享。」

同學Sachiko:「唔會想佢係太多人嘅街頭求婚,好似有些狼狽。」

同學Smartieslaigg:「雖然好多人去見證住呢一刻,但太多陌生人感覺好似做Show咁,想唔應承都唔得,好大壓力架!」
女友絕對say NO 的求婚地點:家中
同學蘋果妹妹:「如果就咁喺屋企求婚,而我當時素顏的話,會有點hea...同埋我有朋友試過臨訓前喺枕頭底摸到隻戒指,嗰下灰咗!」

同學卡文97:「我唔鍾意男友喺屋企求婚,因為感覺太隨意,冇心思。一來屋企氣氛唔會特別浪漫,二來通常打扮casual,三來影相都唔靚。一生人一次的求婚當然想拍低留念。」

同學Sachiko:「我個人不喜歡另一半喺家中求婚,感覺無誠意。我覺得喺氣氛浪漫啲、風景靚啲或有特別意義的地方先適合求婚。」
想求婚成功,當然參考真實個案,看看其他抱得美人歸的新郎哥如何佈局!

橋段1. 在一個不浪漫的國家 送上浪漫不絕的驚喜
同學卡文97:「2015年的11月,我倆打算到柬埔寨的暹粒參觀吳哥窟──一個你完全聯想不到與浪漫有關的地方。一天看完傳統的柬埔寨民族舞,回到酒店,大夥兒說想游泳,妹妹與友人便趁機把我支開。K先生立刻佈置我們的房間。過了一會,我心想為何換泳褲需時這麼久。K先生此時出現,用藉口把我帶到房間,一打開門,看見床上放著我們共同經歷的照片,堆砌著"MARRY ME"字,亦放著一束鮮紅色玫瑰 。然後他拿起Ukulele自彈自唱Bruno Mars的"Marry You" 。我只是甜絲絲地與他深情對望,笑著享受這首歌。他跪下來,問我是否願意嫁給他,並慢慢地掏出求婚戒指,我當然欣然接受!」
橋段2. 如常在餐廳撐枱腳 原來背後是一場精心策劃的…
同學Saa0401:「在一個平凡日子,他竟然求婚了。佢帶咗我去1881食飯,初時都唔為意,之後佢話去洗手間,去咗好耐都冇返嚟,呢一個時候就電話響啦,個來電顯示竟然係”Will you marry me? “ 跟住佢就拎住一束日本櫻花出現,跪下在我面前,伸出戒指。佢仲要緊張到,講句嫁俾我,係震曬音架!由細到大,我知做呢啲心思浪漫嘢都唔係你嘅強項,雖然唔係十全十美,最重要嗰句嫁俾我又聽唔清楚,但我知道你已花盡心思時間金錢去完成呢一個大project。多謝你!」
橋段3. 海灘求婚記 好友見證幸福
同學Suomioil的被求婚橋段:男方特意在自己生日當天進行求婚大計,騙取女方入愉景灣沙灘。沿路有LED燈樓梯指引,沙灘上同時有人獻唱「愛的宣言」及由LED燈砌成的心形圖案。當晚差不多20位朋友見證求婚,男方從人群中拿著花束走出來求婚,女生成功被私有化。