預算少冇有怕!8招保證婚照影得抵!

data_article_detail.is_new_Slide_show = False
【高性價比婚攝】預算少冇有怕!8招保證婚照影得抵!
見到不少新人經常開心share婚照,影完一輯又一輯,心諗:「點解肯揼本影咁多輯?」仔細留意她們的婚照,不難發現其實她們洗費不算多,隨時同你的budget一樣!立即公開箇中竅妙!

1. 先試影自拍婚照 學習擺甫士

有新人去完海外影婚照,發現自己甫士生硬又唔識笑,整輯相作廢,決定哄另一半再影一輯,又要多花一筆!其實,事前book間主題房,或者旅行趁機自拍婚照,慢慢揣摩學足幾個鐘擺甫士,到真正影婚照時自然更得心應手!

真實新娘婚享:不失霸氣 京阪奈櫻花自拍婚照

圖:同學tkh2001的婚照

2. Studio一次過滿足你不同風格

見到其他新人擁有很多風格的婚照,細問下發現開支極低!原來,秘訣在於選擇studio!香港工廈中隱藏不少人氣影樓,一間有幾個場景可以大影特影,一次過擁有不同style的婚照!

參考:香港Studio有齊8大婚攝場景!

3. 婚照不一定著婚紗!

影婚照,毋須張張都著婚紗晚裝大陣仗!一輯causal Pre-wedding、engagement照片都夠煞食,只需搵化妝師負責簡單妝頭,又可慳返租衫budget。

參考:訂婚照新熱潮 6 招速學

圖:官恩娜與老公的訂婚照

4. 海外婚攝都要識揀景

山長水遠飛去外國影婚照,最後只有山水草地照,唔講都唔知係海外取景,同倒錢落海無分別!除了要識得揀靚景外,新人想影得更抵,可以尋找當地獨立攝影師操刀,絕對比由中介轉介更優惠,當然前提是識搵人介紹啦!

真實新娘婚享:
外國攝影師平到笑!影靚相希臘篇
布拉格Pre-wedding平靚正當地攝影師

圖:同學vivi0204的布拉格婚照

5. 做足功課才去婚展落訂!

除非目標明確、心有所屬,否則不要在婚展被攝影公司兜搭,因為一坐就坐足幾個鐘,而且少點定力都會荷包失守!去婚展前,多在網上格價,了解行情,自然識得還價啦!

6. 原相奉送VS逐相收費

曾有朋友去台灣影婚照,收相後全都愛不釋手,但套餐只包30張,都唔知點揀好!你以為可以加錢一次過買起所有原相?原來公司只設單張購買服務,斷張計價錢定會超出預算。大家記得問清楚婚攝公司會否奉送所有相片,或了解買相方式!

7. 另行執相平靚正

收到原相後,很多新人都會自行請人執相,每張只需人仔$5,更可貨比三家,想試不同的執相風格亦得!

真實新娘婚享:在淘寶遇上修圖大師

圖:Saa0401的婚照

8. 團購DIY相簿

很多婚攝套餐列明送你相簿相框,令新人以為好著數,乖乖俾錢。但其實坊間都有唔少自製相簿的公司,團購價更低至幾十蚊一本,又可以自己排版,想點整就點整!

真實新娘婚享:免費Photobook附製作方法

Text_Fanny

【婚禮理財小工具】結婚要預幾多錢?一分鐘計算你的婚禮有否超支!