【過來人分享】Say I do後，新娘首要做嘅事係…

撰文: Edith Yuen 於 2018-01-30 03:20 47845 次觀看

講完 I do之後，婚禮各個大小任務將隨之而來，例如安排雙方家長會面、擇日、訂酒席、影婚紗相等等，樣樣都緊要，樣樣都要快，做邊樣先？真係無從入手。所謂「萬事起頭難」，今次5位新娘分享佢哋被求婚後嘅第一個任務，新人不妨取取經！

更多精彩內容：籌備婚禮Start

1. 先去旅行叉足電
新娘candy0312答應求婚後，第一時間同未來老公去越南旅行：「因為知道嚟緊搞結婚大小事，之後會無多餘嘅錢和時間去旅行。」

好多新娘子都話籌備婚禮壓力大，正式啟動呢個棘手大project之前，一於先同另一半去旅行relax下，順便影輯小清新pre-wedding亦得！

圖：新娘candy0312的Engagement Photo花絮

更多精彩內容：籌備婚禮Start

2. Mark實兄弟姊妹團檔期
講到結婚，人事關係最複雜，尤其你有一大班閨蜜同兄弟，要定出兄弟姊妹團人選，再確保人人得閒絕非易事。新娘tttttt.winkle就好醒目，一早搵齊一班得力嘅兄弟姊妹團，預早mark實佢哋個期，包保big day萬無一失！

更多精彩內容：籌備婚禮Start

3. 行婚展攞靈感
新娘coeykitbb：「我哋想知結婚大概要用幾錢？我哋嘅budget可以點安排婚事。」

婚展每次都有過百個婚禮商戶參加，由婚紗晚裝、新郎禮服、婚攝、喜餅，以至酒店及酒樓囍宴等全部有齊，啱哂未有頭緒點搞婚禮嘅新人，一邊行一邊搵靈感，一邊plan下婚禮預算。

圖：新婚會

更多精彩內容：籌備婚禮Start

4. 爭取時間影Pre-wedding
新娘Sachoi覺得影婚紗相能夠打造最美好嘅結婚回憶，所以被求婚後第一件事就係KO婚紗攝影，希望爭取多啲時間影多幾輯：「初初我都只係打算影一輯海外婚攝，當時覺得有得去旅行又有得影相，一定會係好難忘嘅回憶，我相信當我哋年老，皺紋滿臉，一輯又一輯嘅照片，同當時真實嘅笑容，就係我哋心目中最美好嘅風景。」

小編提提大家，海外婚攝要留心花期、天氣及旅遊旺季，記得預早預訂，以免心水嘅婚攝公司full booking!

圖：新娘Sachoi的Pre-wedding花絮

更多精彩內容：籌備婚禮Start

5. 多參考過來人意見
靚太Jannnet~認為搵過來人取經最實際：「男友求完婚，其實我哋咩都唔識，好在有同事即將結婚，就向佢請教，她介紹我上婚享同學會（做功課）。」

唔係小編賣廣告，婚享同學會有超過2萬新人分享婚禮籌備心得及情報，多啲參考過來人寫嘅blog，了解婚禮流程及實用貼士，婚禮安排自然更稱心！

圖：新娘靚太Jannnet~的婚禮花絮

更多精彩內容：籌備婚禮Start Text_Edith（Editor's Blog）

最高瀏覽

【過來人分享】Say I do後，新娘首要做嘅事係…

想緊貼更多結婚資訊？