婚享同學會
婚禮商戶指南從星級Bridal Shower攞靈感！
data_article_detail.is_new_Slide_show = False
屬於閨蜜的婚前派對，梗係要玩盡啲！到底一場點樣嘅Bridal Shower先至令新娘同姊妹樂而忘返？以下5位明星舉行的Bridal Shower可能俾到靈感！
歌手林奕匡嘅未婚妻Rikko婚前聯同圈中好姊妹，包括鄧佩儀、黃美棋、張名雅、麥雅緻等人齊齊租咗靚場，仲請花藝師精心佈置場地，有美照、美女、美食，當然唔少得請埋攝影師幫手留影！
胡杏兒就有一班胡說八道姊妹炮製驚喜，相中的「ONE NIGHT ONLY」氣球佈置好出位，但都唔夠一班美女帶上粉紅色兔耳朵及羽毛圍巾咁搶鏡！當晚仲開埋香檳大講心事，唔洗講都知呢晚係杏兒婚前最癲一晚！
前港姐張嘉兒當時約咗11位好姊妹，包括高海寧、莊思明、岑杏賢等過大海，去澳門舉行2日1夜Bridal Shower。佢哋仲準備多套戰衣，包括bikini同桃紅紗裙，性感可愛兼備，夠晒搶鏡！
2016 年結婚的前港姐戚黛黛，就有一班姊妹陳茵媺、曹敏莉、張嘉兒、楊洛婷等等幫佢搞咗場bridal shower舉行婚前派對。姊妹們book咗個歎tea靚場，附設簡單氣球佈置。除咗影相同享受下午茶外，呢度仲可以俾一眾姊妹DIY茶具，齊齊有禮物帶走。
有姐姐真幸福！汪詩詩趁妹妹汪圓圓婚前，喺屋企舉行bridal shower俾surprise妹妹！Party theme以粉紅色為主，全女班賓客都以粉紅色dress code現身，加埋粉紅色婚禮蛋糕同甜點，夠晒出位！
仲搵緊bridal shower 地點嘅你，可以考慮下銅鑼灣精品酒店──問月酒店。佢哋最近推出咗「粉紅香檳火烈鳥婚前住宿派對」，可以喺頂層最大的月光套房開Party。1,250平方呎的月光套房本身已經以中國紅．黑設計，有唔少玩味家俱，型格中帶有喜慶。仲有特大雙人床，雲石浴室、私人雞尾酒酒吧，姊妹想食、飲、玩、瞓都無問題！
今次套餐仲包埋Moët & Chandon粉紅香檳火烈鳥4支，樽身非常美麗！火烈鳥(Flamingo) 一生只有一個伴侶，象徵一生一愛，非常配合婚禮主題。另外仲有精緻小吃如劍魚蕃茄檸檬漬、脆炸波士頓龍蝦丸、墨西哥辣椒釀車打芝士等等！婚前喺呢度做一晚貴婦，一啲都唔過份！
Text_Fanny（Editor's Blog）
Text_Fanny（Editor's Blog）
