【求婚準備】十大常見求婚穿煲位！週年紀念求婚欠驚喜丶被口疏朋友出賣

撰文: Randy Yoong 於 2020-01-23 09:38 223713 次觀看

求婚

不少拍拖多年的情侶都會有結婚的打算，雖然雙方早有共識，但男友總要有誠意地向另一半求婚。男生們大多不擅長於準備驚喜，很多時候都會被女方察覺到自己的求婚意圖，破壞了連日以來的預備。編輯部這次就為一眾男友整合了十大最常犯的求婚穿煲位，希望大家都可以順利地為另一半製造畢生難忘的體驗！

(pinterest@weheartit.com)

第十位：嗜好突然轉變

明明平時只愛宅在家中打機，卻突然發奮話要學多樣新技能培養興趣，例如學結他、變魔術，可能是為求婚作好準備！

(unsplash@Štefan Štefančík)

第九位：facebook有古怪

男友突然在facebook like了不少女生物品的專頁，或follow了古怪而浪漫的instagram，都是求婚預兆！

(pinterest@Glenn Carstens-Peters)

第八位：成日話要開OT

明明平時甚少OT，突然間成個月都話忙到甩碌，連星期六、日都冇時間見面，可能是與朋友開會策劃求婚驚喜！

(pinterest@freepik)

第七位：朋友、男友多方試探

全世界突然間好關心你，問你聚會想去邊，又假借情境題問你意見，甚至設下A、B選擇題俾你揀，最終目的都係想試探你的喜好，助男友一擊即中，抱得美人歸。

(pinterest@biggietips.com)

第六位：叫你著靚D

既不是特別節日，又不是周年紀念，無緣無故叫你著靚D，一定有古怪！不過值得慶幸的是，男友至少不會在你素顏look的情況下求婚，影相時尚可留個美麗的回憶。

(pinterest@rawpixel.com)

第五位：唔俾check手機

平時手機隨處放，又唔介意被你玩手機（實質是檢查...）。最近卻發現他對手機嚴加看管，仲神神祕祕send message和講電話，甚至改埋密碼。呢個情況下，要不有第三者，要不就是求婚率達90%。

(pinterest@etsy.com)

第四位：銀包收據大發現

唔小心睇到男友銀包，發現他到金行/戒指專門店簽卡五位數，千奇唔好再追問，請你乖乖地扮唔知，等候佳音。

(pinterest@hellofashionblog)

第三位：行李箱藏戒指盒

為了給女友一個浪漫驚喜，很多男士以為揀旅行求婚，一定估佢唔到。點知就在女友收拾行李時發現戒指盒蹤影，最終可能在酒店房進行籌謀已久的求婚，功虧一簣！

(pinterest@wellandgood.com)

第二位：朋友出賣你

求婚這回事，當然愈少人知愈好。如要朋友幫手，都要帶眼識人。萬一揀著「大喇叭」，或者唔識講大話的朋友，只會愈幫愈忙，驚喜不再。

(pinterest@behance.net)

第一位：週年紀念最易估

明明已有結婚共識，男友還專揀拍拖紀念日、生日等大時大節求婚，以為自己浪漫爆燈。其實女友一早已察覺你有唔妥，只是隻眼開、隻眼閉等你action!