求婚大作戰 9 段精彩實錄

data_article_detail.is_new_Slide_show = False
求婚大作戰 9 段精彩實錄
好多女仔都想男朋友用一個浪漫而特別的方式,向自己求婚,希望擁有一個一世難忘的時刻,不過好多男人都粗枝大葉同埋唔識浪漫,唔好話搞啲浪漫嘢,就連買紥花同戒指都懶呀!如果心知另一半將會有所動作,而你又知佢本身唔係啲會識得搞下小情小趣嘅人,咁你就要試下「唔覺意」send 呢9個精彩求婚實錄俾佢先取取經、偷偷師了!

圖:同學仔 Jacming 被求婚的場景。
至冧情歌 + 溫馨動畫 = 大成功

同學仔 stepfunie :「前後俾人灌咗2-3杯白酒後,有人叫我坐就坐, 企就企,任人擺佈.. 突然,我坐低後,個場就暗咗,我面前就播緊一段片,入邊有漫畫版嘅我,音樂係 “A Thousand years”!片中係我哋嘅一啲合照,加上佢自己嘅即場演技,將我哋開心嘅片段重現眼前。我依家諗番都眼濕濕,好感動。我仲以為呢個只係我嘅 birthday surprise,直至見到段片有一個小朋友,跟住漫畫版嘅我變老...之後,佢就換好西裝,手拎住大束agnès b.經典求婚玫瑰,由門口向我行近,呢個時間我先意識到 “ it's the proposal”!
先苦後甜 更加難忘

同學仔 mayho123 :「講番陳生嘅求婚過程先啦,佢嘅求婚過程俾我感覺係先苦後甜。第一苦:佢要我情人節當日自己孤零零一個人搭船過澳門,一早起身同我講船飛已放入我銀包,佢自己有啲事所以過去澳門先,嗰下真係嬲。第二苦:佢話買咗張電話卡,叫我去到澳門打電話俾佢,佢嚮酒店大堂 lobby 接我,但我去到打佢電話打極都唔通..... 最後甜嘅係,上到房一開門見到間房咁 (如圖),呢啲咪叫驚喜囉!呢一刻真係甜在心頭。」
心思爆燈的求婚小禮物

同學仔 MRS_CHANCHAN :「上到去佢就好 surprise 咁係酒店個櫃入面左一紮滿天星乾花俾我,我好鍾意!然後我地哋煮情人節大餐。其實我都估到佢會有所行動架喇!點知真係俾我估中,我去完廁所之後出黎見到天花板全部係氣球,然後佢就播歌跪低問我,就係咁,我成為咗準 Mrs. Chan Chan!之後佢仲送咗一樽瓶中植物俾我,話我哋要好似樽入面對 couple 咁一齊到老... 」
勝利先訣 必先揀啱地方

同學仔 AlalSoro0325 :「神戶六甲山上 Garden Terrace 的六甲垂枝,晚上會變色的,很美! W 先生就在這裡捧著花 (他究竟是從那裡冒出來的?這明明是一座山頭啊!) 拿著戒指向我求婚,OMG!那個戒指盒是自製的,邊播音樂邊播相識片段,當中還有我們的朋友為我們送上祝福的相片! 我一直以為他工作很忙不會有這份心思,實在是很驚訝他為了我安排了這麼多,準備了這麼多。我感動了!」
夜燈 + 情歌 + 深情說話 = 完勝

同學仔 hannahshwong :「晚上的 Everland 亮了數十萬小燈,周圍都非常浪漫。看完 night parade之後,周圍逛了一會,入了 Cafe 喝熱飲,暖一下身子。最後,去完 toilet 就準備離開。由 toilet 出來後,走到他等我出來的約定地點,他就叫我坐下來,為我戴上耳塞,聽著《求婚大作戰》的主題曲 <明日晴>,看著他做的 slideshow 以及他的文字,拍拖 6 年多來的片段和回憶,都湧上心頭。當中有一句特別 touching (大概是這樣) 『我由細到大都冇乜特別目標,直至遇到你,見到你的笑容,我就覺得好開心,我想俾到幸福你』。」
包場 + 完美鋪排 = 誠意滿分

同學仔 Santa_NatSing :「這個電影院有兩行獨立沙發,觀眾可以半躺看電影,而且是個溫馨的小電影院,大概只可容納十多個人。在電影即將結束的時候,畫面忽然插入了不相關的影片!(影片內容:求婚,妹妹說話,妹夫說話,我的好友說話,男友的好友說話;說話內容:男友的優點;影片時間:5 分鐘)在播放影片的時候,所有觀眾站起來,逐一向我遞送氦氣球。在微弱的燈光下,我看到了男友的好朋友、我的好朋友、還有親人!原來這些和我一起看了幾乎兩個小時的觀眾都是我認識的人, 整個小電影院的觀眾都是我認識的人,而且都出現在這段 5 分鐘的影片當中!」

「影片的末端是不同人一句又一句的期盼:『嫁給阿星(男友的名字)吧,別再考慮了!』這時的我已哭得稀里嘩啦...影片結束時,燈光一亮,穿著筆挺西裝並拿著金莎朱古力花的男友出場了!只見他緩緩地從台前走到我跟前,跪下,從身後變出一朵玫瑰花,問:『欠你一句很久了,你願意嫁給我嗎?』閃著淚光,我默默地點點頭。」
密室逃脫被求婚?

同學仔 Tannywan :「K 的男友絕對是一位很細心的情人,他為了求婚大計 plan 了三個月時間,期間打盡人情牌,又苦練他從未接觸過的結他,為博紅顏一笑,他真的去得很盡啊!求婚當晚上, K 和男友及她們的幾位朋友一起約好了去 CWB 玩密室逃脫,他們的計劃是玩完密室 game 之後,再安排每人用黑布蒙眼到另一層繼續玩另一個 game (事實上是帶 K 上佈置好了的天台) ,當 K 打開眼罩的時候,男友已經拿著結他唱著「愛的宣言」了,而眼前還播放著一段沙畫故事 video,也是 K 男友特意找人製作的,很有心思!」
一輪熱舞 再黎美女與野獸

同學仔 katy.C :「到達赤柱後,一直走到美利樓,一對對的男女從拱門中拿著氣球迎接我。我諗緊有無搞錯咗?認錯人?咦!但第一個男仔我識架喎,係男友嘅同學!我想停低問佢點解嚮度既,但我班姊妹不斷推我向前行走到最前時,拿著氣球出現的是 M 和 M 男友!我心裡就知道這是一個局!出到空地,眼前竟是一堆好友拿著氣球迎接我!接著就是我的跳舞 MY TekT 隊員出來跳舞,大家都望著我,其實覺得很尷尬呢!跳舞中途,好友們幾個幾個拿著氣球現身,給我送上氣球,最後還有 C 的家人和我的家人。我由尷尬變到驚喜變到感動喇,眼淚都在眼眶...」

「那些好友群都是我常常在 C 前提及,但 C 沒有他們的電話的, 他竟逐群好友給我聯絡上及邀請出席,讓我的好友和家人都能見證這事!我都沒有時間思考,舞蹈隊員跳完舞就即衝過來圍著我,然後把我的外套脫下,再拿出一件『黃色物體』要我換上!我即時說:『咩黎架』但我都沒有能力思考和反抗下,她們就替我穿上了。是美女與野獸 Belle 的公主裙,哈哈哈..擰轉頭,朋友都企成兩邊,而 C 竟然以野獸造型站在中間,我被求婚了!」
旅店廁所求婚記

同學仔 Gapmanman :「嚮廁所門縫見佢郁郁下,過咗大約 15 分鐘度,佢出黎,咁到我入去啦,臨打開廁所門,佢話『你真要入去?』我以為佢玩,所以推開佢入廁所,點知佢嚮廁所牆貼晒心心,仲有字嘅,啲字好醜樣,但我心好甜。再發現一個板,上面係用咗啲細粒花仔貼咗個心心。戲肉黎啦,佢又拎咗個裝滿釘 LON 機紙碎嘅盒要我『尋寶』,傻仔竟然將朱義盛鑽戒同本身嘅求婚戒指放晒入去要我搵。佢仲話個嗰紙碎係由同我一齊開始就儲落,早已經諗住咁用...」

Edit_Connie (按此進入我的WOW)