回禮送呢啲保證全數清枱

撰文: Fanny Ngan 於 2016-04-20 03:06 188792 次觀看

回禮禮物

預備回禮禮物有三怕：怕禮物太平凡、怕out budget、更怕賓客不懂欣賞，回禮變垃圾！不用怕，以下8份回禮全部是新娘大力推介，實用得體之餘更加「估你唔到」。最重要一點，保證全數清枱！

1. 用得、食得、睇得 LEGO回禮包
超吸睛禮物包表面上是一個LEGO，實際上是由LEGO索繩袋、兩粒萬樂珠糖糖，配上封口袋仔、個人化貼紙製作而成！

想知邊度買糖、LEGO袋、個人化貼紙？同學yanandshing已經寫blog分享！

2. 通花囍字　長老至愛回禮！
長輩堅持以茶葉作回禮，又想要平、靚、正得體包裝！最終同學物色到平價而不失大體的回禮盒，紅色盒配襯金色通花，高貴大氣，絕對見得人。

回禮盒大約HK$1/個，同學bi_be已詳細分享！

3. So sweet! 個人化小蜜糖甜死賓客！
唔少新人都會以蜜糖作回禮，寓意甜甜蜜蜜，幸福滿瀉。不過想花多少少心思，可以學呢位新人，印製個人化婚禮貼紙，令包裝更獨一無二！

想知邊度有得訂，問問靚太小薯吧！

4. Take 1 Home & Let Love Grows!
用盆栽作為回禮還是頭一次聽，但想到賓客種植的植物一邊成長，你們的愛也一邊昇華，是多麼幸福的事。別以為多肉植物難打理，只要有足夠陽光及每月淋水一次就足夠了！新娘子更說這些小禮物大受歡迎，9秒9清枱呢！

想知道價錢及款式，可以向靚太 Nicolesuet打聽！

5. 十級驚喜　別被Macaroon騙倒！
第一眼看這份回禮以為是吃得落肚的Macaroon，摸上手發現硬硬的，才知道是盒仔。不過，你絕對想像不到裡面是什麼──原來是新人親自DIY潤唇膏，坊間絕對買不到！

靚太sukibb已經分享DIY心得！

6. 識發光的幸福開心茶
這位新娘子明言不要讓自己的回禮變成別人眼中的垃圾，於是想到既要實用、得體，又要夠靚的禮物──親手調配的幸福開心茶（花旗參、杞子、玫瑰花、白杭菊4）。而最特別之處，便是在瓶子在漆黑中會發光，令賓客大感驚喜！

按此了解靚太 dream.about.yan分享的幸福開心茶份量及回禮製作過程！

7. 日版自訂Kit Kat回禮
日本Kit Kat網站早已推出個人化朱古力訂造服務，新人 Weva在網上上載圖片及稍加edit，即成功印製專屬的Kit Kat！每次限訂最少1箱（內有10小盒），不過網站只有日文，大家可能要靠偉大的google translate幫忙了！

立即試整：https://www.chocollabo.com

8. 最有意義的回禮：做善事！
結婚都可以做善事！與其擔心賓客嫌棄自己精心籌備的回禮，不如將該筆budget捐去慈善機構，幫助有需要的人！奧比斯、樂施會、苗圃行動、聯合國兒童基金會、無國界醫生等組織均有提供婚禮回禮服務，只要捐出指定金額，就可以得到心意卡、婚禮熊公仔、年曆卡、曲奇等等回禮。假如你未想好回禮送什麼，何不給自己一個做善事的機會，令婚禮更有意義？

同學 Nahceoz搜集了本地各間慈善機構的回禮資料，立即參考！

圖：奧比斯

Text_Fanny （Editor's Blog）

最高瀏覽

回禮送呢啲 保證全數清枱

回禮禮物

回禮禮物

想緊貼更多結婚資訊？

回禮送呢啲保證全數清枱