新娘分享 - 證婚場地最終選

data_article_detail.is_new_Slide_show = False
新娘分享 - 證婚場地最終選
俯瞰維港景致、背山面海、置身一片綠油油草地或極盡海外婚禮 feel 的小教堂,摒棄奢華佈置,追求貼近大自然的感覺,與親朋摯友於小型但卻窩心得很的證婚場地舉杯 say cheers 就是你倆的dream wedding?以下 9 位走遍香港大小特色證婚場地的新娘在此與你分享她們的最終選擇。正為證婚場地頭痛的你,或者可以在此找到你需要的一顆 Panadol!
飽覽 180 度維港海景

同學仔 Maggie1023:「我好鐘意戶外地方,感覺好似吸淡空氣都開心啲舒服啲。紅磡都會海逸酒店個戶外證婚場地,可以坐 60 名賓客,雖然佈置得好簡單,但係就有種好 grand 嘅感覺。另外,再加 180 度維港海景,真係好正好鐘意!」
性價比極高之選

同學仔 cgwedding:「我自己覺得伊甸園玻璃教堂真係好靚。到依家婚後差不多三個月,睇到啲相都仲係有「心心眼」嘅感覺!證明我真係從一而終地好喜歡呢個場地!玻璃教堂唔算係好平嘅證婚場地,我地係星期五 weekday,當時 expo book 一小時證婚價錢係 HK$6,400,比 weekend 平,但價錢已經包括律師證婚費用。以呢個價來講,有咁靚嘅場地行禮同影相,我覺得性價比算係高!我真係好開心能夠嚮一個心目中完美嘅場地完成證婚典禮!」
清新景致 價格相宜

同學仔 薯蛋頭太太:「Amour 實景唔錯呀!有草地、有水景、有花花 backdrop、有 shelter。雖然係向住窩打老道天橋,但佢地將籬笆起到好高,點睇都睇唔到天橋。我地諗住淨係 1 小時證婚,另外自備少少小食。本身 package 係包埋律師費 + HK$305 政府文件,如果自備小食要另加清潔費 (Amour 都有連 50人小食 cocktail plan,另收費),我地覺得價錢可接受呀!」
西貢回憶 擺酒順路

同學仔 Kypin:「位於西貢嘅景輝堂,呢間教堂其實只可以俾 2 個同為非基督徒或者 2 個同為基督徒嘅 couple 行禮,如果好似我同 B 先生呢種組合,就要見過牧師,同牧師傾過計先至會考慮 approve 與否。其實果一刻我都有少少灰…同牧師傾過計之後,牧師話批我地嘅申請呀!好快我地就即刻入數,決定左我地呢個證婚場地喇!好開心!景輝堂呢個地方,無論喺環境上,位置上都符合我地嘅要求,西貢呢個地方,都有好多我同 B 先生嘅回憶,再加上我地夜晚會出返郵輪堤岸擺酒,西貢去九龍灣都算順路。」
中式 style 經濟首選

同學仔 cofenewnew:「如大家喜歡中式 style,可以考慮下九龍寨城公園,真係又平又正。我同男友去左實地考察完,我們都心心眼,就決定 book 九龍寨城公園六藝台做我地 big day 嘅證婚場地。佢除左收費相宜 (首四小時: HK$2,500) 之外,物資仲可以免費借黎用,如音響、咪、新娘房、鏡、賓客椅連紅色椅套、檯連紅色檯布及兩個泊車位等,真係貼心又超值!」
落地玻璃 樓底高 裝修靚

同學仔 Nicolesuet:「去到郵輪堤岸,一推門,我同 Mr. Lam 嘩左一聲,好靚!樓底高,清雅裝潢,有我至愛嘅落地玻璃夠光猛,舞台又大又高,擺到 20-25 圍而又唔迫,新娘房有獨立洗手間,正正方方都實用,仲已經有齊我喜歡嘅田園歐式裝飾!直頭叮左幾聲,仲唔係呢度!我同 Mr. Lam 都一致通過係呢個場地喇!」
歐式田園風光

同學仔 AngelaAY:「馬灣公園場地靚,負責人丘小姐又好人,不過係偏遠左小小。我同老公都超鍾意呢個場!我地有太約有 110 個賓客,所以要加椅 (本身包 100 張)。大閘好歐式,非常鍾意!」
證婚擺酒可以一 take 過

同學仔 ttnmm:「初初決定要嚮酒店證婚後,便瘋狂約酒店參觀,不是太貴,就是沒有戶外場地,或已被 book…直到參觀 Sheraton,當晚就決定嚮度證婚擺酒。呢度環境唔錯,地點方便,最重要係有戶外證婚場地,雖然並唔係最理想嘅寬敞綠油油草地,不過可以嚮同一地方證婚同晚宴,唔洗賓客 (特別係老人家) 跑黎跑去,呢度絕對係我首選。因為酒店 free 一晚住宿,證婚後我地仲安排左老人家先上房休息!」
超近男家 HK$3,000 有找

同學仔 Ssoophie:「睇中左鯉魚門渡假村入面個禮堂,雖然冇伯大尼咁宏偉莊嚴,但就有一種好古典既感覺好有味道,而且禮堂四圍都有樹呀個啲,好大自然,影相都靚。另外,最近拎左紅紙,出入門時間比較遲,但佢超近男家,車程不用 5 分鐘,啱晒趕時間嘅我地,同埋價錢平,租用時間長,唔洗 HK$3,000 就可以租用 4 個鐘!」

Edit_Connie (按此進入我的WOW)