選擇困難症?花藝師教你揀花球
07 February,2018
Click Thumbnails to Enlarge

女人一世人收好多次花,但唯獨係結婚花球與別不同,佢陪你出嫁,做你嘅幸福見證。但結婚花球有咁多顏色同款式,應該點揀好?花藝師Vikko為一眾準新娘提供以下貼士。

圓形花球
最常見嘅經典花球造型,象徵圓滿,容易配襯各款婚紗,夠晒百搭。但要注意嘅係,圓形花球鮮花多、綠葉較少,若花太大或太鮮色都會搶去焦點。

自然風花球
近年大熱嘅natural feel花球,用小型花朵、草葉及果子設計,清新得嚟唔會雜亂無章,最啱著輕婚紗嘅新娘子。

小拖尾花球
外國流行嘅款式,花球底部用下垂小花同草葉造出拖尾效果,托襯新娘子優雅高貴嘅感覺,適合身材嬌小嘅香港新娘。

度身設計 特色花球
想突出個人風格,花藝師Vikko會為新娘子度身設計花球。Vikko偏愛自然簡約風,切合品牌名字「Nature Flowers」,嚴選荷蘭牡丹、英國庭園玫瑰同亞馬遜百合等外國花材,製作經典圓型花球,有時甚至配搭多達8種襯花,令花球更有圓渾幸福嘅感覺。線條簡約嘅馬蹄蘭花球、色彩繽紛嘅Pastel Color,都係Nature Flowers嘅招牌花球。其他婚嫁花飾如姊妹手花、襟花同車花等,都可以一次過喺Nature Flowers訂製。

Nature Flowers另有花藝班,教新娘子用鮮花或保鮮花等素材,DIY別具心思嘅花品,用嚟點綴婚禮、送俾姊妹團或親友留念,甚至作為婚後新居嘅擺設。

關於Nature Flowers
創辦人Vikko生於裙褂世家,自細同婚嫁結下不解緣,加上就讀設計出身,多年來喺各個品牌企業同廣告公司,從事視覺藝術同櫥窗設計,對美學產生獨特觸覺同要求,並用工餘時間修讀插花課程。2014年,Vikko取得美國花藝學會AFAS國際認可導師資歷,成立了花藝品牌Nature Flowers,製作及發售自然簡約嘅花飾。

Nature Flowers

Facebook @Nature Flowers
Instagram @natureflowers_workshop
電郵:natureflowers.enquiry@gmail.com

特約資訊