星級褂鞋店 鍾嘉欣、陳嘉寶結婚都幫襯!

星級褂鞋店 鍾嘉欣、陳嘉寶結婚都幫襯!
啱啱新婚嘅陳嘉寶Anjaylia 身穿褂皇出嫁,金光閃閃,腳上嘅金色褂鞋更加係襯到絕!原來Anjaylia呢對褂鞋係嚟自尖沙咀一間婚鞋小店。
婚鞋小店W Shoes Shop By Elsa Wong近幾個月搬咗舖位,新舖開張,展示超多款式婚鞋同褂鞋。當中最受歡迎嘅係店主親自設計的褂鞋裝飾。
Anjaylia為咗襯返揀褂皇,揀咗對高踭金色鞋款,再請設計師Elsa因應裙褂圖案設計飾品,包括絨毛波波、囍字吊飾、金調花片等等,以金作主調,以黃、紅、粉作配色,貴氣又帶點可愛。
即刻去片睇睇Anjaylia嘅婚鞋花絮。
其實鍾嘉欣結婚嗰陣都係幫襯呢間婚鞋店,設計師特意用上嘉欣BB 最喜愛的立體大金蝴蝶來配合婚禮主題,並加上黃、紅及粉綠色的小配飾來襯其較多彩線的潮褂,再加上一對立體金囍字,象徵婚姻喜事齊來的祝福外,更顯高貴。

Text_Fanny(Editor's Blog)