九龍2大靚場讓你置身浪漫星海中圓婚

撰文: Edith Yuen 於 2018-01-15 02:06 75987 次觀看

揀婚宴場地同擇偶一樣，講timing、講眼緣，仲要睇埋整體”package”。譽宴．星海The ONE店及觀塘店位處旺區，交通方便，前者仲榮獲新婚生活易大賞2017「新人至愛酒樓婚宴 - 九龍南區」殊榮！即刻睇埋兩個場地嘅特點，睇吓個”package”滿唔滿足到你。

無柱式宴會廳
The ONE店：閃爍裝潢如同置身星海中
位於The ONE 18樓全層，一出升降機就係譽宴．星海宴會廳，私密度高。閃爍銀灰色鏡牆加上華麗閃爍的水晶吊燈，新人就好似置身星海中，加上180度落地玻璃設計，有埋尖沙咀夜景襯托，非常浪漫。全場可以筵開32席，無柱式設計及巨型投影銀幕，讓賓客可以直擊新人所有動人時刻。

觀塘店：來一場「水底」婚禮吧！
以海洋為主題嘅觀塘店，特設50呎海洋生態水族長廊，有唔少色彩斑斕嘅小魚及珊瑚見證你嘅珍貴時刻。呢度仲有泡泡機服務，進場或錫錫時有無數泡泡包圍住你，更加似置身海底世界！台上已經預設浪漫立體花藝佈置，配合唔同色調嘅燈效，效果靚到可以慳返佈置費！

露天證婚場地
The One店：一流海景 + 天然backdrop
場地仲有270度海景露台，日間有藍天白雲做證婚背景，夜晚就有浪漫星空陪你出嫁，呢個天然backdrop迷倒唔少新人，最啱舉行證婚或cocktail party！

觀塘店：小清新草地證婚
至於觀塘店嘅證婚場地行小清新田園風，呢個花藝拱門超受少女心新娘歡迎，加上假草地佈置，簡直同外國草地婚禮無異。新人可以邀請約百位親友一同見證簽紙時刻！

海景新娘房
The One店：20款名牌香水任你噴
開席前，新娘同姊妹團梗係要補返個妝，爭取時間selfie留念。尖沙咀店與觀塘店的新娘房面積極大，可以容納成班姊妹團。尖沙咀店更有極大梳妝枱及梳發，想休息或補妝都唔洗爭，仲附設落地大玻璃，連接海景露台，補完妝就可以出去影相喇！房內提供獨立洗手間方便新娘更衣，仲免費提供20種名牌香水，真係好貼心。

觀塘店：個性主題造就perfect selfie位！
觀塘店的新娘房位於台側，方便新娘轉妝。房間走摩登、前衛主題，牆身同地板以冷傲而神秘的花藝點圖案，充滿個性，配合華麗的水晶燈，必定會成為新娘及姊妹團selfie最佳backdrop，最啱擺返個chok樣呃like!

全港首創3D mapping乳豬技術！
人人都知婚宴第一道菜係乳豬，不過你又見過3D高端投影技術，展示得意上乳豬方法未？譽宴．星海The One店就首創呢個開席驚喜俾大家，仲有與眾不同嘅立體投影結婚蛋糕，睇過嘅賓客都大讚新奇，印象難忘！

譽宴．星海
The ONE店地址：九龍尖沙咀彌敦道100號 The ONE L18樓層 (港鐵尖沙咀站B出口)
觀塘店地址：九龍觀塘開源道79號鱷魚恤中心2樓 (港鐵觀塘站A2出口APM通道)
婚宴專線 : 969 111 88 / 969 111 99
網址:http://www.u-banquet.com

特約資訊

最高瀏覽

九龍2大靚場 讓你置身浪漫星海中圓婚

想緊貼更多結婚資訊？

九龍2大靚場讓你置身浪漫星海中圓婚