3萬蚊KO新派Fusion小型陽光婚宴

data_article_detail.is_new_Slide_show = False
3萬蚊KO新派Fusion小型陽光婚宴
邊個話擺酒一定要夜晚?近年興起午間婚宴熱潮流,擺酒價位唔單止「靚仔」,仲可以喺中式酒樓享用到西式新美饌!好似酒樓新貴「東海薈‧拉斐特」,場地裝潢走時尚高貴路線,菜式由超過30年經驗嘅大廚主理,質素有保證之餘仲有新花款,話你知喺酒樓擺酒都可以新潮有格調!

更多精彩內容:Let's Party! 小型婚禮派對靚場
尖沙咀交通方便,一向係新人首選婚禮地點。位於The ONE嘅「東海薈‧拉斐特」離港鐵站只有5分鐘路程,仲有璀璨維港靚景,所以非常搶手。場地擁有16呎特高樓層,設計靈活多變,可按宴會大小而安排,絕對係小型婚宴之選。

更多精彩內容:Let's Party! 小型婚禮派對靚場
宴會廳其中一邊設有大型LED屏幕,想loop住播婚照或Big Day花絮,甚至直擊婚宴現場盛況都無問題。最令人意外嘅係佢嘅雙舞台設計,除咗基本晚宴舞台外,接待處位置仲有歐陸式舞台陪你迎賓添!

更多精彩內容:Let's Party! 小型婚禮派對靚場
維港景睇得多,原來香港仲有個美麗嘅藍巴勒海峽,位置就喺青衣,亦係「東海薈‧拉斐特」第二間分店所在地,今年7月已開張!為咗配合近海環境,場地裝潢主題為珍珠白海洋,有埋180度海景相伴,新界區嘅新人唔可以錯過。

更多精彩內容:Let's Party! 小型婚禮派對靚場
呢間分店可以擺26圍,細場私密度高,唔洗同其他新人共用場地!場內設備應有盡有,包括Opera舞台、投影屏幕、數碼投影機及音響器材等。當然唔少得新娘房同獨立洗手間,方便新人更衣、補妝。

更多精彩內容:Let's Party! 小型婚禮派對靚場
為咗配合近年午間小型婚宴熱潮,大廚仲精心研製新派Fusion餐單,精選菜色包括:

牛油煎焗珍寶帶子:北海道刺身級珍寶帶子以牛油煎至外脆內軟,配上豐厚多汁嘅法國大啡蘑菇,加埋芝士焗製,睇見都流口水。

風乾火腿法國菜沙律、干邑龍蝦湯:選用法國Prama Ham及有機沙律菜,配上陳醋,開胃醒神;後者則以原隻龍蝦頭先焗香再燒,配以干邑、蕃茄炒香餚湯,超有心思。

柑桔流心橙慕絲杯、荔枝藍蝶花奶凍:前者加入流心果醬,口感豐富;後者顏色獨特,好有海洋Feel,襯返青衣店嘅主題特色。

更多精彩內容:Let's Party! 小型婚禮派對靚場
嚟到大家最關心嘅價錢環節。中午喺度擺酒入門價只係HK$30,000,有3個Fusion 婚宴套餐俾你揀,最平只係$298/位,除咗上述介紹嘅Fusion美食,亦有日本磯燒鮑魚、京蔥多子扒海參、法式海鮮釀蟹蓋等等,喺酒樓都食到中西合璧嘅菜色,呢個體驗夠晒特別。

進入 「東海薈‧拉斐特」Facebook了解更多!

尖沙咀分店地址:尖沙咀彌敦道100號The ONE L12 (電話:2698 0990)
青衣分店地址:青衣青敬路33號青衣城1樓117號舖(電話:2317 8889)

特約資訊

更多精彩內容:Let's Party! 小型婚禮派對靚場