結婚無論係簡單定大搞，樣樣都要錢，就算新人事前點樣精打細算，但到真正落場時，會發現有好多濕濕碎嘅支出，起初唔多覺，埋單先知使大咗！籌備婚禮，小心以下4個超支陷阱：

陷阱1‧旺季擺酒加價了
擺酒佔結婚最大開支，雖然新人都會預留最多預算，但係有啲額外支出未必計得到。旺季、好日及公眾假期等搶手日子，好多婚宴場地會加價，連酒水套餐、酒席升級以及臨時加枱等額外支出，超支數以萬計，分分鐘埋單多幾萬蚊！

拆解貼士：其實全年有好多嫁娶好日子俾你揀，年頭擺酒亦平過年尾。此外，建議新人事先訂下擺酒超支上限，以免支出越滾越大。

陷阱2‧婚攝隱藏收費
海外婚攝超浪漫，不過有好多隱藏收費，一個唔覺意就中招，例如婚攝套票包唔包機票？包唔包攝影團隊嘅食宿？即興影多輯，額外景點同攝影師OT點樣計？唔睇清楚條款，唯有硬啃超支。

拆解貼士：一定要攞資料睇清楚詳情，比較多幾個同類型嘅海外婚攝套票，揀出最適合自己嘅方案。

陷阱3‧酬謝、回禮支出
兄弟姊妹團嘅婚前聚會、服飾、婚禮當日食飯飲茶，到婚後酬謝飯局，加加埋埋都要用一筆。此外，好多新人都會DIY回禮，諗住慳一筆，但係買料、運費、製作時間通通都係支出，每份回禮貴少少，積少成多變超支。

拆解貼士：喺屋企搞兄弟姊妹團聚會，玩得盡情，又慳到錢。回禮方面，必須事先計清楚所需材料同回禮數量，補購材料同多餘回禮都會做成浪費。

陷阱4‧新屋裝修鬼祟位
新人忙於搞婚禮，加上缺乏經驗，好易踩中裝修鬼祟位，例如裝修公司籠統報價、物料格價上漲、不斷升級傢俬及工程延誤等，超支數目非同少可！

拆解貼士：淡季裝修，部份裝修公司會有優惠。搵間信譽良好嘅裝修公司，幫你全盤計劃同控制成本，條款訂明交貨日及延期賠償，就唔怕貨不對辦喇！

清楚預算婚禮開支
結婚開支龐大，加上太多無法預計嘅支出，建議新人婚前一年做好婚禮開支及超支預算。如果資金緊拙，可考慮以低息貸款應付30%-50%支出，貸款攤分一至兩年還款，令大開支變小開支。想減輕還款利息，更可考慮全網上貸款，由於沒有分店，可以降低成本和利率。新人網上填妥申請表，即時知道批核結果，無須先交文件。申請人認為貸款金額及利率合理後，才上載所需文件。

除了申請簡便，部份網上機構更會推出優惠，如WeLend網上貸款。由即日至10月31日只要完成申請程序，即送你HK$300安記海味現金券，最啱用嚟過大禮。

條款詳情及申請 >

放債人牌照號碼︰0796/2017

特約資訊