設計師解構王君馨4件嫁衣!

data_article_detail.is_new_Slide_show = False
設計師解構王君馨4件嫁衣!
看過王君馨(Grace)的歐洲婚照及美國婚禮花絮,心思思都想著佢嘅婚紗出嫁?星級婚紗設計師Marco M Chan為Grace 親自設計嫁衣,今次請佢同大家解構設計歷程,仲分享埋租借價及訂造價!
Marco 一共為Grace設計4套嫁衣,當中3套為純白款式。由於Grace要帶婚紗到歐洲影婚紗相同去美國行禮,嫁衣需以輕便簡單為主。「新娘子非常open-mind,交晒俾我話事」Marco話佢可以全權話事,自由度很大。

訂造價:HK$28,000
Grace早在一年前開始搵Marco設計婚紗。靈感上,Marco先了解一對新人的歐洲婚攝景點,根據當地歐陸建築風格、石紋紋理、天氣及風情等構思設計。3套婚紗甚有意大利風情。

訂造價:HK$68,000
要數最有話題的婚紗,一定係呢套西裝外套加半截裙。Marco大爆原先構想的造型更誘人:「原本打算西裝裡面真空上陣,不過因為要遊走歐洲街頭,不宜太性感,所以才打消這念頭。」婚禮過後,Grace仍可穿著此西裝外套出席event,夠晒環保。

訂造價:HK$52,000
至於婚禮當日Grace所穿的婚紗,原來內有乾坤:「因為她的行禮地點在河邊草地,婚紗愈簡單愈好。」Marco摒棄傳統大拖尾款式,加上可拆式拖尾配件,一裙兩著加強變化,行禮夠得體,影相又夠性感。

訂造價:HK$88,000
婚紗上加入了釘珠、刺繡及lace,再細心一看,不難發現lace 有別於一般款式。原來Grace喜歡尖形圖案,但一般lace以花形為主,不太貼合她的要求,所以Marco特意飛去巴黎搜購此塊菱形lace布料,非常細心。
7月11日的香港婚宴上,Grace會翻著呢4套嫁衣,環保之餘又可以俾賓客親身一賭性感一面,唔洗只睇婚照咁悶。

來到大家最關心的價錢,原來租借價只需$8,000起!不過Marco就話未必人人都可以著:「Grace的婚紗難以改大,只可改細,只有差不多身形的新娘子才有機會fit size。」如果真係太鍾意佢嘅款式,亦可選擇訂造,最平一款只需$28,000,以星級設計師級數而言算是合理。

Text_Fanny(Editor's Blog)