白色才是永恆!盤點8位女星婚紗造型

data_article_detail.is_new_Slide_show = False
白色才是永恆!盤點8位女星婚紗造型
大台剛舉辦完年度頒獎禮,對於小編同一眾新娘而言,邊個攞獎都係其次,女藝人嘅華麗戰衣,先係大家最關心嘅話題。今次頒獎禮上唔少女藝人都鍾情白紗,正好為新娘的嫁衣提供靈感!
唐詩詠
視后唐詩詠一襲deep V立體花瓣白紗登場,而領口至裙擺都縫上過百花瓣,性感得嚟又浪漫。婚紗質地輕逸,每走一步,花瓣飄飄,好有仙氣,啱晒知性美嘅新娘子!
黃翠如
翠如選擇本地設計師品牌Kevolie的粉紅漸變珍珠短袖晚裝, A-line裙擺簡約大方,上身綴以不規則花紋線條,加埋幼腰帶突顯腰線,年輕優雅。
周麗淇
長袖婚紗係另類選擇,唔想一味公主、飄逸,想有character嘅新娘可以考慮。好似周麗淇呢件英國婚紗品牌YANIV PERSY流蘇婚紗,突出新完美的背、腰、臂比例,全身綴以白色流蘇,隨著新娘一舉手一投足擺動,低調得嚟吸睛,令新娘輕易成為全場焦點。
楊怡
楊怡呢套乳白色婚紗來自以色列婚紗品牌Birenzweig Bridal,品牌擅用喱士及閃爍水鑽點綴,令婚紗更耀眼。睇相都覺得楊怡條裙閃閃發光,現場一定好搶鏡。
陳煒
新娘子著sweet heart或deep V婚紗,最怕走動時會春光乍洩,不過煒哥呢件婚紗性感得嚟就唔怕啦,設計師Dorian Ho加入咗透視膊位設計,襯埋對小喇叭袖口夠可愛,又可以修飾手臂。不過,中門大開嘅design就有D考新娘膽量喇!
陳敏之
有42吋長腿嘅敏之,魚尾裙必然係首選。一襲珍珠白純色魚尾婚紗,沒有多餘點綴,但已盡顯佢嘅身形優點。心型魚尾裙襯包領斗蓬紗,好有貴婦風範。但小編建議,由於新娘通常都帶頭紗,唔加斗蓬紗反而更能突顯簡單美!
朱晨麗
Rebecca呢件長袖喱士婚紗非常搶鏡,因應喱士花邊打造成大V領口,綴以寶石,絕對誘人,作為婚禮禮服,就要問准新郎及家人意見喇。不過長袖喱士設計大有機會令手臂顯粗,新娘子要慎選!

Text_Fanny(Editor's Blog)