萬眾期待，港島區終於有新場！香港JW萬豪酒店經過幾個月閉場裝修，宴會廳終於準備就緒，並於9月3日隆重登場，成為港島區最新、最大型具有無柱式設計的酒店宴會廳之一！

投資逾8位數　打造全城華麗時尚婚宴
編輯提早收到宴會廳新場圖片，場內以香檳金及型格銀作主調，時尚感重。第一眼更被華麗閃爍的吊燈吸引。由著名燈光藝術家Jan Pauwels精心設計及製作的吊燈別緻優雅，懸掛在15英尺的天花板上，配以現代化的燈光設備，閃亮璀璨，進一步提升婚宴氣氛。另外，高清液晶體背景幕牆呎吋為12米乘3米，營造強勁視覺效果，無論播放照片、影片、各款平面設計效果以及作現場直播都無問題。

大型婚禮夠豪華　小型婚禮私密度高！
JW萬豪宴會廳面積超過10,000平方尺，可以最多招待1,100名賓客。想舉行小型婚宴亦無難度，宴會廳可搖身一變成6個小型宴會廳，每間可容納36-120人，各設有獨立入口，私密度高。入場前仲有寬敞嘅接待區，供賓客好好享受迎賓飲料或進行席前小玩意亦得。為咗迎合全新靚場，酒店更加添置全新餐具、椅套等設備，完全煥然一新。

擺酒只需$14,088/ 圍　CP值高有驚喜！
新場雖然花近$6,400萬豪裝，但婚宴酒席價錢並非天價，同酒店了解過2018婚禮套餐，發現相當吸引！喺全新宴會廳擺15席以上，每席只係港幣14,088元起！而且仲包埋一系列免費著數，包括豪華新婚套房住宿一晚連早餐服務、2張Club Marriott Dining Card 1年或以上的獨家餐飲優惠、五層婚宴蛋糕、萬豪禮賞50,000分免費換取於全球指定萬豪集團旗下酒店2晚及名貴香檳等等…聽落CP值都幾高！唔好坐喺度得個諗字，睇過場至實際。快啲打電話同酒店預約，爭取第一時間site visit先。

查詢電話：2841 3838
電郵: jwmarriott.hk@marriotthotels.com

Text_Fanny （按此進入我的WOW）