唔少新人都想先輪候公屋，再以綠表抽中居屋，完成上車任務，所以佢哋唔會花太多錢裝修。如果裝修budget只有大約10萬，有無辦法令二手小單位都變得靚靚仔仔呢？公屋裝修易設計師今次帶大家嚟到新界大圍美田村一個新裝修單位，大家一邊睇，一邊估下用咗幾多錢。
成個客廳只有一面窗，如果間房嘅話，就只能靠燈光照明，唔夠明亮。為咗令個廳有較多自然光，設計師以半透明磨砂趟門設計打造睡房，再喺梳化上方建燈槽及spotlight，成間屋即刻光猛曬。
單位面積好細，客廳無咩空間儲物，設計師唯有喺睡房加建地台床以及到頂趟門衣櫃，整齊實用。衣櫃趟門直接鑲上連身鏡，方便又慳位。
屋主購入可摺式飯枱，平時睇電視可當高身茶几用，唔怕被飯枱擋住視線。
細心留意浴室設計，就會見到木材製櫃子，其實都係設計師貼心安排，希望將日式榻榻米的風格完美延伸，成個屋企更有和風感覺。呢個單位裝修連傢俬只係花約12萬，絕對係小資家庭經濟之選。
資料提供：公屋裝修易
Text_Fanny（Editor's Blog）
資料提供：公屋裝修易
Text_Fanny（Editor's Blog）
酒店
婚宴場地
婚紗禮服
攝影攝錄
美容化妝
籌備
「優質婚禮商戶」計劃 
