Rock Doug 夫人 & 杜格拉斯 - 「髮」現愛上你 Band友背後的隱形女友

Doug: 2015年5月22日，這天對於我們來說本是毫無意義的一天，但Yan突然跟我說，這是我們「-1結婚週年紀念日」，明年的今日我們便結婚了，要好好慶祝一番。雖然我現在很多時候已經可以猜出她的鬼主意，但有時她亦會殺我一個措手不及。因為工作關係，我們見面的時間不多，幫她這個懶鬼參加這比賽，她應該會很喜歡這份禮物吧，哈哈！

我們相識的經過便不多說了，我只想在這裡表揚一下這個蠢女人！

我是一個音樂人，由十四歲開始，從未離開過結他，當年我帶著兩枝結他，隻身飛到澳洲進修音樂，順理成章地，畢業後我便一直從事音樂工作。一開始的日子很難捱，尚記得第一個月的薪金只有三千多元，我很沮喪，開始懷疑自己是否入錯行。之後跟朋友組了一支metal band，要知道在香港這個文化沙漠，metal比rock這條路更加難行！

即使一路遇過多少次的失敗，即使連我家人都叫我放棄的時候，Yan還可以笑著跟我說：「不是所有人都可以擁有夢想，更加不是所有人都有勇氣去追尋夢想，而當中亦沒有多少個可以將夢想變為專長，你已經成功了一半了！有我在你身後支持你，輸了也不用怕！」

Yan 給予我100% 的支持，由我從低谷發展到今日的成績，她一直支持我。出band show時我忙著準備及交際，她會幫我及整隊band買食物，準備飲品及拍照。完show後，有時有些女生會主動上前要求合照，她總會識趣地躲得遠遠，默默地為我收拾東西，因為她知道我隊band曾一度不想將我們的關係公開，她很諒解地將我們facebook上所有親密照片隱藏了。

所以，我決定要給她一個名份！

因為她給予我無限支持，我才能去繼續我的夢想。很多人認為玩音樂的人沒有出息。我除了音樂，甚麼也沒有，但她願意把下半生作賭注，陪我走下人去，這樣的一個「蠢女人」，我能到哪裡找呢？

Yan: Hello我係Yan，首先我想講，我好可愛嘅Doug諗住俾個surprise我，但臨submit個entry 時先發現之後唔可以再改，所以突然叫我打埋我自己嗰part上去…其實Doug平時講野冇咁感性嫁，佢係扮嫁咋！

【遇上長毛 “Darkness”】
嚮澳洲讀大學時，Final year 認識左Doug。第一次見佢係嚮佢屋企。話說當時我去同事屋企小坐，臨入佢屋企前，佢突然同我講佢屋企有個好crazy嘅housemate，我心諗：「有幾crazy呀? ？」 一入屋，我同事就大叫 “ Dougie, I bring a girl home!” 然後一把高八度嘅男仔聲嚮睡房傳出黎 “Girl??” 我對佢嘅第一印象係，「嘩，咁嘅？？」，長到膊頭嘅曲髮，頭髮仲長過當時嘅我，著住睡衣，感覺好宅！同事介紹佢個名叫Douglas，我聽錯以為佢叫Darkness。介紹完之後佢say句hello就走番入房。

Doug 解話：「當時既Yan頭髮好短，因為我唔鍾意女仔短頭髮，所以hello完就走左。」

【2個月後突然主動出擊】
基本上第一次見面後，我地呢對「長髮男短髮女」嘅組合已經唔記得對方嘅存在。直至2個月後，我同個同事睇緊band show, 佢話 “I should invite my housemate, he loves band sound. You remember? Douglas!” “Ohhh, ya, Darkness!” 番到屋企之後，我同事打俾我，話Doug想問我大學請band 嘅問題。佢一接電話，又係嗰把高八度嘅聲：「Hello，你記唔記得我呀？」「我梗係記得你啦，Darkness嘛！」之後，我地就add左msn傾計。

Doug 解話：「因為嗰晚我housemate 番黎提起Yan，show左佢facebook俾我睇，見到佢長捲髮個樣，完全係我鍾意嗰type。再加上我housemate不斷push我去認識Yan，我就鼓起勇氣打俾佢啦，出show嘅問題只係藉口，哈哈...

【喜歡上這個Mr. Wrong】
我心目中嘅Mr. Right 係好似江植樹咁，成熟少言cool cool 地。Doug有齊我3個最討厭男仔有嘅特點：長頭髮、彈結他、多野講！但認識多左，我見到佢對音樂嘅努力同執著，仲有佢成日都可以令到我笑到kaka聲，連我啲朋友第一次見佢都覺得佢好搞笑，又對我好細心。佢第一次令我有心動嘅感覺，應該就係因為佢想追我而突然剪左把長髮，我同事即刻send左佢幅相俾我睇，我第一個反應係...「嘩！好靚仔呀！」

【外表好型嘅畸型音樂人】
就係咁，我行左條不歸路…到依家我都係唔係好明點解我會鍾意Doug，太重口味啦！例如佢玩嘅音樂唔係普通嘅pop rock，係要 “fing” 晒頭叫晒嘅heavy metal；佢養緊3條蜥蝪同一缸珊瑚，但最大嘅心願係養恐龍；自細就鍾意研究幫生物繁殖，試過螞蟻、蜻蜓、草蜢，仲有一大堆咩魚咩蟲咁。佢housemate 話我地2個一齊就好嘈，我多野講，但佢會成日叫，即係會突然大聲唱歌大叫或者扮動物叫；我地嚮澳洲出名食野多，佢食4碗飯，我食2碗；佢超級面皮厚，EQ 極高，就算係咁俾人踩佢或者我發佢脾氣，佢都可以唔嬲嫁，搞到我成日都好想挑戰佢EQ，就算佢頂唔住大聲喝我，下一秒都會即刻say sorry；佢仲要係慳過我，固執過我，同埋貪靚過我！間唔中就問下我：「你覺得我皮膚有冇好到？」、「你覺得我有冇大隻到？」、「你覺得我靚唔靚仔？」

當然，我都有唔開心既時候啦！佢對band每次完show 之後點都會有女粉絲話搵佢影相。就係咁，佢嘅bandmates 就唔想佢太公開我地嘅關係。所以每次出show，我都係執頭執尾幫下手咁，都唔會同佢有太多接觸。嚮佢facebook見到我啲相嘅機會就梗係更加少啦！仲有，同得音樂人一齊，真係要無私咁支持佢嘅音樂，但點樣嚮音樂同大家嘅將來之間取得平衡，我都仲係慢慢學習緊！

【兩次求婚 男女兩面睇】
Doug: 第一次求婚俾 Yan拒絕左，而我到依家都覺得呢個失敗左嘅求婚idea係好正同好型嘅。話說我買好左求婚戒指一段時間，一路等一個機會，就係佢瞓左嘅時候，我將隻戒指靜雞雞咁戴左上佢手指度，,之後就期待佢起身之後嘅驚喜同感動。點知一切都係自己幻想…佢起身後見到戒指，係開心嘅，但佢仲期待我有其他安排同驚喜俾佢，可惜我冇啦，我低估左佢，所以我都唔好意思，惟有將佢手上嘅戒指收好，為下次求婚作準備。

第二次我諗左好耐同等一個特別機會去求婚，數個月之後，機會黎啦！佢出trip，真係天助我也，我連夜整左一本畫册，入面係我同佢由相識到依家嘅一個Time Line memory。我畫公仔 (畫工係小童程度)、上顏色同加左啲小手工，全部都係我嘅處男作。之後再買左一束新鮮外國入口紅玫瑰同拎埋求婚戒指去機場等佢出黎，之後嘅野，相信我都唔洗點多講，大家都估到啦，今次成功左！

Yan: 其實佢一共求左兩次婚，講落我自己都唔多好意思。第一次係我瞓著左嘅時候幫我戴左隻戒指，我訓醒時佢問我可唔可以嫁俾佢，完！其實我中途醒左下已經feel到，同見到隻戒指，開心左下同灰左下就繼續瞓。Reject 嘅原因係太求其，點知之後俾我地發現有幾個music mv 都係用呢個橋段，但係人地個 setup浪漫好多…

第二次求婚嚮三個月後我出trip 坐飛機番香港時，見到佢捧住一大扎紅玫瑰嚮arrival閘口等我，我有啲嚇親，再心諗咁嘥錢，留番啲錢同我求婚仲好啦！點知原來，佢準備左一本親手畫嘅回憶錄同我求婚，Doug 畫畫好差，相信佢放左好多effort 落去。尷尷尬尬咁say 左yes 後坐巴士番屋企時，我就開始抱怨做咩要買最經典嘅紅玫瑰？做咩唔彈結他求婚？做咩隻戒指係最經典嘅有托款？