沖繩－經歷浪漫 就是甜蜜

時間+人物+地點=回憶。就算係同一個地方，同一個伴侶，你哋每段回憶、每個經歷，都係獨一無二。去沖繩，就係浪漫。藍天白雲、水天一色、白色教堂、異國風情，由求婚、結婚、蜜月、週年紀念，沖繩都見證你同摯愛每個甜蜜時刻。

求婚──日夜景色都浪漫

沖繩日夜景色都浪漫，要營造氣氛講「Yes! I Do」毫無難度。沖繩部份酒店、教堂設有求婚服務，由專人協助安排場地同細節。要搵無價靚景，日景有萬座毛、残波岬以及大小沙灘；夜景有美國村摩天輪、聖誕限定嘅沖繩縣和平祈念公園同Okinawa Zoo & Museum應節燈飾，都係求婚好地方。

結婚──海邊教堂選擇多

沖繩教堂選擇多、外型靚、設備齊全，仲有無敵海景做背景，影婚照效果一流。部份酒店更設有教堂，方便新人同親友住宿、舉辦婚宴。無論係香港旅行社、婚攝公司，甚至沖繩當地都有好多結婚package選擇，有專人幫手統籌結婚場地、流程同婚攝等細節，海外搞婚禮都好簡單！