2017本土婚禮市集On Call!

撰文: Randy Yoong 於 2017-03-30 04:48 95541 次觀看

傳統Wedding Expo去得多，全部都係大型婚嫁品牌，每次去親都要大出血實在心痛！想搵平靚正特色婚禮item，2017首場本土婚禮市集就啱晒你！Mark實4月8至9日，有近90個本土品牌坐陣免費入場，一齊睇睇有咩必睇攤檔先！

婚後義賣會將二手婚嫁用品承傳下去！
「婚享同學會」首次舉辦實體婚後義賣會，將其網上的「婚後賣物會」帶到婚禮市集。「婚享同學會」已收集新人捐贈之婚禮物資，屆時將於婚禮市集上進行義賣，所有收益將撥捐至樂施會，大家既可做善事，又能以行動支持環保，更可將幸福傳承，令更多準新人受惠！

一紗難求　輕‧嫁衣之選
GREENwedding主攻設計年輕又自然的嫁衣，連早前拉埋天窗的雪雪BB（孫慧雪）都有著住影婚照！設計師親手縫製的輕婚紗最適合簡約或戶外婚禮，帶埋去旅行亦好方便！

卡通玩味飾品製作
戴襟花戴到悶，想要啲新鮮感？HEY! Wedding & Event Management可為新人設計各種個性化產品，製作前先了解及因應新人的喜好，為你四出找尋你鍾意的卡通公仔再改造成獨有的襟花或煲呔，保證每款產品獨一無二。

獨一無二！人手串珠花球
仲諗緊花球用鮮花定絲花？Out啦，Duet Handmade由人手以串珠技巧創作精緻的芝球，以一顆一顆的小米珠配以法式串珠技巧，把過千粒玻璃米珠及銅線，編製出獨特的立體花，呢個花球一定唔捨得送俾人。

擺得又睇得！乾花花球之選
乾花保質期達半年至一年之久，比起鮮花更有價值！Splendograss Florist La Scent人手將鮮花天然風乾成乾花，製成花束、花球及襟花，為新人提供另一選擇。

女設計師打造男禮！
由女設計師打造男士禮服都係第一次聽，從女性角度出發為男士度身訂造禮服的CINDYK FASHION & TAILOR，由禮服、煲呔以至其他配件一應俱全。想知女設計師設計的男禮有咩與別不同，就要到其攤位睇睇！

性價比高！本土特色婚戒
追求獨一無二的婚戒設計，不得不到訪隱世首飾店A’Royal Diamond，由本地設計師精心設計結婚戒指，了解準新準人要求，為他們度身訂造獨一無二的結婚戒指，更具紀念性。品牌直接由外國大型鑽石開發商採購鑽石，價格比一般連鎖首飾店低，性價比超高！

夢想島婚禮市集
市集日期：2017年4月8日至9日（星期六及日）
市集時間：12pm-7pm
市集地點：荔枝角長義街9號D2 Place一期二樓（荔枝角地鐵站D2出口）
參展數目：約90間

Text_Fanny（Editor's Blog）