清新便服婚照 | 香港8個Prewedding婚攝拍攝地點推介!輕婚紗拍照靚景

data_article_detail.is_new_Slide_show = False
清新便服婚照 | 香港8個Prewedding婚攝拍攝地點推介!輕婚紗拍照靚景
不少港人縱使會拍攝海外婚照,也總會額外拍一輯本地的婚紗相,其實香港各區都有不少獨特靚景可以影pre-wedding,新人亦可安排在大日子當日午間空檔時去快拍一輯。透過欣賞以下新人分享的婚紗相,讓大家有更多婚禮攝影的靈感!

1. 中式之選:九龍城寨公園


布偉傑老婆Celia:「中式景點好多人會選擇荔枝角公園,但布生(布偉傑)建議去九龍城寨公園,因為佢喺果度拍過唔少劇。其實佢嘅園林景觀好靚,當日剛好有好多落花。」

2. 地道之選!交通工具取景


新娘菠蘿山小公主:「西營盤總站坐電車,如果可以見架車多人,就揀下一架搭,仲可以揀到啲舊式少少嘅車先上車。搭到去中環,坐天星小輪去尖沙咀。我地揀咗有冷氣位置坐低,當日落雨,冇咩人坐冷氣位,等啲人離開架船,冇咩人之際,利用埋玻璃窗嘅霧氣,造出唔同效果!」

3. 連鎖café!有老香港特色


新娘Kiwicc:「呢輯中環影嘅靚相,係喺Starbucks影㗎。我哋好似穿越咗時空,做咗花樣年華嘅男女主角,好復古好有feel!」

4. 香港島最南面


石澳街道充滿彩色及特色小屋,平時經過未必留意,但新娘Kiwicc的攝影師就發現多個影相angle,造就呢輯可愛又清新的便服婚照。

5. 青春回憶:機舖


新娘KathYan:「我想要嘅相,係可以包含我哋嘅故事,影一輯屬於我哋嘅結婚相,所以特別揀咗有我哋回憶嘅地方去影!以前讀中學或讀大專時,拍拖無聊冇嘢做就最喜歡去機舖打發時間喇!其實我都係膽粗粗打去機舖問下,可否借場影相,點知原來之前已經有人租過場!」

6. 他約我去迪士尼


新娘Yoyostar的童話式婚照,完全燒著其他新娘!想入樂園影相嘅新人留意,要join迪士尼的婚攝package先可以入園區影婚紗相,唔可以自己偷偷入去架!

7. 中環半日遊


新娘kw3sin由中上環街景、café沿路影到添馬公園:「當中的cafe仲唔洗另外收費,食個lunch就俾我哋周圍影,yeah!」而添馬公園夜景仲靚過白天,霓虹燈加上遠處摩天輪,近處又有新人準備的小燈飾、發光花球,match到爆!

8. 水浪窩觀星台


新娘Samanthayen經攝影師推薦下去咗西貢水浪窩同獅子會兩個地方影婚紗相。獅子會係熱門郊外婚攝場地,而水浪窩就比較特別,有一座觀星台,台高六米,仿照古代天文觀測台而建,好似雕堡一樣,有唔少靚位值得取景。 Text_Fanny(Editor's Blog)