小玩意大學問：結婚對戒點樣揀？

撰文: Edith Yuen 於 2018-04-12 01:01 42369 次觀看

「一世穿一次小玩意是女人的大志」，為咗呢對戴足一世嘅幸福小玩意，挑選過程絕不可兒嬉。從挑選物料、尺寸、舒適度，以至組合配搭，每一處都蘊藏大學問。

1. 物料
最常見的婚戒物料係18K金及PT950。兩種物料各有特點。
18K金：黃金含量75%，其他金屬佔25%，只要混進唔同比例嘅金屬，就可以打造成唔同顏色嘅18K金，例如18K白金、18K玫瑰金及18K黃金。顏色變化多，可以打造嘅款式相對較多。而且18K金重量比鉑金輕，硬度又較高，不易磨損或變形。

左：周生生Promessa 18K黃金鑽石戒指
右：周生生Promessa 18K黃金戒指

鉑金PT950：鉑金唔屬於黃金，但係係一種比黃金更罕有嘅貴金屬。PT950即是含有千分之950嘅純鉑金，另外5%為合金，所以純度非常高，顏色亦比18K金較光亮潔白，冇咁易褪色，同愛情一樣恆久不變，所以鉑金對戒都相對珍貴及耐用。

左：周生生Promessa 950鉑金鑽石戒指
右：周生生V&A 「Posy」950鉑金戒指

白金婚戒長青啲，黃金婚戒又elegant啲，心大心細揸唔定主意？不如mix晒2種滿足願望！好似圖中對戒就由18K黃金同950鉑金混合而成，而呢類「兩溝」款式，又有分「真分色」同「假分色」。

假分色：戒指以單一隻色金做倒模，完成後再喺表面電鍍其他顏色。戴耐咗就會因為磨損露出原本嘅顏色，睇落無咁「靚仔」。

真分色：分開打造不同色的K金倒模，再將各色組合而成。雖然工序繁複，成本會增加，但K金婚戒可更持久唔甩色，保證歷久常新。

圖：周生生Promessa 18K黃金及950鉑金鑽石戒指（真分色）

2.尺寸
手指粗幼會隨時間而轉變，好似啱啱瞓醒覺起身時，身體（包括手指）會有水腫，為準確起見，建議大家下午過後先去試戒指。試戒指時以左手無名指為準，確保手指喺伸直同屈曲時下都戴得非常舒服，而且鬆緊適宜，不易鬆脫。不過就算買咗之後發現唔啱戴都唔緊要，周生生提供售後免費更改尺寸服務，咁就唔怕呢個小玩意唔啱size啦。

圖：周生生尺寸量度器

3. 舒適度
一隻舒適嘅婚戒，除咗要啱size，指環設計都好重要。好似周生生Promessa 婚戒系列，佢嘅一凹一凸嘅螺旋紋理扣緊戒環，唔會刮手，加上內側微卜設計，又唔會吸住手指，就算長期戴都好舒服。

圖：周生生Promessa 18K黃金戒指

4. 百變對戒組合
預先襯好嘅對戒組合未必合你同另一半嘅心水。周生生Promessa Engima系列有有6個款式，9個材質組合，共54個變化滿足唔同新人嘅喜好，仲可以喺婚戒外刻愛情字句，轉一轉就將密語鎖住，只有你兩個先明箇中秘密。

圖：周生生Promessa Engima 18K黃金戒指

5. 疊戴款配搭
揀婚戒時，記得戴埋求婚鑽戒。因為鑽戒可同婚戒一齊戴，成為疊戴款，令呢份愛情承諾更受注目，更多變化、更fashionable。

圖：周生生Infini Love Diamond 「婚嫁系列」

更多婚飾選擇及貼士，盡在幸福出嫁手記