【鑽戒以外的閃爍選擇】4款顏色寶石及珍珠求婚戒指推介

data_article_detail.is_new_Slide_show = False
【鑽戒以外的閃爍選擇】4款顏色寶石及珍珠求婚戒指推介
作為一個廿四孝男友,想求得美人歸,當然要落足心思:求婚戒指、花束、下跪,你仲欠邊樣?訂婚戒指係求婚嘅第一步,搜尋坊間大小珠寶門店,除咗鑽石戒指之外,發現近年愈來愈多人用寶石或珍珠指戒來求婚。唔講可能你唔知,唔同嘅寶石或珍珠都有佢背後嘅獨特含意,想為你倆嘅故事賦予更深刻嘅意義?紅寶石、藍寶石、祖母綠、黃鑽、啡鑽戒指,絕對可以為你帶來更多嘅婚戒靈感!
紅寶石:令新娘子的肌膚更雪白

紅寶石有「愛情之石」之稱,象徵著愛情嘅美好、永恒同堅貞,係7月嘅生辰石;若你嘅求婚對象係7月出生,紅寶石係一個好選擇。白晢嘅新娘子配襯紅寶石可令肌膚顯得加倍雪白,紅色透亮嘅寶石被顆顆碎鑽圍繞,紅、白完美融和,不論配搭婚紗或晚裝都非常匹配,高貴得來絕不顯老,令晚宴造型閃亮全場。其實除咗喺big day當日佩戴,平日出席隆重場合,一襲簡單線條嘅黑色長裙加一枚紅寶石戒指,已經足以美豔動人,全顯女性美態!

圖:周生生18K白金紅寶石戒指
藍寶石:盡顯皇族氣派 英國皇室戴安娜王妃和凱特王妃都係藍寶石嘅忠粉。藍寶石係世界五大珍貴寶石之一,亦係9月嘅生辰石,有「來自天上嘅寶石」和「天國之寶石」之稱:你的她亦仿如來自天上嘅禮物嗎? 藍寶石戒指有多種形狀選擇,其中深受歡迎嘅有梨形和橢圓形:梨形切割獨特,除咗可以帶出皇族氣派之外,仲添上一份時尚感,所以受到年輕新人追捧。橢圓形則大方得體,屬於「穩陣」之選,大多數女朋友收到都會鍾意,咁就代表求婚已經成功咗一半啦!藍寶石與晚禮,藍、灰、銀系嘅晚禮服配搭最適合, Classic & elegant! 日常配搭深色系嘅OL服飾,藍寶石係一個優雅嘅點綴。 圖:周生生18K白金藍寶石戒指
祖母綠:散發古典氣質

祖母綠係一種好古老嘅寶石,喺古埃及時代就已用嚟做珠寶,被稱為「綠寶石之王」,亦係5月嘅生辰石。以祖母綠戒指作為訂婚戒指,不但可以突顯新娘子嘅古典美態,更可達至吸睛嘅效果,閃爍感矚目全場!晚裝方面,建議配搭earth tone或金色系嘅顏色,當然綠色系嘅禮服裙亦一定唔會有閃失!平日穿搭可以考慮襯上黑色套餐禮服,塑造型格嘅中性打扮,時尚非凡。

圖:周生生18K白金祖母綠戒指
黃鑽:清雅脫俗之選

黃鑽是「Fancy Color」之一,喺開採出來嘅每一萬克拉鑽石當中,只有一克拉係彩色鑽石,非常罕見,故此黃鑽比鑽石更珍貴,價值亦更高。想求婚戒指與眾不同,不妨考慮將選擇黃鑽,代表對方對自己都特別珍貴。 黃鑽戒指用來配搭裙褂可能係一個嶄新嘅配搭方法,但請相信我,一定非常受落。此外,黃鑽配搭純白、米白、大地色系嘅晚裝亦會非常搶眼。平日穿搭就Smart Casual已經可以成功提升魅力!

圖:周生生18K白金黃鑽石戒指
啡鑽:氣質新娘至愛
性格含蓄嘅新娘想放閃得嚟唔會太浮誇?啡鑽或者係你心水。呢個品牌來自日本,以細膩嘅工匠手藝聞名於世,嚴選全球僅3%嘅天然啡鑽原礦,展現日本不朽簡約風格,特別受到氣質新娘喜愛。啡鑽嘅好處就係易襯,就算係平時少玩首飾配襯嘅新娘,都可以輕易駕馭。做個時尚新娘,你可以將啡鑽戒指同其他戒指疊戴做一個mix and match,簡單嘅組合已經盡顯個性。

圖:(左) 周生生Kashikey 18K玫瑰金啡鑽戒指 (右) 周生生Kashikey ‘Muku’ 18K玫瑰金啡鑽戒指

特約資訊

更多婚飾選擇及貼士,盡在幸福出嫁手記