【大姈姐教路】10個四大長老婚禮說話禁忌

data_article_detail.is_new_Slide_show = False
【大姈姐教路】10個四大長老婚禮說話禁忌
父母日盼夜盼,終於盼到嫁女/娶新抱,好多時都開心到唔小心講錯嘢,有啲可能係心直口快,有啲就專登俾說話新人聽。星級大妗姐歐惠芳入行超過20年,見盡太多奇人奇事,今回由她分享四大長老10大難頂說話,新人可以得啖笑,或者share俾父母善意提醒亦得!

更多精彩內容:【特集】嫁得好!中式婚禮習俗要做足
真實個案1

奶奶:祝你們「年年有今日,歲歲有今朝!」

唔係卦?年年有今日?咁咪要年年都結婚好唔吉利?

大妗姐急救:盡兜!祝你們「年年有今日結婚紀念日,歲歲有今朝咁開心」!

更多精彩內容:【特集】嫁得好!中式婚禮習俗要做足
真實個案2

奶奶:乖啦!阿儀 (新郎前度個名) ,祝你哋婚姻幸福美滿!

奶奶口快快,噏錯咗前度女友嘅名,真係尷尬到爆!

大妗姐急救:玩食字,奶奶恨抱孫恨到發燒,亂晒籠,阿儀即係叫新娘早生孩兒!

更多精彩內容:【特集】嫁得好!中式婚禮習俗要做足
真實個案3

奶奶:80歲前都唔好俾飽飯老婆食!

呢啲真心話,點可以明目張膽、喺咁多人面前講㗎…

大妗姐急救:啱,新娘都要keep fit!

更多精彩內容:【特集】嫁得好!中式婚禮習俗要做足
真實個案4

奶奶:層樓唔使旨意加妳個名!

Um… 點解結婚咁喜慶嘅日子要講呢啲…所謂「講樓傷感情」!

大妗姐急救:講得啱,新娘嫁畀你個仔唔係嫁畀層樓!今日淨係講結婚!

更多精彩內容:【特集】嫁得好!中式婚禮習俗要做足
真實個案5

奶奶:呢度係酒店,唔係男家,你仲未算入咗男家門!

有啲奶奶真係好care入門地點,遇上呢個情況,唯有靠大妗姐執生。

大妗姐急救:打圓場:「啱嘅,飲咗新抱茶先啦,註冊先正式入門! 」

更多精彩內容:【特集】嫁得好!中式婚禮習俗要做足
真實個案6

奶奶:媽媽同新娘一齊跌落水,你救邊個先?

經典問題,估唔到有奶奶喺大日子考個仔,真係搵交嗌!

大妗姐急救:點答都係死,唯有即刻斟多杯茶俾奶奶,再添再添,添喜添喜,等佢冇得出聲,乘機撥開話題,派利是俾新人及戴首飾。

更多精彩內容:【特集】嫁得好!中式婚禮習俗要做足
真實個案7

奶奶:老公嘅說話可以唔聽,奶奶嘅說話就一定要聽!乜妳阿媽無教妳咩?

未必有新娘聽得入耳,而且聽到呢句真係呆一呆…

大妗姐急救:死忍,唔駁咀,啱,啱,初歸新抱,落地孩兒,要聽奶奶話孝順奶奶!

更多精彩內容:【特集】嫁得好!中式婚禮習俗要做足
真實個案8

奶奶:妳個妝化得咁肉酸,都唔襯我個靚寶貝仔!

新娘聽到唔好太傷心,呢啲情況真係好考EQ!

大妗姐急救:最緊要奶奶靚就得啦!

更多精彩內容:【特集】嫁得好!中式婚禮習俗要做足
真實個案9

媽媽:我都知我個女係港女,刁蠻任性,你要好好包容佢!

聽講真實個案中的女主角立即黑面,啤住媽媽,想發爛渣!

大妗姐急救:外母實在太謙虛啦!

更多精彩內容:【特集】嫁得好!中式婚禮習俗要做足
真實個案10

長老:罷飲新抱茶 / 女婿茶!

睇嚟真係好唔滿意新抱 / 女婿喎…不過既然出席得婚禮,應該都係扭下計啫。

大妗姐急救:盡氹,用誠意打動奶奶 / 外父,長跪不起!終極一招,話吉時到,成班貴人、財神、喜神都到咗,有請快D飲茶啦!

總結:新人遇上任何難堪事,只要就死忍,唔駁咀,忍一時之氣,海闊天空。聽話,就成功過關。就忍一日咁多啦!

資料提供:歐惠芳婚禮顧問

Text_Fanny(Editor's Blog)

更多精彩內容:【特集】嫁得好!中式婚禮習俗要做足