【婚前壓力】新娘最需要你體諒的8件事

data_article_detail.is_new_Slide_show = False
【婚前壓力】新娘最需要你體諒的8件事
有女人自然有是非,再close嘅好姊妹總會因一兩件事唔妥對方。如果身邊有一位閨密就嚟結婚,新娘易因婚事惹來其他好友的不滿!今回列出8件新娘常見情況,了解她的想法及立場,你可能會更易體諒她的處境!

更多精彩內容:兄弟姊妹團必讀大全
1.新娘居然淘寶買姊妹裙!

好多人認為新娘為兄弟姊妹洗錢係理所當然,要買靚靚姊妹裙、揀最好嘅化妝師、準備埋答謝禮物...其實你又知唔知新娘為婚禮開支已經好頭痕,已經左慳右慳,減少貴價聚會,務求為你安排最好的!淘寶又如何,佢一樣左揀右揀幫你揀最好的,唔好多多要求啦!

更多精彩內容:兄弟姊妹團必讀大全
2.事事收收埋埋唔分享!

女人又點會樣樣嘢都想收收埋埋,梗係想講晒出嚟分享啦。但係老實講,當姊妹未經歷結婚,好多事都唔能夠身同感受,同你講都可能嘥氣。

更多精彩內容:兄弟姊妹團必讀大全
3.有關姊妹團嘅安排自把自為

新娘著緊婚禮,每事都想盡在佢掌握之中,相信自己嘅眼光同安排係最好,所以對姊妹嘅意見未必聽得入耳,尤其姊妹裙款式、分工等等。身為姊妹唔好勞氣,亦唔好暗地裡批評,待大家冷靜落嚟立即講清楚,解開誤會。

更多精彩內容:兄弟姊妹團必讀大全
4.當你妹仔使!

姊妹團最大投訴,覺得新娘使人唔使本,當正自己係公主咁點人做嘢。不過換個角度諗,新娘身邊最親最幫得手嘅人就係你,佢都係信得過你先將重責交託俾你,為好友做一日妹仔又有咩大不了?

更多精彩內容:兄弟姊妹團必讀大全
5.經常放飛機!

新娘凡事親力親為,梗係比較攰,加上要花時間site visit、試婚紗、行婚展,私人時間大大減少,一定會少咗時間見面。

更多精彩內容:兄弟姊妹團必讀大全
6.壓力大情緒易爆發

新娘子就好似女強人咁,要應付日常工作,又要KO婚禮任務同哄未來老爺奶奶,仲有新居裝修,真係樣樣重擔都落喺佢手上,無人幫到手(新郎要醒目啦),自然負面情緒出曬嚟!

更多精彩內容:兄弟姊妹團必讀大全
7.婚禮搞手唔易做

做過gathering搞手的話,就會明白人人失約/唔應機的悲哀!新娘亦如是,當三番四次約你哋開會,點知唔係A唔得就B唔得,約足一個月都未齊人,自然更加嬲。

更多精彩內容:兄弟姊妹團必讀大全
8.婚禮職業病

出嚟聚會開口埋口都係講婚禮,千奇唔好嫌佢悶,呢個係職業病,平時已經無咩人可以分享,作為姊妹要包容下!

更多精彩內容:兄弟姊妹團必讀大全 Text_Fanny(Editor's Blog)