父母最易反口的5個婚禮狀況

data_article_detail.is_new_Slide_show = False
父母最易反口的5個婚禮狀況
明明婚禮進度已經踏出一大步,但又無啦啦因為父母一句「唔鍾意」、「咁樣唔得」,而要還原基本步,重新來過。呢個情況並非只發生在一兩個新人身上,即刻睇睇以下5個情況,你有冇共鳴?

更多精彩內容:籌備婚禮Start
擇日
求婚成功,第一步梗係通知家人!跟住就係商量結婚日子,呢個時候,如果父母講「邊日無所謂」、「最緊要你開心」,千萬唔好相信!因為往往喺你問好場地同新娘化妝師等檔期之際,佢哋會話「呢日唔好日」、「某某親戚嚟唔到」,又會話三姑六婆介紹某擇日師傅,叫你去擇個吉日等等。所以,就算佢哋幾咁易話為,都一定要再三問多次!
場地
揀場前,要了解清楚父母心意,尤其考慮擺酒場地的條件太多,其中一樣唔啱心水都分分鐘要撻訂轉場!

必問:
1. 中式、西式設宴都無所謂?
2. 中午、夜晚擺酒都得?
3. 要請幾多親戚?
4. 擺酒地點有無偏好?
5. 一定要食翅?(留意現時所有酒店只提供無翅餐單)

更多精彩內容:籌備婚禮Start
禮金
「講錢傷感情」,呢句話同樣適用於家人。媽媽呢頭話「小小意思就OK,又唔係賣女」,轉頭被三姑六婆講兩講,又怕被比下去,就會要求加大銀碼;未來奶奶又可能掌握財政大權,你唔好意思開口。最終解決辦法可能係由你或另一半負擔。

更多精彩內容:籌備婚禮Start
衣著
係女人都貪靚,媽媽同奶奶更唔想喺大日子同人撞裙。所以佢哋就算confirm好當日衣著,如果得知對方亦著同一色系,都可能想轉款。佢哋對你同姊妹團嘅打扮一樣有意見──嫌deep v太性感、baby blue唔吉利、灰色唔夠喜慶等等。

更多精彩內容:籌備婚禮Start
喜帖
眼見好多新娘分享挑選喜帖款式,你都可能被燒著,打算問完另一半意見就自行決定。偏偏父母連喜帖樣式、顏色、語言都有意見。記得問清楚佢哋嘅要求先好行動!

圖:BW Cards Wedding Design HK

Text_Fanny(Editor's Blog)

更多精彩內容:籌備婚禮Start