婚享同學會
婚禮商戶指南小清新！特色英倫婚禮派對
data_article_detail.is_new_Slide_show = False
搞婚禮，有人鍾意場地夠grand，大紅大紫，大排筵席。不過，亦有人鍾意小型party，場地小巧精緻，但又不失典雅。好似去年底開幕嘅My Day，場地換上一片Tiffany Blue加米白色，裝修甚具英倫風，小清新中帶點classic，只要有50人就可以包場，係小型婚禮嘅好選擇。
My Day最多可以容納180人，可舉辦各種形式嘅婚禮聚會，包括證婚酒會、午間婚禮、中式晚宴同西式自助餐，晚宴最低消費只需$100,000起。如你舉辦證婚酒會，50人就可以包場，享受私隱度十足嘅小型婚禮。
My Day場地每個細節都由得獎設計師精心打造，例如翠綠色窗框配襯透亮玻璃窗，感覺清新；純白暗花牆壁襯扭紋地磚，格調高貴。天花上嘅特色吊扇，加上幾何投射圖案點綴，氣派瑰麗。
My Day設有雲石舞台同通花花瓣backdrop，新人唔使佈置場地，亦都夠晒體面，仲可以慳返一筆佈置費。
My Day仲設有空中花園可作戶外證婚，只需$50,000起，即可包場舉辦午間婚禮。舞台以花卉同植被佈置，打造英式浪漫婚禮風格。
小型婚宴，菜式一樣大有來頭。來自六星級得獎酒店嘅駐場大廚，擅用新鮮食材製作婚宴美食。My Day提供多款婚宴套餐，包括西式午餐自助婚宴、西式歐陸套餐及中式婚宴，100人起即可預訂。
