中式婚禮敬茶吉利說話 | 兄弟姊妹團必備70+句吉利說話 | 新娘出門、敬茶、戴金器時大妗姐實用金句

data_article_detail.is_new_Slide_show = False
中式婚禮敬茶吉利說話 | 兄弟姊妹團必備70+句吉利說話 | 新娘出門、敬茶、戴金器時大妗姐實用金句
【中式婚禮敬茶吉利說話】閨蜜好友舉行中式婚禮,但沒有聘請大妗姐,兄弟姊妹團在新娘出門、敬茶、戴金器時就要幫忙遞茶講吉利說話,編輯在婚享同學會整合了70+句在新娘出門、敬茶、戴金器時的必備金句,讓你省掉資料搜集的時間!

感謝婚享同學會同學仔 MrsBennellick2b Emily8100 KK921 幫忙整理資料

中式婚嫁吉祥說話:出門

  • 花車到門前,姑爺買屋又買田。
  • 灑米餵金雞,新娘嫁得好夫婿。
  • 紅遮開萬花來,姑娘鴻運來,姑爺發大財。
  • 新人入屋,金銀滿屋,旺夫旺主旺門楣。

敬茶必備吉利說話:外母、老爺、奶奶

  •  飲多啲,等你買多幾個 LV。
  • 飲茶到口,橫財到手。
  • 飲茶到口,得心又應手。
  • 飲茶飲到尾,年頭靚到落年尾。
  • 一啖飲到尾,年頭賺到落年尾。
  • 飲過 (女婿 /新抱) 茶,富貴又榮華。
  • 茶到口,財到手,買車又買樓。
  • 飲深啲,中三T。
  • 一啖飲到尾,買田又買地。

親戚敬茶的吉利說話

  • 斟茶俾 (呀爺),等佢日日都笑騎騎。
  • 斟茶俾 (公公),買樓唔洗供。
  • 斟茶俾 (公公),好快做富翁。
  • 斟茶俾 (大伯),等佢越黎越發。
  • 斟茶俾 (姑姐),姑姐年年換新車。
  • 斟茶俾 (姨媽),出年幫手抱蘇蝦。
  • 斟茶俾 (姨丈),買六合彩中頭獎。
  • 斟茶俾 (叔叔),等佢年年換大屋。
  • 斟茶俾 (舅父),等佢買股票唔使估。
  • 斟茶俾 (舅母),舅母青春唔會老。
  • 斟茶俾 (表姐),買樓又買車。
  • 斟茶俾 (家姐),等佢日日揸靚車。

飲茶時 - 吉利說話

  • 茶到口,財神走到大門口。
  • 茶到口,財到手。
  • 茶到口,甜到漏。
  • 茶到口,買車又買樓。
  • 茶到口,越來越正斗。
  • 茶到口,富貴榮華一齊有。
  • 茶到口,半山買多幾層樓。
  • 茶到口,千萬豪宅揸嚮手。
  • 茶到口,出年又飲滿月酒。
  • 茶到口,笑笑口,年年擺壽酒。
 
  • 甜茶到口,兒孫好快有。
  • 甜茶到口,添福又添壽。
  • 甜茶到口,好快又黎飲佢滿月酒。
  • 甜茶到口,橫財又就手。
  • 甜茶到口,得心又應手。
  • 三杯到口,明年飲姜酒。
 
  • 飲過新人茶,勁過周秀娜。
  • 飲過新娘 / 新郎茶,靚過阿嬌同阿 Sa。
  • 飲深啲,賺多啲,中完孖寶中三T。
  • 飲深啲,等新娘子生多啲。
更多精彩內容:【特集】嫁得好!中式婚禮習俗要做足
  • 杯茶甜甜地,買樓買到跑馬地。
  • 飲茶飲勝,等佢生番個慈姑椗。
  • 飲茶見杯底,等佢生多幾個仔。
  • 飲茶杯杯清,新郎好快做傑青。
  • 飲茶飲到尾,一對新人錫晒你。
  • 飲過乖仔 / 女茶,一世有「揸拿」。
  • 飲過新人茶,對眼唔會矇查查。
  • 飲過女婿茶,發到笑 kaka。
  • 飲過女婿茶,SKII 都唔洗搽。
  • 飲過新人茶,麻雀聽晒話。
  • 飲過新人茶,子孫聽晒話。
  • 飲過新抱茶,生個孫仔四圍爬。
  • 飲過呢杯茶,識得跳 cha cha。
  • 飲過新抱茶,好快做 (嫲嫲)。
  • 飲茶笑呵呵,好快做 (婆婆)。
  • 飲茶笑騎騎,好快做 (爺爺)。
  • 飲茶好輕鬆,出年做 (公公)。

英文版都有

Sweet tea in mouth, buy a big house! (甜茶入口,買多幾層樓。)

更多精彩內容:【特集】嫁得好!中式婚禮習俗要做足

中式婚嫁吉祥說話:戴金器 (龍鳳鈪)

  • 戴起大囍,戴到風生水起。
  • 戴起大囍,戴到好快有身己。
  • 戴起大囍,戴到金銀遍地。
  • 戴起大囍,保證你家肥屋潤笑嘻嘻。
  • 戴過龍鳳鈪,等你快啲買豪宅。

中式婚嫁吉祥說話:戴金器 (其他金器首飾)

  • 戴過金頸鍊,富貴好明顯。
  • 戴過金頸鍊,等你兩個賺多啲錢。
  • 金鍊戴上頸,好快住山頂。
  • 戴過金手鍊,有錢又有面。
  • 戴過金戒指,生個金童子。
  • 戒指有鑽石,特別多人錫。


圖片來源:網上圖片、藝人IG/微博

Edit_Connie/ Florence
>> 讚好新婚生活易Facebook專頁,最新婚享一Feed到手!