熱門新娘化妝師 TOP MUA

Niko好好人，bd前會提示注意既野，又好傾。佢不厭其煩咁回答我既問題，除左比好多意見我，亦好肯接受意見。bd當日一早就到，好快手set野化妝，又會捕捉機會幫我補妝。最緊要係將我變成最靚既新娘子，妝同頭都整得好靚，個個都有讚冇彈。多謝niko*3*

Niko非常細心，全日都好照顧我^^ 結婚前問左niko好多野，佢都會抽時間解答我，真係幫左我好多 所有妝髮都整得好岩心水，又靚又快手，能夠book到niko我覺得自己好幸運呀

Niko勁細心，妝同頭又勁啱我心水，仲會係big day前唔同時間比唔同嘅tips我，絕對係好MUA

Niko好細心，每個妝都化得好細緻，而且好時尚，化得一點都不覺得俗氣，當天化得好靚，髮型又整得靚，個個賓客都大讚!超讚!化眼技巧一流!好滿意!

Niko真係好細心同認真幫我化妝，我wedding day每一個造型都好鐘意，尤其是褂頭同妝！我媽媽都大讚Niko。很多賓客之後都跟我同媽媽大讚我當日的造型和妝容。好多謝Niko令我結婚當日咁靚!

Niko好nice，又好傾，好細心提我BD要特別注意既地方。我自問比較有要求，Niko好肯接受意見，有好多問題都會解答我。化既妝同Set既頭好多人都話好睇，我都好滿意。多謝呀

多謝Niko 令我在人生中最重要的一天成為最美的新娘。你很認真，給我很多專業意見，找了你做我的化妝師已經爲我的煩惱減半，可以很放心的信賴你，知道你一定可以把我打扮得靚靚☺️ 謝謝你。我一定會把你推薦給我身邊的準新娘

我會俾niko 滿分!! Mua 係婚禮上係好重要嘅角色, 除左技術外, 性格都好重要, 因為要對一整日! 而niko 份人係好隨和, 有禮貌, 成日笑咪咪, 仲好盡責, 化完妝之後一直都係鏡頭外standby, 鏡頭一移開就即刻上前幫我補妝, 整理頭髮, 非常細心! 同埋我當日時間有啲緊迫, niko 犠牲自己食飯時間, 都幫我趕返進度! 而且niko 好易溝通, 好肯聽新娘子意見, 我想要嘅野佢都一一做到, 一講就明白! 至於妝頭, 因為我都好多印, niko 細心幫我遮哂, 妝容細緻, 髮型上嘅頭花襯色都好靚, 而且唔會有一絲嘅粟米夾印! 絕對十萬分推薦niko!

Niko多謝晒你果日全日的幫忙呀！好多野都好在有你咋！！同埋果日好多人讚個頭同個妝好好睇☺️

我是找超細心的mun ,全日笑面迎人很有耐性替我補妝，一點也沒有覺得我麻煩,每一個造型都很好而且我每個親友都大讚好靚

Niko, 真係好好，有耐性，又細心。big day 前已同我夾好曬，到當天每個造型我都好鐘意，到最後要成頭拉返正，都迅速搞掂，專業。個個都讚

Niko非常友善，手勢又好，做事認真。 之前去試妝，幫我試咗成三個鐘，因我有大細眼問題，佢幫我用雙眼皮膠紙試咗好多次，調整返個眼型。因為我自己比較鍾意簡單嘅妝容，佢淨係眼睫毛都幫我試咗三四對。仲有，Niko會幫你影相睇下個妝上鏡靚唔靚，ensure 真人同相鏡都一樣咁靚^^ 因為我本身對頭飾， Con未有idea,佢都會比意見你，同埋盡量迎合返我想簡單自然嘅要求。 Big day當日，個個都讚我個妝同髮型好靚,好自然。其實我當日皮膚質素好差，爆左好多粒瘡，Niko 好細心幫我逐粒遮。但佢都幫我整得靚靚，我啲朋友即刻問我搵邊個化，我即刻推薦比佢哋，讚啊！ Niko 溫柔，細心，Helpful,搵佢唔會令你失望呀^^

一早Niko已經好準時到出門酒店，大頭蝦既我地冇準備早餐要Niko食杯麵真系好抱歉，中午仲要佢捱住肚餓幫我換完外影造型先食lunch, 但Niko一d都冇介意真系超級好人！Niko好專業好快手幫我換衫轉造型，全日造型都好靚好靚好滿意，連屋企人都大讚個妝好靚個頭set得好靚，賓客都讚好有仙氣！揀Niko做我既化妝師絕對系一定岩既決定！

Niko超級好人 又nice又好照顧我，個個都大讚我妝好貼 好靚好自然 髮型超襯我 我無講到要咩鮮花，但買左既都係好特別好新鮮好襯我既褂，婚紗晚裝，化妝髮型全部都係我心裡面最想要既野 我覺得揀到Niko係我Big day真係好幸運 好多謝Niko!! 我個日完全放心交俾佢!!真係信心推介俾大家!!!

從試妝已經知道Niko細心認真，當日詢問高清噴鎗服務如實告訴我不需要(明明加服務要+$)，態度滿分

Niko無得頂

超級滿意Niko喺big day幫我化嘅妝同髮型! 好多親戚朋友都讚我個妝靚得黎又唔會老左，髮型亦都整得好好，頭花襯得好靚!! 仲有呢niko真係好細心，當我喺致詞感動落淚後，即刻好快咁幫我補一補妝，big day當日全日就算係朝早5點已經開始幫我化妝，都仍然係全日都化得好好同好快手，仲要好好笑容: )))) 令到我本身好緊張嘅我都即刻輕鬆番! 好幸運揀左niko做Mua!! 如果有朋友結婚，我必定會推介呀~~

好難得可以book到niko做big day MUA 尤其係喺之前試妝都唔太滿意既時候搵到佢 一試妝我就知道佢係我鐘意既嗰類化妝師，而且佢化既妝真係好好，化妝時都好細心，不論是試妝時，big day前，抑或係正式big day化妝既時候，都會問清楚我鐘意咩類型既妝髮，又會幫我俾好多意見 Big day嗰日，我覺得佢應該連飯都食飽（雖然佢自己話食左）就好快趕黎男家幫我轉外影妝髮 外影時間寧願唔休息，跟埋我去外影，好細心、主動幫我化妝，不論係個妝，定係個髮型我都好鐘意！！ 除左幫我化妝之外，仲好細心幫每個姐妹補妝 全日都好細心、溫柔！！真係好開心可以搵到Niko 幫我化妝 ：）

由2015年開始籌備婚禮， 大部分我都係Facebook搵有關婚禮上既資料， 當時睇到Niko Facebook既化妝相已經好靚好靚， 就約左時間上去試妝，試妝個時我已經知道Niko性格好nice， 而且好好傾，因為我皮膚比較差，所以我好驚我個妝會好難化， 最後亦都好滿意，所以我一試完就Confirm喇。 係結婚前一個月Niko同我係一直係WhatsApp溝通， 加上我5個姐妹，3個家姐及媽咪既妝我都係搵埋Niko幫手， 所以我成日有好多問題要問佢， 例如頭髮染咩色，染唔染埋條眉，帶咩色既con， 佢都比好多意見我，唔嫌我麻煩

我起網上揾到niko既資料，就bk左試妝，我本身有d高低眉，niko好有耐性幫我化，而且好細心好nice,所以當時我毫不猶疑就bk左bigday化妝。 到bigday嗰日我好放心將塊臉同頭交比niko,佢set既褂頭，婚紗同晩裝造型我都好鍾意，佢亦好有heart準備鮮花，直情唸好點襯裙褂，教堂套婚紗。bigday係我妹妹做伴娘，婚禮上做得好同唔好既，佢會同我講，而佢係大讚niko化得好，仲要讚唔停，例如起妹妹拎住好多野時，niko主動幫手拎，其實呢d唔係佢職責既事，即使佢冇咁做，我都覺得正常，但niko當日實在幫左我好多。完左bigday之後，我老公既妹妹同朋友都問係邊個幫我化妝，我都即刻推薦比佢地，絕對唔會後悔呀！

話說上咗WOW之後知道MUA咁搶手,我就喺年頭已經向有興趣嘅MUA拎定rate card,但礙於有部分心儀嘅要去到今年5,6月先開到出年年尾檔期,所以我都係想等到所有MUA 嘅rate card都拎齊先決定試邊個,想一擊即中。點知,當我5月2日去問其中一個5月開出年年尾檔期嘅MUA,佢就話:「唔好意思呀, 你個期已經喺5月1日0時0分比人hold左」......我當堂嚇到o咀了,即刻望番我之前搵過嘅MUA邊個嘅整體style最啱我,價錢又合理 (Budget around $9000),結果見到我而家呢個MUA最符合呢兩個原則,所以問到仲有期就即刻乖乖比試妝費了!!! 我最初搵到佢係因為WOW好多B2B講過佢,後來先知佢係top MUA,仲要零負評,個個都讚佢細心,準時同埋nice,所以我都好放心!! 經歷過上次pre-wedding個化妝師完全唔聽我意見,我今次就試妝早兩日同定MUA講,我無咩特別鍾意嘅髮型同妝,只要唔好咁濃妝,又唔好化到好似出街咁普通,同埋盡量young d就ok(因為Mr Wiki係童顏)......唔鍾意嘅髮型路向就清晰好多,包括all back,太亂嘅髮型,有太多同太大嘅頭飾或頭花,唔鍾意有個花環喺頭頂做仙子。因為我唔肯定自己喜歡o既路線,所以淨係send 咗唔鍾意嘅example比MUA,廢事d相太雜亂,炸爆人地whatsapp啦.....但MUA都好好咁話send埋鍾意嗰d比佢望望先! 終於等到試妝日，我原先加咗錢試高清妝，諗住會貼啲薄啲，點知出發前先見到有人話高清妝比濕粉仲厚，毛孔粗大嘅我唔會啱用，仲要係水溶性，我又大汗又易喊實死梗啦⋯⋯於是準備試妝前就問MUA嘅意見，佢睇得出我塊面好乾，乾到出油，就話高清妝好乾易現乾紋，唔啱我，話我唔洗加錢用高清。非常老實，大讚！ 之後試妝過程一直都好輕鬆，大家都有講有笑，MUA一直好細心，驚髮夾整痛我，佢亦好尊重我意見，非常滿意！除咗態度好，妝同頭都係我喜歡嘅style之一！佢幫我遮咗我個超強黑眼圈之餘，我髮量少頭髮又軟都可以梳得咁好，最緊要係零粟米痕，無限個讚！

最後揀左 Nikocc makeup去試妝 當然 無令我失望啦 底妝薄薄上左一層 唔會望落好厚粉 之後就好好好細心執左我對眼同條眉 完成左個裝後好快手就搞掂個頭 我想要蓮鬆 線條感嘅髮型 NICE NICE~~~ 之後試埋晚裝個妝同頭 好快...轉眼就搞掂左 好想D頭髮快D長呀!!!咁SET頭就更好睇喇~~ 其實除左化妝嘅技術外,MUA個人都好重要,因為BIG DAY當日就係要同佢相處一日 Nikocc好好人 感覺都好helpful呢! 試完後就即時CONFIRM了! YEAH!又完成多一項!!

一試即confirm! I am so lucky! 好多謝我個mua好細心，好著重客人既想法同preference ! 今日試妝試左4個幾鐘～好好手勢又會同我傾下計～ 仲會比好多花球，rundown ,外影既意見 平時唔係好化濃妝既我開頭都驚會化老左自己，但係過完鏡睇就明係要咁上下濃影完相先覺化左妝！ Bf 都覺得好靚就comfirm lu~ 好累呀試妝.....哈哈 bigday 一定更累，要努力做保濕先得！！！

感謝Niko..感恩因為做朋友伴娘遇見佢既試妝。個時因為見到既試娘已經好細心好有禮貌。到我結婚，籌備第一時間就早早約試妝。如之前一樣Niko好好人好有禮貌好細心同好o岩傾Tim 囉.... 到結婚當日，佢仲早早四點幾就黎左。拎左一大堆鮮花幫我扮靚...外影時間會好細心跟住我扮我補妝，好多朋友話我個日好靚特別對眼好charm

好開心可以搵到Niko係big day幫我化妝，首先Niko好準時，另外如其他新娘子所形容，Niko係好細心同好nice，我係百分之一百認同！ 因我結婚係出門加註冊同lunch食飯，當日只請Niko幫我化出門褂妝同註冊妝，同Niko相處左5個鐘左右時間，佢全程都好NICE同好HELPFUL。係結婚果日，好多野未必會係自己控制之內，或會出現急同亂既情況，我記憶最深係佢不時對我微笑，令我感覺好安心，由女家到男家一落車佢就爭取時間同我補妝，轉妝時佢好快手，幫我爭取番唔少時間，呢點我老公都有留意到，佢仲讚Niko幫我化得好靚^^我自己當然都好滿意啦！ 另外老公家姐對化妝都有要求的，佢都話Niko人同技術都好，個妝唔浮粉而且keep得耐。我個伴娘年尾結婚，佢都想搵Niko幫佢big day化妝，可惜太遲約Niko已經full左嚕~ 整體來說big day當日我俾Niko 100分^^

當日自己BOOK NIKO真係純粹好運,因為對選MUA我完全冇任何CONCEPT,只係睇自己BUDGET做人,0係FB上見到NIKO化既新娘妝清得黎自然,就決定搵佢。 結果結婚當日,朋友見到都大讚,有就黎結婚既朋友都想BOOK NIKO,可惜NIKO已經冇期LU... 原來BIG DAY係會遇上好多蝦碌野,所以一個細心唔計較既化妝師好重要,當日NIKO的確幫左我好多,我係一個唔合格既新娘子,早餐已經冇準備,竟然OverRun到LUNCH都搞到NIKO 成4點先食到,但NIKO一句怨言都冇,一直都好NICE好好笑容,事事以我為先,盡心盡力去做好每一PART,因為我個人好大汗,NIKO都黎走去瘋狂幫我補妝,我一直覺得一個化妝師職責真係只有化妝,NIKO可以完全唔計較去幫我做左咁多,我真心非常感激!!

Niko 很細心，友善！喜歡日系清新自然既新娘子，很值得考慮！價錢又合理！當日big day 不但準時，還要早到！老公不小心撞瘀左額頭，沒有請新郎化妝。。niko竟然幫老公遮著瘀傷！真的很感動！niko很有耐性，笑容親切，能給當日心情緊張的我放鬆，給人一種信心，轉妝快，她又會很用心聽客人的要求，很配合，你會感受到佢係好真心咁想你成為當日美美的新娘！當天每一個造型，我都非常滿意，很感恩能遇到niko這位化妝師！能令自己成為美美的新娘，成功當一晚公主！感恩！ 有很多化妝師可能會能自己變美，但可能會變埋"樣"。但niko能令每位新娘子展現出最美的一面，又不會令你化妝後連樣子也換埋，把美特顯，將缺點藏起！真的很勵害！因為最怕被化老、被化成另一個人，但這問題並沒有出現在我的婚禮上！ 若能早一點認識她，就可以為自己的per wedding 留下羨影呢！

1. niko係一個好細心的化妝師,試妝果陣知道我戴con對眼唔舒服會O係唔駛化眼妝化其他地方時叫我合埋眼休息下~讚! 2. big day前會提供有用的溫馨提示令big day當日更靚靚~讚! 3. 準時~對於早出門ge我好重要~~讚! 4. 非常親切~無論試妝定big day化妝果陣都會有講有笑~令我冇咁緊張~讚! 5. 非常專業及幫得手~big day果日分秒必爭,niko轉妝轉髮型都好快手~讚! 6. 會教乜都唔識ge老公證婚時點揭頭紗同埋要注意ge地方~讚! 7. 我只係join早晚化妝,niko會留低個化妝包包同埋教伴娘點幫我補妝~讚! 一句講哂: niko會令新娘子big day當日安心做個靚靚新娘子~~~

由籌備婚禮開始搵MUA, 一眼睇中Niko, 當婚期年半前可接受預約即刻約試妝, 一試即中, 即使final試頭Niko都好比心機了解我既需要, 婚禮當天niko全日照顧得我十分之好, 妝化得好靚, 髮型亦都好襟睇, 比我靚足全日, 即使半年後睇返big day相仍然覺得個妝好靚, 呢個mua真係無搵錯！絕對物超所值！誠意推介！

Niko 係一位好溫柔好細心既化妝師。佢除左化妝之外，仲會好照顧新娘子。我big day 果日有外影，又熱又曬，我自己做新娘子就話enjoy 姐，但係佢做化妝師既，佢將自己既風扇仔比左我吹先，遮又係用黎幫我遮太陽先。影相時佢又會幫我留意我d衫整得好無，我件衫外影時不停甘"sir"落去，佢又不停甘幫我整真係好好。到去酒樓時，因為停車場泊車出左d問題，搞到遲左，佢見我急到爆，佢又主動提出陪我過酒樓先，我個心當堂定曬。當日除左影相同招呼朋友既時間外，所有既時間都係Niko陪住我，連等既時間都係陪住我，但佢吾係企係度咩都吾做，佢會睇下你個頭你個妝仲有無野可以整得更加好。 造型方面更加係無得彈，個妝自然得黎又夠sharp,絕對稱得上為'襟睇'。 我條眉生我好醜怪，笑既時候又會起角，但係Niko 都可以幾佢化得好好，個頭又set 得靚，頭花襯得好，我想要既頭型佢全部都set 到，效果仲要比我想像既更加好，佢仲會同你一齊研究下邊個造型襯邊件衫靚。 一個化妝師佢既功力固然之重要，但態度更加重要，niko 係兩樣都有，真係好開心，比我遇到個甘好既化妝師（p.s niko 個期好full ga,我都早左成年幾book先book到)

Niko係咁多個vendors中，令我最滿意，最唔捨得既一位！佢化妝化得好，完全將啲瑕疵遮得唒，妝容好match我，唔會太過成熟，髮型又Set得好好，Big Day果日真係個個大讚，時間仲控制得好好，熟練唔驚佢會失手，所以果日我好放心交哂俾佢。而且佢份人超正，好Nice，知我面油多，會不停留意住我，Keep住幫我補妝，果日除左Set頭化妝，幾乎做埋我助手，著衫拎野俾紙巾都做埋，我真係覺得唔好意思。Match in時佢見我緊張到死，就會不停同我講野分散我緊張心情。Niko真係好專業架，所以佢好多人支持架，大家要Book就一定要早啲啦！！

好開心可以搵到Niko做我big day 化妝師！ 本身我已經有一個落左訂嘅化妝師，但因為自己心急，無做過research就急急落訂比個好差嘅化妝師，事後好後悔決定一定要嚴選依個item!! 上網做過research, 唔記得係邊度好幸運咁比我搵到Niko , 留意左佢Facebook 好耐，其實對佢都有信心，試妝後更加放心將我big day 交比佢，佢仲包辦埋我老公家姐呀妹媽媽！我全家都好幸福^o^ 佢個人好nice, 好好傾，守時，負責任，仲有一點長輩們好喜歡，就係笑容十足又有禮貌！ 出門時落雨，佢陪住我淋雨全程係我附近睇下有咩要幫手，晚宴時全晚係台下面stand by 幫我執，又會幫手換衫，全程跟身幫手，非常十分之讚，專業又負責任！ 妝容髮型方面當然係十分滿意：D 我一向唔化妝但我唔會覺得太濃妝，又唔會化到個人變哂樣，我只係覺得自己成世女最靚當日^^仲有好多賓客當日都讚我靚^^ 十分好彩搵到Niko 幫我！十個讚！

多謝網上新婚生活易，就年半前我就系生活易搜集化妝師資料！ 試第一次妝，就遇到岩心水的化妝公司Nikocc Makeup & Hair Stylist，實在太幸運了♡♡！ Niko真系一個好細心，認真，守時的人！ 全日佢都好貼心照顧我，我係一個容易感動眼淺的新娘子，所以Niko都不停注視我需唔需要抹眼淚或補妝，整理頭髮，當日有時突然下雨，佢寧願吾遮自己，都會遮我，令我不好意思，她的舉動，令我們好感動兼很窩心！連老公和親戚朋友都話今次婚禮遇到好好的工作人員！ 當晚婚宴，佢到好快手補妝換髮型，佢會協肋姊妹幫我換晚裝架，簡直系一條龍服務！讚！讚！ 姊妹們同我講，Niko好好人，肯借捲髮器和髮夾給她們用，又估吾到會新娘髮式造型全用真鮮花配搭，每個造型都靚靚！ 高興加幸運~~(≧3≦)! 一次就遇著你 NIKO

期待已久，終於到試妝日了！終於與Niko見面，她很nice, 很有禮貌，很細心，很professional, 而且好好傾。 我對眼很容易流眼水的，非常敏感，Niko 很細心地處理我的眼睛，很快便畫好了眼。她是唯一一位化妝師沒有令我流眼水或不舒服的感覺，佩服。 我喜歡比較清的妝，眼睛部份喜歡自然一點，不要太誇張，Niko 完全能夠做到到我的要求，令我超級滿意，還慢慢地試我能夠接受到什麼程度，讓我作比較，她真的很用心。 至於頭，我一直都有follow Niko 的 facebook，在我去試妝前我已經save了我喜歡的頭給她做reference，我喜歡花花和田園 feel 的頭飾，她就幫我襯，她一拉開櫃桶，我就見到很多她自己造的頭飾，大大小小的花，簡直是 professional，十分欣賞。

呢位MUA一開始最吸引我係佢set ge褂頭，好靚好紮實! 我試完之後都覺得佢set得好靚，已經想confirm佢喇! 至於另外一個造型就由於我前陰太短要偷後面ge頭髮set，如果唔係應該可以靚d! 妝容方面，我本身皮膚偏乾又唔勤力full mask，MUA都好盡力幫我做補濕，最後個妝都好貼服，望落仲滑左tim!! 不過我本身有一對大眼袋，雖然化完妝都唔係完全遮到，不過都淡左好多，始終佢唔係幫我整形，我覺得已經好滿意喇!

我的Big day mua妝容偏清秀自然, 當天賓客都讚賞有加呢~~ (都是那句, 其實不好都不會說出來啦 XD) 賓客手機照出來都不會濃妝~~不過都有朋友回應真人比上鏡漂亮~ big day mua是我滿意的一項, 妝容、技巧、態度, 還有價錢 (比我之前撻訂的mua便宜一半有多呢, 還包鮮花頭花、試頭、當天著衫), 是平靚正之選呢~~ 感謝niko當天抱恙在身也絕無欺場~

MUA好好人, 好細心~ 佢會先影相, 睇下你有冇高低眉呀大細眼呀咁, 跟住先開始幫你化~ 化好左之後又會再影下相, zoom近啲睇下邊啲位需要再執~

我揀左一位MUA, 第一次上去試妝就即場confirm埋添喇, 化完之後我有叮一聲既感覺 (好似揀婚紗咁), 另外我鍾意佢夠細心, 化妝技巧都係重點, 其次服務都好重要, 佢有禮貌令我同男朋友都好放心, 所以我地揀左佢full day package 期待big day既自己~~

我第一次一試妝就揀左Niko! 因為佢除左化得好自然好靚之外，人更係溫柔细心！即使喺Big Day 咁緊張，同佢一齊都好舒服！ 已有五個朋友都係搵佢化Big day 呢！☺️

1. 試妝細心，盡力將我化到靚一靚咁 2. 個妝自然，一D都唔厚 3. 由於我塊面比較易出油，Big Day 個日化完妝 Niko keep 住幫我補妝，Keep住靚靚 4. 我之前俾咗Niko睇我個花球個樣，佢 幫我襯埋頭花的顏色~ 好靚！ 5. Niko好清楚大日子的流程，知道幾時要補妝，幾時要俾位攝影師影相 6. Niko甜美既笑容係會令人心情愉快無比 7. 朋友們都大讚Niko化妝化得超級好

試左兩次妝，第一個覺得不太好，第二個係niko試完即刻join左full day，係我覺得自己join得最啱既一項！之後都覺得好好彩當時佢仲有期:-D Big day 前兩個月左右niko已主動約試髮型，因為年尾佢好full。自己共有6個造型，佢會先問返我想點整。試完6個之後我又好煩咁隔兩日有兩個想改（無得再試，但我唔擔心，手勢信得過），佢都好耐心回應我，仲幫我準備埋鮮花! Big day個日個個都讚靚，連我做freelance makeup artist d fd 都話好(both化妝同髮型)。快靚正，又細心，會預備定紙巾俾我。每個環節之前都check妝同中途睇下需唔需要補妝，全日幫我著埋裙，又唔介意俾我求其放响親戚個圍（基本上佢可能同我一樣全晚無食過乜野），份人好nice!總之呢個價錢佢絕對係超額完成！全日都好放心交晒俾佢！

簡MUA時上網都睇過佢既ref就好鐘意,覺得佢化得好靚,唔會淡到咩都睇唔到,又唔會太濃,所以就約佢試妝..一試就直接cfm左啦.. big day個個都話Niko化得我好靚好自然..整既髮型好靚... 全日plan可以final試頭,我當日自己帶左d相比Niko,佢都做到我心中的要求,big day當日個個都讚:) 最重要是Niko有技術之餘仲好細心,佢唔會怕你煩,總之你覺得有咩問題你出聲,佢會整番好..同埋佢好好人好好笑容(係第一眼見佢就有呢個感覺)...佢會好聆聽你既需要,做到你既要求... 我好滿意,所以已經不停向身邊朋友推介:) 未簡MUA既b2b快d可以去Niko專頁睇下啦..

Niko係我BIG DAY的MUA, 以下係我的COMMENT: - Niko 化得我好靚而且快手! 全日好多人都讚我, 親戚朋友都話我冇揀錯MUA!! 到big day 後攞相, 攝影師望住我果日的相都再讚, 話化妝師真係化得我好靚, 好開心!! - 價錢相宜! 全日plan, 我覺得唔貴! - 準時, big day 當天比約定的時間預早少少到達, 我好滿意~ - 細心體貼, big day 我因為鼻敏感而流鼻水, Niko 準備好紙巾和粉卜等, 留向我附近, 需要時就會幫我補個鼻位, 確保我keep住靚~~ 好滿意! - 化妝好認真, 我知我對眼好難化, 試妝前我已經提出, 期間我都好多意見和問題, Niko冇嫌我煩, 試妝日好用心地化靚我對眼, 再影相睇下出來的效果係點, 直到我同佢都覺得滿意為止。由於試妝時已經掌握好, 所以big day 果日化對眼都好快搞掂。 - 全日plan包一次final試髮型, 揀好婚紗同晚裝後, 就可以再約試一次當天用什麼髮型去襯揀好的衫。這個服務好好, 因為一早準備好, 所以我當天換衫轉造型都會好順利好快~ - 試妝時, 有潮褂可以試穿上身併下個褂妝, 唔駛憑空想像! - Niko笑容可親~ 全日對住都好舒服! (點解咁講.. 係因為我做姊妺時遇過好COOL的MUA, 我會唔識點相處, 所以呢點對我係重要~) 總結: 我好滿意!

Niko超nice,好好心機幫我化，知道我會喊，拎定紙巾出嚟比我，仲幫我立即補妝，個妝好靚好自然，全場都讚，真係好開心，我真係好多謝Niko，因為唔係咁多嘅化妝師都可以咁nice同咁專業~

睇完佢facebook即刻"叮"左聲,係佢啦. 即刻俾試妝費.試完即刻落訂,早加晚包一個媽咪妝都係$5180,我加多300蚊包埋未來奶奶個妝,TOTAL$5480.到以加多200蚊叫佢幫我未來老公化埋,不過到時先加都得.

我鍾意唔好咁誇張個啲 (起碼唔會化到唔似自己!) 試左妝就即刻join 左whole day的package lu! ($

我未試妝,已經confirm咗Niko, 第一次見面已經好好傾, 我本身面比較肥同好多暗瘡印, 但化完妝都可以令我變瘦左好多,暗瘡印都唔見, 最開心係我想要一個裙褂頭飾本身公司冇, Niko親手幫我整一個獨一無二, 十分感謝, 婚禮當日好趕, 每個妝都換得好快好完美, 果日係11月10日, 第二日就係Niko生日 ^^

約左niko試妝前一日send左張素顏自拍俾佢，話佢知我有咩問題有咩想要俾佢prepare。本身高低眉大細眼仲有一隻眼有三眼皮.... 我嘅要求係解決到上述問題加唔好化到我好老或者似隻chickxx...XD niko超有心機幫我調雙眼皮同解決大細眼，結果一睇，ok呀！仲後生左tim正呀！！咁唔洗諗啦，價錢又吸引，諗都唔洗諗就confirm左lu。

我係fb左襟右襟, 當時fb既右手邊會show好多mua info, 咁我就逐個睇佢地既fb, 睇相, 睇留言, 問價錢...(當時大大話話都比較咗20-30個mua) 其間我俾1張相吸引到, 唔係一張新娘正面既妝容, 而係新娘上車前一刻個mua幫佢撥弄頭髮的相。 我第1時間就諗, 佢好有心, 好細心, 可以試下!!! 鎖定心儀化妝師, 意想不到既係wow竟然出promo (8折), 二話不說就約試妝了。 試咗早晚妝和set咗幾個頭, 效果都好滿意, 個妝好自然, 頭又ok。 我亦無再考慮/ 衝動想試其他mua, 試妝既過程又好「順利」, 幾日後我就confirm咗佢。

- Mua手勢純熟，兩妝兩頭Set兩個多小時就完成 -沒有特別提眼不對稱的問題，但Mua很細心，在未正式化妝前先替我拍照，留意到有這個問題還向我提出建議 -妝容較自然，感覺較年輕

NIKO有禮貌又好傾~ 試妝前又會問定你, 會鍾意D咩類型~自己諗唔到, 佢又好NICE咁幫你一齊諗~比起出面曾試過有某D鋪頭既"技術"同態度差得遠呀~而且價錢合理! 算唔錯既~

之前上WOW見呢個ＭＵＡ無咩評語，但有樣野我真係好認同就係佢好細心。 除左肉眼睇佢仲會影埋相去睇下邊度可以再改善務求做到最好！ 當日我試妝就坐左４個鐘，２妝２頭，佢仲提我同陽光先生要合照記錄！ 陽光先生見到我上完妝仲要呆左我就知係佢喇，所以就直接比埋訂！ 等左一個月既試妝都值，我勁滿意，又搞掂一樣野喇。。。

想好似Kelly頭咁，但想young D，Nikocc幫我整左好多圈圈，我覺得好靚，所以立即決定比錢，我仲join埋姊妹＋媽媽化妝 Nikocc化得我好好睇，髮型一流，價錢又唔貴，值得推介!!!

試妝係第二樣CONFIRM既ITEM，要數返係上年10月既事。CONFIRM後，我接受過4個化妝師既化妝服務（PREWEDDING），其他化既妝唔係唔靚既，但係就化到我比唔化既要老幾年咁，化得我最靚最後生既始終都係NIKOCC，我好開心遇到佢，化妝師係我CONFIRM得最開心，覺得最冇揀錯既ITEM。 記得當時試妝前，SEND左自己鍾意同唔鍾意既造型相俾NIKOCC，方便試妝當日溝通。我本身好少頭髮，但係個效果整出黎係髮量多既感覺，自信心返晒黎﹗ 到近期開始近BIG DAY，有好多問題請教NIKO，佢都好耐心回答，好多謝佢﹗ 呢個質素、呢個服務態度、呢個價錢（即使全日2013年尾價都係$5380，當時仲有八折，送既親友送補妝，包全日鮮花頭飾），我個人認為超值﹗

Bigday嗰日,Niko幫我化的妝,個個都讚好靚,就連奶奶同姑仔要求咁高講野又好率直都讚口不絕,每個做型我都好鐘意,我嗰日涷到有少少感冒,不停流鼻水,流眼水,你就喺我隔離不停幫我補妝,比紙巾我,進埸都一路陪住我幫我拖尾件婚紗,上台講野你喺附近攞定紙巾比我喊,仲驚我肚餓,幫我攞埋野食比我,我覺得你放低了高高在上的化妝師身份,唔怪得你個facebook的客成日讚你做野做多咗好多唔係自己範圍要做既野,多謝你呀

整個婚禮只需要3個造型, 婚禮前同她溝通好每個造型想點做, 她都符合到晒我要求.她每個造型都化得我鬼火咁靚婚禮當日好多人都讚不絕口我朋友15年結婚見我當日咁靚, 打算婚禮當日都搵她做化妝師 我本身有大細眼, 好怕出現大細眼情況, Niko好細心, 化完妝再用相機拍照睇睇拍照后效果再執靚d, 確保唔會發生大細眼情況

早兩日影澳門pre-wedding由Nicole幫我化妝後, 我便覺得佢的妝同髮型都好配合到我, 亦做到我心目中想要的形象! 走的路線係比較sweet, 有少少日系復古的感覺, 我一睇佢homepage的sample已經有好多好鐘意的image..

試完第一個掛頭, 我friend 已經話好扎實, 未看相, 聽到comment 已經決定, 係Niko 啦. 只是不會講出來, 看多個頭再試試. 試完, 感覺良好, 跟朋友商量後, 決定confirm. comfirm 的原因如下: (1) 一個實幹型的MUA, 預約試妝只需一晚時間, 銀行過數後, 當日已收到試妝需知. (2) 試妝需知並非"行"野, 提示將喜歡及不喜歡的造型都講佢看. 有甚麼問題都可以溝通溝通. 而非hea 睇你喜歡的造型及意見後便算. 而佢可以真正將你喜歡的, 按需要造出來. (3) 不hard sell 自已, 及俾壓力你join. (4) 有heart 的MUA, 接納喜歡及不喜歡造型的建議後, 雖知客人的意見未必造到最好的效果. 沒有不斷遊說接納佢的意見, 反而造出來, 讓客人自己選擇. (5) 價錢合理.

其實我想講，塭mua除左化妝要自然，其實禮貌同熱誠同樣重要，塭左幾個mua之後，終於塭到哩個mua Nikocc 價錢喺Budget之內，唔算貴，佢重唔介意去我屋企試妝，嗰日見佢拉住個大喼，重咩住個背囊，真係辛苦晒 由於我大細眼比較嚴重，佢重好有心機幫我化，好滿意，當日試左2頭2妝, 佢重話租左晚裝之後可以試多次妝添

試完之後我覺得好滿意，好過之前既，所以都即刻落訂，可以扣返試妝費 我JOIN左全日化妝服務(不限造型及時數)，包１位伴娘或親友化妝，如要新郎化妝加$200 大婚之前一個月仲會再有一次FINAL試頭服務 可以跟返FINAL晚裝定髮型 好彩係5AM前到達先需要加錢，如我5:30AM只需要付的士錢 原先都好平架喇，宜家折左之後不得之了，超級抵!!!!!!!!!!!!!!!!!!!!!! 我個PLAN係全日PACKAGE唔洗5千蚊咋!!!

以日系妝為selling point 留意左佢一排,佢周不時就upload佢D新作,我都幾鍾意 尋日試左褂頭+妝, 同埋花花頭+blingbling眼妝 過程入面睇得出佢好細心同仔細 眼睫毛又俾我試兩款(我覺得有D浪費) 期間會問我鍾唔鍾意,又俾下意見我咁 我有d雀斑,佢幫我用高清噴槍遮雀斑,話唔使另外加錢 成個過程好舒服好開心 呢個價錢,呢個質素,我覺得超值!

一早上到化妝師niko到set頭化妝啦, 事前夾好想要咩look, 本身笑塊面好肥嫁, 所以都諗要唔要放番頭髮落來, 不過驚太大風D頭髮周圍吹,所以都係決定SET起佢 化完我覺得好好呀~ 好鐘意佢set的頭, 我揀左個復古feel, 好有心機呀好鐘意呢~^^朋友都讚好睇~ 搵緊MUA的不妨找NIKO 啊~我自己就很滿意了

當日她除左同我化妝，仲好好咁提點我註冊有什麼程序.. 同埋好細心幫我補妝，不停拍照，看個妝有無問題… 仲給埋個補妝包給姊妹FOR我補妝..同埋幫我穿婚紗..哈哈 真的好多謝Niko，好細心.. 好多人也說我個掛頭好美…好正…哈哈哈 註冊妝都好多人說我好優雅…(我是粗魯人..哈哈)

粉底Ms. S覺得沒問題，是用噴槍的，很薄很貼，遮瑕很好呢 而髮型方面，這個蓬蓬頭很有型呢，背後也很好看 現場看更好看，但就是成熟了... Ms. S將MUA的Facebook給了幾個有化妝的朋友看，她們都說基本上OK，MUA的手法都簡單整潔，一試無 妨 最後，當然價錢合理，除了因為同學關係有給超優惠價外，原本的收費也是很合理的