熱門新娘化妝師 TOP MUA

大力推薦比準新娘架化妝師。 識到Reese係我一個中學同學介紹比我識, 真係好多謝佢. 由試妝到big day, Reese都好有耐性咁解答我心中架疑問, 會大家商討一下個髮型同個妝點樣去襯, 佢會比好多意見我, 又細心咁提醒我 選擇邊款頭紗 鮮花頭飾等等 會較為適合我. 我本身係一個汗包 每次轉髮型時 d頭髮濕到淋晒 佢都會幫我吹乾晒再轉髮型 但係 完全無用多咗時間 手腳超快. 價錢合理. 相當之滿意 當日架每一個造型. 好高興及多謝 Reese係我大日子裡面 幫我化妝 成為咗一日架仙女.

首先, 我係無試妆的情況下就揀左Reese, 因為我對佢的玫瑰花頭一見鐘情 之後, 婚前一個月就試妝, 我自己本身已經好清楚近期好大熱的小清新妝容並不適合自己, 所以搵左一d 歐美妝reference 俾Reese , 試妝果陣其實已經好ok. 到左big day 當日, Reese 每一個造型我都非常滿意, 由褂頭, 外影, 証婚, 迎賓同敬酒, 咁多個造型都配合我每一件裙( 我總共有6 條裙), 而且全部我都鐘意, 仲要連賓客都大讚!另外仲要同時幫我媽咪同99, 真是好勁 作為一個MUA, 能夠明白客人的需要，並配合當時的造型, 而且快手, 真是值得幫佢寫review .

Reese真係好有耐性同好細心幫我整每一個造型，big day前仲俾左好多意思我。開頭我都有小小擔心，但由佢幫我化第一個妝，我就好滿意同好放心將全日造型交俾佢啦。佢好有經驗所以好多細節嘅地方都處理得好好，而且好細心務求令每個角度望落去都咁靚。個妝仲要清新而有氣質，攝影師仲話好似cover girl，一個好嘅mua真係可遇不可求，但又好彩俾我遇到！

http://wow.esdlife.com/space.php?uid=74075&do=blog&id=309644 (以上是我早前如何認識Reese) 試妝時, 由於自身的髮質及髮量, 其實有D想要的造型, Reese都好有耐性大家一起研究, 可以點樣帶出個造型氣質出來. Reese 在我Big Day 前都有好幾個月, 中間日子, 都好到point 比意見及解決方法我去處理. 尤其我對護膚疑問, 因為靓我都要花些日子心機準備. Big Day 當日, 妝容都不厚身, 比試妝更靓. 髮型是我想要效果. 多謝您給我做一天公主的效果及對自己更加認識.

打從試妝開始，我便知道我找對了。不要一式一樣的妝容，只要適合自己的。大婚當天，Reese一行人準時到達出門酒店，專業的化妝技術，令我無後顧之憂，乖乖坐著變靚便可。Reese不但化妝技巧了得，更加十分體貼，主動幫我的姊姊戴cons,而且更時常安慰緊張的我。最重要的是，Reese是一個十分冷靜的人，有她在身邊，當天也真的十分安心。

多謝Reese令我成為一日嘅公主，婚前一晚完全訓唔到，加上爆左幾粒瘡，但經Reese嘅巧手，個個都讚我靚，頭同妝都好靚，又快手！多謝晒！

Reese真係好細心好好，於試妝後，我更改了大部分嘅晚裝婚紗，但佢好快就可以幫我更改造型配合婚紗晚妝，我全日都用鮮花做頭飾，佢又好快可以利用訂花球所送嘅新鮮花襯上我不同嘅衫，亦有一早建議我可準備咩顏色嘅花。 而且化妝非常快手，化嘅妝好高貴好有氣質。媽媽同家姐同係由Reese化妝，兩個斬讚不絕口，話佢好細心又化得好。多謝Reese令我嘅婚禮更完美。

Reese 是我上網穩的，都算好有緣分，我一試狀就決定左big day 系她了，真系無選錯，big day 果日好全部人都贊好~~我連姐妹化妝都找她負責幫手，我D 姐妹都好上鏡~~都未來得及要好好多謝reese 令到我果日成爲甘靚焦點。pre weding D 妝都沒甘靚...哈哈，有機會再影，一定要找她。

全程都跟到好足 當日好多人都讚新婚子靚靚，妝化得好自然

經朋友介紹,搵左Reese 做MUA, 第一次試妝已經CONFIRM左~Reese 好nice, 我係無咩idea 既人~唔知自己想要咩~佢會俾到好多意見~邊試邊再問我鐘唔鐘意~~好有耐心~ 佢仲好細心, 我big day當日戴極都戴唔到隻con (平時無戴開)，Reese仲幫我戴添!!真係好勁! 佢幫我化既妝好清好靚~連班姊妹都話忍唔到要成日偷望我~XD 個妝keep得好耐~全日只需補補lips 同少少粉就ok~而佢都會全程o係我身邊stand by, 唔會唔見左人~~ 佢仲會提點好多婚禮時要注意既野~Very good~!

話說我婚禮的Reese其實系我的pre wedding的make up artist~ Mua對於我來說，系婚禮的靈魂人物，她幫你set頭化妝，你婚禮當日靚不靚，就全靠她啦～！ 一世人一次！一定要好小心選擇靠得住和信譽好的mua！當日pre-wedding第一次遇見Reese，已經覺得她好nice同好幫手～而且好好笑容！ 加上我不需要多形容她已經知道我想要咩tone同咩感覺～！是神交麼？（

Reese 很用心聆聽我的想法及要求, 理解能力亦很高, 在大家互相溝通下, 她將我的優點表露無遺, 化妝技巧一流. 我認為化妝不只是面上的粉飾, 而是要整體地配合新娘子的性格及品味; Reese 便做得到了. 再次感謝她的幫忙.

經朋友介紹找了Reese試妝!! 那是我第一次試妝,心中都有點戰戰兢兢!但Reese好細心地化出了我想要的效果!!! 而且我天生大細眼得嚴重, Reese亦好用心地以她高超的技術解決了!!! 所以我毫不猶豫地把big day化妝交左俾佢!!! 那是big day前一年半的事, 其間拍了兩次pre wedding, 遇上不同的化妝師, 但沒有比Reese化得好! big day前約了reese傾rundown. 她提醒了我很多自己miss左既事!! 真係好多謝佢! Big day那天Reese同助手準時到達. 在那兩個多小時中, 我深深地體會到佢對化妝的熱誠!佢真係好用心同工作認真!!!早上情緒有點失控, 哭了, 佢一邊忙著安慰我, 一邊忙著幫我補妝! 之後外出拍照, 佢跟足我全程, 時不時幫我補妝, 整理頭髮!! 宴會時, 轉了幾個造型, 每個都好靚. 所有朋友, 姊妹都大讚! 頭髮係Reese手中, 簡直變了件藝術品!! 媽咪同奶奶既妝都係Reese化的! 事後兩位老人家都好滿意, 大讚Reese快手同化得好好!! 真心推薦Reese俾各位準新娘!

我經朋友介紹認識左Reese，第一次試完妝就即時confirm左啦！因為Reese既化妝技術真係好好，尤其是眼妝，由於我係單眼皮，所以特別難搞，但Reese都極細心幫我變成大眼靚女，而且妝容很自然，一Ｄ都吾「面具」。大日子0個晚，人人都大讚呀！所以真係好想將Reese介紹比各位準新娘呀！ 另外我想順帶大讚Reese的助手們，當天有兩位助手要化７位姐妹，不但化得靚，髮型亦set得好好，令我十分放心，姐妹們都大讚呀！