熱門新娘化妝師 TOP MUA

開始呢個blog純為紀念搞我同Mr P婚禮過程既點滴。 第一篇想share 我搵既mua。 各位B2B尋找MUA期間試左幾多次妝?很多已婚朋友都叮囑我搵MUA要試多幾個先會搵到啱自己既。好好彩，我總共試左3次就找到了。你地諗下，再試多幾次，加埋既試妝費已經夠俾訂啦…不過在試妝日子前，其實都要做D準備功夫，先容易搵match自己既MUA。 1) 搜集多D心水既髮型同妝容既相，等MUA知道你大概既喜好 (不過你唔好預佢地做返一模一樣出黎，除非係佢地自己既作品) 2) 染髮 (布丁頭會影響個效果，最好Book 晒D試妝落同一個月) 3) 睇多D 唔同MUA既作品, 搵自己鍾意既style （有d MUA妝似得令個頭唔令，有d 就頭好掂個妝就唔令） 我confirm 既MUA, Sueey,係我係FB無意搵到既。我俾佢果種化妝風格吸引到。如果B2B們希望BigDay係超濃妝厚粉染抺，大紅大紫既話，佢未必啱你。我覺得佢係風格係走優雅Style，d妝係淡淡然，髮型係走自然風(除左新娘指定的話，佢都可以化到)，凸顯新娘子氣質。睇佢FB佢最拿手既似乎係用鮮花Set頭，而且佢仲有秘密武器tim。 講返試妝當日。我本身個樣好難化得乾淨，高低粗眉、毛孔粗，皮膚又乾又油，難hold到妝。試左之前果兩次，知道自己皮膚唔好真係點化都唔令架啦。不過佢係咁多位MUA中，最有耐性個位。由於我當時皮膚唔好，個鼻搽咩都甩皮。之前試妝d MUA見到咁都會ignore呢個問題，求其撻d粉上去，但係Sueey好有心機同我嘗試解決佢。 Set第一個頭時已經有surprise。幸運地，有剩餘既鮮花試頭~ Set第二個頭時，sueey拎左個twist & honey既頭飾出黎。係我朋友立即’嘩’左一下，之後佢就介紹呢個牌子係專for新娘子頭飾既品牌。雖然我唔識D咩名牌子，不過個頭飾Design真係好特別，俾起之前試妝D淘寶貨閃好多，仲好多detail位，一戴左上去成個Feel唔同晒，即刻愛上左。原本Sueey除左花藝了得, 佢仲為左我地入左好多專for 新娘子既頭飾黎令我地當晚更加bling bling! 平時我係有嚴重選擇困難症，不過今次試妝我居然清楚 ‘我找到了’既感覺，立即confirm左! 而家好期待Big day 當日造型

本來好少上網睇呢類生活資訊網，但原來攪一次婚禮，唔多唔少都會留意一下。 經由朋友分享，得知有呢個網站。當中真係有好多姊妹有心人士，分享有用嘅資訊。 其實由求婚開始，到原定結婚有兩年時間，以為可以慢慢選擇，但係酒席，化妝，攝影呢啲期都係唔會等你，你唔book就乜都冇。已經決定好酒席以為安心嘅時候，好姊妹都比我心急，追問揀左化妝未？（可能同佢地切身有關）本身少化妝的我，最怕濃妝豔抹，等陣變到人唔似人，鬼唔似鬼點算。好在身邊好多朋友結左婚，可以等人介紹下。 有兩個人介紹一個叫阿石嘅makeup artist，睇過啲相都好似幾靚，但大部分都眉粗粗，以前做姊妹，試過變紫菜眉，又見網上話佢好寸，令到我有少少擔心。正當未有心水之際⋯⋯偉大嘅fb ⋯⋯見到有朋友bigday相放岀嚟，睇到頭嘅鮮花好靚，原本以為假的，但問左先知真，好新鮮原本唔係太熟嘅朋友，一講呢啲就雞啄唔斷。一問之下，佢個makeup artist 叫Sueey ，佢同我講sueey好細心，再到fb 睇啲相，都幾啱我想要嘅野，就決定試一試。再check 之下，原來阿石同sueey都同公司，睇嚟呢間公司嘅makeup artist 都幾好。 第一次試妝，感覺幾好，以前做姊妹都成日化，可能我敏感又甩皮，通常用好油好重嘅野做打底。但sueey化完個妝，我有啲輕嘅感覺，唔厚，幾舒服。係對眼睫毛唔慣，好重同有把遮咁，不過sueey話影相唔覺，希望我接受到哪個自己。 媽咪都覺得好，自然，一試完就決定sueey 了，又煩少一樣 唔知仲要訂定咩，有人可以提點一一下我呢個新手嗎？

話說本身想join 緍紗店嘅一條龍服務。因為夠平！ 但肥鴨先生話佢啲朋友recommend 自己去搵MUA。而佢都想我做個靚靚新娘子。如是者。就踏上左我搵 MUA 之路。 身邊朋友介紹咗唔少 MUA俾我。所以我都有唔少 MUA 資料。有啲係朋友嘅朋友。有啲係之前朋友結婚用過嘅MUA。但因為我住得離島。好多都要價錢再加1000 至2000 好彩。我最後都搵到個好好嘅 MUA。而價錢都within budget..而最好嘅。就算到最後我真真真 係屋企出門。佢都唔收額外charge! 雖然。我只係試過一個MUA..但真係好滿意個妝丫。夠清唔誇張。同埋用真花做頭飾真係好靚 佢真係好好人。我之後有任何問題。佢都一一回答️ 希望到 Big Day 果日。佢都跟得好好啦