【租裙褂的貼士】裙褂唔止睇價錢!裙褂老字號教你5個揀裙褂的必睇位

 【租裙褂的貼士】裙褂唔止睇價錢!裙褂老字號教你5個揀裙褂的必睇位
坊間裙褂店愈開愈多,裙褂名堂亦五花八門,對傳統婚禮所知有限嘅新娘子,的確幾難揀裙褂!不如由老字號冠南華話你知,揀裙褂除咗睇價錢,仲要留意邊幾點!
裙褂主要有6大類,按照刺繡密度分為:褂皇、褂后、五福、疏金紅、潮褂及珠片褂。坊間的裙褂名目可能各有不同,但係識睇刺繡密度,就知道講緊邊款裙褂。

1‧由刺繡密度看手工、定價錢


褂皇手工最繁複,就當然最矜貴啦!越少刺繡租金就越相宜了。

2‧材料產地你要知


裙褂靚唔靚,取決於繡線及布料。價錢較平嘅裙褂,會用國産金銀線和緞布,繡線顔色較暗、易變色;布料亦容易變形、唔挺身。靚裙褂會用法國線和日本緞,色澤亮麗又耐用,當然價錢亦較昂貴。

3‧刺繡功夫定成敗


刺繡工夫好嘅老師傅,起碼要有幾十年經驗,圖案繡得結實,褂上龍鳳自然栩栩如生。經驗未夠嘅師傅,線條繡得鬆散,睇起嚟真係「龍」都會變成「蟲」!

4‧巧手車裁決定線條


裁剪功夫、車縫工序更係製作裙褂嘅重中之重!車裁得好,會令新娘顯得高、瘦、美。
車裁不好,領口太緊會頂住喉嚨,新娘著得唔舒服,拉鍊不可外露,衫身過長顯得矮、手袖太寬會顯肥,衫背車得太大而腰位修得太急,就會令新娘子變得好大隻!

5‧尺碼要齊全


受到圖案限制,一般手製裙褂只可微調尺寸,因為改細會裁走圖案、改大會明顯見到針孔。一般裙褂店只提供S、M和L碼,而裙褂充足、尺碼齊全嘅店舖,新娘子就有更多選擇。
揀靚裙褂,要先睇手工裁剪、再比較價錢。以下總括幾點,揀裙褂時必須注意:
  • 胸位比實際尺碼大兩吋,以免穿得太緊會顯肥
  • 領不頂喉、肩不過大、腰不修過急
  • 拉鍊要完全拉上而不外露,拉上后肩、胸及肩位要舒服
  • 留意背面比例、兩袖寬度和衫長比例
  • 銀底褂適合肌膚淨白嘅新娘、想顯瘦可選彩底裙褂
    除咗裙褂,冠南華亦代理婚紗系列ST. PATRICK(PRONOVIAS GROUP)及晚裝系列TARIK EDIZ,仲有大量媽媽衫,讓新人一次過搵齊各款婚嫁服飾。2-4/11婚展嚟冠南華展位(會展Hall5FG展位E32),盡享會場限定8折優惠,加送睡衣!

    冠南華
    地址及電話:
    九龍彌敦道383號平安大廈16號地下及一樓(2381 4508中式/ 27700186西式)
    香港灣仔軒尼詩道351號地下及一樓(2893 8126)
    瀏覽網址
    Facebook@冠南華Koon Nam Wah

    特約資訊