千禧新世界香港酒店婚禮評價｜想在五星級酒店舉辦婚禮，但又怕不小心「中伏」，相信不少準新人都不知如何選擇。今天為大家分享一對新人莊小姐與鄭先生在千禧新世界香港酒店的真實婚禮體驗和評價，到底千禧新世界香港酒店的環境場地、服務和餐飲是否達到水準，能讓新人打造永恆難忘回憶的完美之選！想擁有夢想中的婚禮？立即深入了解以下新人分享吧！
千禧新世界香港酒店婚禮評價｜揀選五星級酒店關鍵#1 地理位置非常重要
相戀11年的莊小姐與鄭先生一直夢想在五星級酒店舉行婚禮，經過深思熟慮後選擇了千禧新世界香港酒店舉行婚宴，莊小姐表示︰「我哋一向都偏向揀酒店擺酒，始終大家都係打工仔，所以都好努力儲錢希望有個好啲嘅回憶。」「決定喺千禧新世界香港酒店搞婚禮前，都有去行婚展，但睇過一啲酒樓或者會所式婚禮場地，都仍然喺比較偏向揀五星級酒店，仲有睇埋地理位置夠唔夠方便。」而千禧新世界香港酒店靠近尖東和紅磡站，不管是港九新界的親朋好友都能輕鬆到達，完美解決交通問題。千禧新世界香港酒店婚禮評價｜揀選五星級酒店關鍵#2 酒店典雅設計
其次是五星級酒店設計要夠時尚，「鍾意啲新派嘅設計，酒樓個啲就唔係首選，佢咃嘅設計未必同我想要嘅配合到，我哋有先去千禧新世界香港酒店睇過場，見到佢內部新裝修都幾靚，同老公商量之後決定揀佢。」千禧新世界香港酒店婚禮有別於傳統「老土」風格，裝潢新派且典雅，酒店公共空間精緻的大理石裝潢配上自然採光，不僅能拍出高質感婚照，更能營造永恆難忘的氛圍，隨便拍都非常上鏡，正是莊小姐與鄭先生心目中理想的婚禮場地。千禧新世界香港酒店婚禮評價｜揀選五星級酒店關鍵#3 無柱式宴會廳
不少準新人都關心五星級酒店宴會廳會否有「柱位」問題，千禧新世界香港酒店坐擁四大特色宴會廳，基於圍數比較多及尊重「四大長老」的要求下，莊小姐與鄭先生選擇了扇型無柱式大宴會廳，「參加過其他朋友嘅婚宴，都有唔少場喺偏「長型」設計，就算喺「長型無柱式」設計距離感都比較大。」莊小姐認為在千禧新世界香港酒店舉行婚禮不只確保每位賓客都能享有完整的視野，整個婚宴更是空間感十足，「喺千禧新世界香港酒店搞咗24圍婚宴，擺位嚟講啱啱好，唔會話太逼，賓客或者我哋新人都可以清楚睇到舞台上下嘅情況。」特別值得一提是千禧新世界香港酒店的舞台設計完善，讓台上儀式和表演都能完整呈現給每位賓客。莊小姐更指︰「其實新娘著禮服進場，啲裙擺咁長咁大都唔會想行咁耐，所以佢哋嘅march in安排都幾好。仲有婚宴設備都算幾齊，播片（成長片段）都清晰，冇話好低清個種，五星級酒店婚禮嚟講都幾滿意。」
千禧新世界香港酒店婚禮評價｜揀選五星級酒店關鍵#4 超加分的新娘房
新娘最在意的換裝補妝問題，莊小姐對於新婚房十分滿意︰「之前做過朋友嘅姐妹，記得佢嘅新娘房同宴會廳喺有一段距離，老實講唔係太方便。而千禧新世界香港酒店嘅新娘房就喺宴會廳隔離，感覺上方便好多。而且新娘房另一個加分位，就喺夠哂大，佢中間有個「屏障」，變相分咗兩個區域咁，除咗我換衫化妝位，仲有勁大地方畀我放埋回禮禮物添。」千禧新世界香港酒店婚禮評價｜揀選五星級酒店關鍵#5 專業婚宴統籌
籌備五星級酒店婚禮，最怕服務團隊不專業。而千禧新世界香港酒店婚禮服務，從初步諮詢到婚禮當天，千禧新世界香港酒店團隊都展現了極高的專業水準，莊小姐表示︰「酒店團隊都好nice，特別喺由前期到Big day都幫我哋跟進嘅Miyabi，可能大家年紀差唔多，想法都幾相似，佢都細心負責哂統籌同跟進每個細節，雖然做過人哋姊妹，但結婚始終喺人生第一次，有啲事情處理都唔知點算好，好彩Miyabi都會即時WhatsApp解答婚宴上嘅『奇難雜症』，就算可能比較『婆媽』想問得詳細一啲，都會不厭其煩盡力解答，整個籌備酒店婚禮嘅過程都會好放心。」千禧新世界香港酒店婚禮評價｜揀選五星級酒店關鍵#6 精緻婚宴美饌
對於家中從事餐飲的新娘來說，婚宴菜式的品質尤其重要。莊小姐指︰「屋企人都好在意菜式嘅問題，千禧新世界香港酒店嘅Miyabi就好似一個中間人嘅角色，不斷幫我哋向酒店大廚協調婚宴菜式，每道菜式出到嚟都好夠水準，食過某啲酒店嘅婚宴菜真係唔夠熱，但千禧嘅就維持到個『熱度』，就連炸子雞都夠哂酥脆！另外，食素嘅朋友可以準備素食餐單，以上提嘅全部都唔洗補差價，呢件事我哋都好surprise，四大長老同賓客都好滿意。」千禧新世界香港酒店婚禮評價｜揀選五星級酒店關鍵#7 海景出門套房
莊小姐指選擇千禧新世界香港酒店的一大原因，就是它的海景出門套房，並表示︰「海景出門套房夠哂大，落地玻璃仲睇到維港景。」套房寬敞空間不只適合新人休息，更是絕佳的婚紗攝影場地。「之前有去過一啲酒店，牆上佈置咗啲畫作喺唔可以卸除，但千禧新世界香港酒店房間相對上比較彈性高，亦唔會阻礙我哋佈置，咁兄弟姊妹團隊喺前一晚就可以輕鬆完成佈置。」莊小姐與鄭先生完婚後更在此留了一晚，絕對是夢想中的出門及蜜月套房之選。千禧新世界香港酒店婚禮評價｜「世一」五星婚禮
千禧新世界香港酒店婚禮套餐除了包括海景套房外，更提供花車、租禮服婚紗禮券等，經過這次婚禮經驗，莊小姐特別建議準新人考慮在同一酒店進行出門儀式及婚宴，這樣就能大大減輕當天的奔波勞累，而且亦可準備多個備用播放婚宴音樂的USB，以確保影片和音樂播放在當日萬無一失。最重要的是要提前與酒店統籌溝通佈置需求，善用酒店提供的各項婚禮套餐優惠。
以上內容由千禧新世界香港酒店新人莊小姐與鄭先生提供
千禧新世界香港酒店
地址：九龍尖沙咀東部麼地道72號
電話： (852) 2739 1111
電郵：
eventsales@newworldmillenniumhotel.com
千禧新世界香港酒店
@Facebook
千禧新世界香港酒店
@Instagram
特約資訊
婚享同學會
婚禮商戶指南
