【室內設計妙法】善用高樓底!窄長型400呎細盤空間感隨即變大
撰文: 編輯部 於 2020-03-26 01:01
116881 次觀看
data_article_detail.is_new_Slide_show = False
![【室內設計妙法】善用高樓底!窄長型400呎細盤空間感隨即變大](https://wedding.esdlife.com/uploads/2018/01/20180124115526_xZNWE.png)
今時今日的樓盤愈起愈細,而且愈賣愈貴,能夠上車經已是一件值得高興的事,若然遇到一些面積較小、儲物空間不足的單位,我們就需要透過一些室內設計的妙法,重新規劃空間,視覺上美化以及修飾本來的美中不足啦!今次帶大家睇元朗尚悅的兩房樓盤,實用面積約 403 呎,屬窄長型單位,驟眼睇空間感唔算大,但設計情報中心設計師JoJo話,只要識得利用高樓底優勢,為一屋四人打造安樂窩!
![【室內設計妙法】善用高樓底!窄長型400呎細盤空間感隨即變大](https://wedding.esdlife.com/uploads/2018/01/20180124115651_rJDbf.png)
尚悅單位樓底約11呎,比一般樓宇(9呎)為高。雖然呢個單位窄長,設計師睇準高樓底,盡量向高空發展。例如鞋櫃延伸至天花、客廳上方裝有牆櫃、以吊燈吸引眼球,令單位空間感更大之餘,又可以增加小朋友活動空間。
![【室內設計妙法】善用高樓底!窄長型400呎細盤空間感隨即變大](https://wedding.esdlife.com/uploads/2018/01/20180124115757_oDBxR.png)
細心一看,玄關位嘅燈槽上方亦有儲物空間。薄身鞋櫃唔單止可以掛衫,仲有位俾屋主坐喺度換鞋。唔好睇少呢個換鞋位,原來加返張餐桌同兩張餐椅,就可以化身4人食飯空間。
![【室內設計妙法】善用高樓底!窄長型400呎細盤空間感隨即變大](https://wedding.esdlife.com/uploads/2018/01/20180124115905_QKVwE.png)
33萬裝修費中,差唔多7-8成嘅錢都用喺訂造傢俬上。JoJo話全屋傢俬用料以木皮、防花板為主。木皮面層為真木,裡層為夾板及纖維板,平時用水清洗打掃就OK,非常方便!
![【室內設計妙法】善用高樓底!窄長型400呎細盤空間感隨即變大](https://wedding.esdlife.com/uploads/2018/01/20180126101444_qMDRH.png)
由於屋主有大量擺設同旅行戰利品,JoJo貼心地在轉角牆位設計多格層木櫃,仲有牆上多個架層,更可完美隱藏燈掣,牆身仲設有射燈突出擺設模型添。
![【室內設計妙法】善用高樓底!窄長型400呎細盤空間感隨即變大](https://wedding.esdlife.com/uploads/2018/01/20180124120124_tOVRp.png)
由於高樓底關係,主人房同兒童睡房都裝上地台儲物。衣櫃用上趟門方式減低壓迫感。單位擁有大窗台,設計師加上梳化座墊善用空間,小朋友都可以同爸爸媽媽一齊喺房間享受家庭樂。
![【室內設計妙法】善用高樓底!窄長型400呎細盤空間感隨即變大](https://wedding.esdlife.com/uploads/2018/01/20180124120519_mEVgM.png)
嚟到兒童睡房, 設計師以粉紅配粉灰,打造柔和風,小朋友實鍾意。設計師沿窗台打造書桌同書櫃。見到牆上充滿童趣的愛情鳥吊飾同白雲書架,原來都係由屋主及設計師一齊搜羅。
單位:元朗尚悅 (2014年落成)
實用面積:約 403 呎
裝修費:約 $330,798
資料提供:設計情報中心
Text_Fanny(Editor's Blog)
單位:元朗尚悅 (2014年落成)
實用面積:約 403 呎
裝修費:約 $330,798
資料提供:設計情報中心
Text_Fanny(Editor's Blog)