主頁 > 婚後生活

蜜遊迪士尼！尋找7大浪漫影相位

撰文: Edith Yuen 於 2018-02-05 02:35 68501 次觀看

迪士尼

data_article_detail.is_new_Slide_show = False

要喺迪士尼入面影婚紗相，一定要join迪士尼樂園酒店嘅婚宴套餐。但其實簡單著返套情侶裝、casual look，加埋以下呢7個浪漫sweet spot，一樣可以影到一輯溫馨情侶照！

Sweet Spot 1：上世紀火車站
踏入美國小鎮大街，必定唔可以錯過呢個上世紀火車站，兩人依偎欄杆談心，輕輕鬆鬆就可以影到充滿美國鄉村小鎮風格嘅合照。

Sweet Spot 2：泰山樹屋
影情侶相唔一定要係深情對望，可以動感啲。喺探險世界嘅泰山樹屋吊橋奔跑，加埋原始氣息，充份流露你與另一半愛探險愛fun嘅一面。不過，就真係要趁平日遊客少啲先做到，或者要請攝影師P走路人。

Sweet Spot 3：廣場飯店
呢度睇落似迪士尼樂園酒店，其實係仿維多利亞式嘅廣場飯店，玩到肚餓搵嘢食之際，千祈唔好錯過呢幢典雅建築啊！影出嚟個效果romantic 得嚟又帶點classic，好靚呀！

Sweet Spot 4：反斗奇兵大本營
Toy Story世界色彩繽紛，原來晚上取景一樣咁夢幻！好似呢對恩愛小情侶，喺燈飾下留影，係咪好sweet呢？

Sweet Spot 5：仙女小亭園
色彩繽紛嘅巨形奇花異卉之間，原來暗藏拍攝靚位，你同另一半好似童話故事叢林中嘅小精靈一樣，顏色與大細嘅對比，非常有新鮮感。

Sweet Spot 6：仙女小亭園
入夜後，迷離莊園嘅氣氛帶點神秘，係間嘅童話feel外另一種感覺。加埋亮燈後帶點紫色嘅背景，不用擺pose，都浪漫滿分。

Sweet Spot 7：旋轉木馬
經典嘅旋轉木馬場景，一直深受戀人歡迎。其實唔一定要騎住木馬影相，反而拎返個全景角度，好似圖中情侶溫馨拖手及親吻額頭，一樣咁浪漫！

Text_Fanny（Editor's Blog）