婚享同學會
婚禮商戶指南吳浩康郭思琳｜婚禮限聚令下戶外證婚儀式｜婚紗禮服造型、營地婚禮佈置、愛犬粉墨登場
data_article_detail.is_new_Slide_show = True
婚禮限聚令下令一眾準新人都失去了籌備婚禮的動力，雖然疫情下結婚困難重重，但其實只要忘掉腦海中既定的婚禮模式，就算再簡單的簽紙證婚儀式，都一樣可以留下深刻的回憶，以及一幕又一幕浪漫的畫面！這兩年疫情期間都有不少成功圓婚的明星準夫妻，包括：洪永城梁諾妍5個月極速籌備婚禮、湯怡麥秋成限聚令下的小型證婚酒會，娛樂圈今日又再傳來喜訊，吳浩康（Deep）與郭思琳（Margiela）繼早前宣布雙喜臨門奉子成婚，二人今日終於正式拉埋天窗，下午於貝澳營地舉行戶外婚禮，Deep更笑言因疫情影響物流，要在山邊執樹枝裝飾婚禮佈置，但仍然無損二人的好心情！
新娘子郭思琳（Margiela）懷有3個月身孕，腹部微微隆起，但靚樣依然不變，她選擇了一套可以拆除裙擺的平口無肩款婚紗，俐落緞面A-Line小拖尾裙擺，拆除後隨即變成蕾絲緊身裙擺設計，跟中國的旗袍有幾分相似，配以蕾絲手套，散發不一樣的復古魅力！
之後，Margiela亦再換上唯美大地色系的低胸晚裝，中長短髮加上別緻的耳環，感覺清新又活潑，正合新娘子的形象！
Deep都換上兩套西裝禮服，分別有粉紫色西裝配花花領結，以及黑白配色的西裝。
花球方面，Margiela選擇配以歐式古典玫瑰牡丹絲花球形花球。場地佈置則切合戶外婚禮的氛圍，木架上綴以紅橙色調艷麗的花藝佈置，並以繩結作布簾、地毯，加上籐器裝飾，完美締造出田園式又不失喜慶感的婚禮背景！
婚禮場地，Deep與Margiela就揀選了遠離人間煙火，位於大嶼山貝澳的星園營地Galaxy Garden，是香港熱門的Glamping露營場地，最受歡迎的要數到他們的星空帳篷，而營地四周環境更與大自然融為一體！近年除了作為營地，亦成為不少準新人prewedding的拍攝取景地。
星園 Galaxy Garden 提供不同類型的星空帳篷租用，新人在婚禮結束後更可以直接進入「度蜜月」模式，價錢由$1,180至$1,480不等，擁有透明「天花板」的星空帳幕，在漫天星空下陪伴入睡，絕對是既夢幻又浪漫的回憶！
限聚令之下，能夠出席婚禮的人數被限制不得多於婚姻登記必要人數（即5人），但你家中的「仔仔囡囡」就不受此限，說的就是你猶如家人般的寵物，而Margiela的愛犬Madonna都有出席見證，而且在婚照中更是特別搶鏡呢！
疫情之下要籌備婚禮並不容易，Deep表示婚禮前兩晚已經緊張到失眠，向來眼淺的他在綵排時更感動流淚，「自己朝早起身去睇Set up，企喺度諗要講啲乜嘢？有邊個會嚟？要多謝邊一位？瞓唔到，兩日都五點幾、六點就醒咗，所以都幾攰同幾緊張。朝早自己演練嘅時候已經喊咗。」
對於老婆郭思琳，Deep讚不絕口：「我鍾意我太太係一個好率直、好簡單嘅人，有乜就講乜，同佢相處唔駛估，係好嚮往同佢相處。佢唔止對父母好上心、好愛錫，對其他屋企人都好關心好照顧，好欣賞佢對家庭呢個態度。」問到給太太幾多分？Deep笑言，「嘩！俾太太幾多分都唔夠喎，唔可以亂咁俾分，呢個係我啱啱新婚學識嘅事，所以太太一定係超過滿分㗎啦。」
Deep坦言要重新調整心態，學習做丈夫，「無論係相處、對事件嘅睇法、價值觀都唔同咗，所以而家變得謙卑咗。過往當大家溝通有問題嘅時候，會覺得，『喂！你唔明白我。』、『我係啱嘅。』、『我識呢件事，你應該要聽我講。』而家會調番轉，『可能有啲嘢我唔知呢。』、『可能我未識呢。』、『可能我唔了解呢。』我都需要重新去學過，希望可以幫到個關係。」
延伸閱讀：
— 洪永城梁諾妍婚禮細節｜極速籌備婚禮實錄｜Rosewood婚禮場地、婚紗裙褂鑽飾造型、回禮禮物大公開
— 湯怡麥秋成婚禮細節｜限聚令下的小型證婚酒會｜過大禮、上頭套裝、婚紗裙褂、婚攝大公開
— 3個月極速籌備婚禮攻略｜輕婚禮籌備超實用Checklist
— 疫情下婚禮的6大趨勢｜如何籌備你的小型婚禮？｜籌備20人婚禮Checklist
圖片來源：EGG MUSIC、星園 Galaxy Garden
延伸閱讀：
— 洪永城梁諾妍婚禮細節｜極速籌備婚禮實錄｜Rosewood婚禮場地、婚紗裙褂鑽飾造型、回禮禮物大公開
— 湯怡麥秋成婚禮細節｜限聚令下的小型證婚酒會｜過大禮、上頭套裝、婚紗裙褂、婚攝大公開
— 3個月極速籌備婚禮攻略｜輕婚禮籌備超實用Checklist
— 疫情下婚禮的6大趨勢｜如何籌備你的小型婚禮？｜籌備20人婚禮Checklist
圖片來源：EGG MUSIC、星園 Galaxy Garden
