愛的宣言樣本: 當我們都老了~
18 January,2010
好希望當我有幸娶左你之後，可以一直陪你走人生以後嘅路，甜酸苦辣都可以同你一齊分享。直到第二時我地嘅小朋友都長大成人，有自己嘅世界有自己嘅家，可能．．．可能我地都會有一點點嘅失落，但係唔緊要，你身邊仲有我陪住你，我可以每個清晨拖住你行公園，就算行動唔方便都唔緊要，慢慢行，我地仲有好多時間。天氣凍嘅日子有我響你身邊比溫暖你。我唯一擔心係當我開始冇記性嘅時候，我唯一祈求上天唔好比我忘記你，但願當我乜都唔記得個陣，我仲記得你係我老婆，係我一生最愛。
婚享同學會
婚禮商戶指南
