情侶由拍拖至結婚，這些緣分都是得來不易！今次小編將會分享5對幸福新人的最美時刻，講述如何在海雲天成就最浪漫婚宴。
Sarah & Derek新人分享
「多謝海雲天落力幫忙，的確疫情下搞一個婚禮唔容易，我諗無一個婚宴場會好似海雲天咁樣，有咩突發情況都可以彈性處理，我好感恩揀咗海雲天做我哋嘅婚禮場地，有海雲天真好！好多謝婚宴顧問Hazel，全晚你對我哋好上心又咁錫我哋，會擔心我哋夠唔夠飽，你所有事情都跟得好足，成個證婚到晚宴好在得你帶領下順利進行，完全係我心目中所想既晚宴樣子。我同Derek都祝海雲天客似雲來， 婚宴接到停唔到手，我會大力推介海雲天畀所有人！」
Niki & Jack新人分享
「多謝海雲天婚宴團隊嘅幫忙，喺台上面太緊張，唔記得多謝婚宴團隊真係跟得好好，婚前好多問題問都好快回覆！服務已經超越咗100分！
真係超級推介畀其他未結婚嘅朋友仔，由嚟到證婚到送客，完全安心哂順順利利完成。衷心多謝海雲天婚宴團隊，真心物超所值， 同埋好多朋友係咁讚席前點心小食好好味，又夠熱！ 話要再過嚟飲茶，聽到都好開心！」
Hazy & KK新人分享
「好多謝海雲天嘅配合，同我哋一齊創造非常有紀念價值同美好嘅一日！
特別多謝婚宴顧問Hazel落力嘅幫忙，由一開始睇場已經有問必答，我哋亦因為疫情關係需要改期，受到當時政策影響搞到心情低落，仲有啲想放棄唔擺酒，但Hazel不斷發放比正能量我哋同分享咗好多其他新人嘅安排畀我哋參考，真係萬分感激！當日晚宴亦進行得十分順利，親戚朋友都話嘢食好味，仲要個個食到（包括我），真係多謝海雲天每一位員工，祝海雲天生意興隆客似雲來！」
Vivian & Kelvin新人分享
「非常多謝婚宴顧問Hazel嘅幫手，無論係婚宴前定係婚宴當日都比咗好多意見，每個細節都好配合，又幫我哋諗盡辦法解決所有難題，真係好細心！
特別多謝Hazel當日好照顧我，知我無食過野，又會主動拎野畀我食，無姐妹幫我嘅時候，做埋姐妹個份幫我換衫帶金器，無後悔當日只睇過海雲天一個場就落訂！」
Lam & Carl新人分享
「順利完婚，第一件事真係好想好想多謝婚宴顧問Hazel同埋海雲天嘅同事們。特別係Hazel啦，我哋今年年頭專登嚟食嘢睇下環境，見幾好，就遇到Hazel好詳細咁介紹擺酒野畀我哋知。仲真係勁細心提醒我哋細節野，所以就即刻落訂。呢一年間，有問必答，無論幾夜都會答我地，仲要答得勁快，跟野勁快勁有交帶，又畀到好多好有用嘅建議。對於佛系嘅我哋真係好感恩遇上你！」
「到擺酒呢part，真係好好好感恩有Hazel，我覺得冇你完全唔會做到咁順利。相信你事前都真係做咗好多功夫，因為我哋嘅對口只係你，但我發現現場嘅安排，包括人手、場地擺位、佈置都安排得好好。我發現你係完全熟哂我地schedule、人物關係、同物資等等。
所以我果刻覺得好安心，完全覺得有人神carry我哋成班人，包括我哋呢對佛系新人、兄弟姊妹，仲要幫埋我哋夾攝影師果刻真係唔再緊張，只有enjoy the moment嘅感覺！多謝你呀Hazel，真係好感恩搵到你！」
「另外想多謝海雲天當晚嘅所有同事，包括廚房同事及樓面所有同事！見到賓客嘅野飲係永遠常滿架！同埋野食真係好精緻，好食！作為新娘子，我仲好真心想多謝係咁好主動幫我整裙嘅海雲天同事。係我影相期間，不停幫我踎低起身執靚條裙，仲話咁樣整先會影得靚，真係好感謝，感恩！
除此之外，佢仲會好細心咁拎野飲畀我哋，係個杯加上飲管，呢啲細節位我真係覺得好窩心。再一次係到感謝Hazel嘅神carry同埋海雲天當日嘅所有同事們！」
Michelle & Kuuga新人分享
「禮拜日辛苦哂您地同所有同事，尤其您地2人同埋成晚幫我擺裙果2位同事，由停晚巿到而家放寬哂，成年半前落訂終於唔洗再改期完成到擺酒！疫情下多謝您地提供咁多彈性處理既方法，果晚又全晚都cue我地出場、敬酒、影相好多冇諗到既野您地都幫我地諗好哂，仲有我地開席遲左好多, Mc問您地幾點要交場,您地答佢免費無限加時,笑死,我地成晚都好enjoy, 屋企人同朋友都好開心!真係好多謝您地!我地得閒會再黎食飯探您地!」
Florence & Ray新人分享
「深夜回相,完左婚禮咁耐都未正式多謝 Hazel & 范經理,慶幸人生大事遇到你地，由一開始到結婚當日一一解決阿太擔心既問題,感激Hazel當日湊小朋友咁湊我地，令我地放心做好自己要做既野，唔洗擔心其他問題,感激范經理不厭其煩咁幫手解決我地既麻煩要求,識到你地係我地既幸運，你地係我見過好似朋友咁窩心既負責人,多謝你地」
(以上資料由海雲天新人提供)
婚享同學會
婚禮商戶指南
