【派帖攻略】拒絕倒模式喜帖!7對新人的喜帖分享

【派帖攻略】拒絕倒模式喜帖!7對新人的喜帖分享
好多準新人心裡認同喜帖是雞肋,身體卻很誠實,拒絕使用酒店、酒樓等婚宴場地提供的倒模喜帖!如果你正正就係呢一種新娘子,就要參考以下7位新娘所花心思準備的喜帖,無論格式、寫法、顏色、用紙、字款,款款都獨一無二,仲中晒佢哋嘅願望同要求!
新娘Candice_Ho的閨密親自設計:「身邊有位以前從事廣告設計、而家已經係全職媽媽嘅的閨密,自動請纓設計喜帖連印刷,當係結婚禮物。我聽到之後真係十分感動!至於喜帖風格嘅要求,其實都好簡單,得兩點要求:第一眼就記得我地邊日Big Day、同主角名字;風格走平實路線。我收到份 draft 之後簡直讚不絕口吖,雞乸咁大隻字 mark 住 7月2日,真係夠哂 eye catching!」
新娘TracyL與另一半在長灘島開始拍拖,所以喜帖也有旅行的元素:「因為長灘島的關係另一半就想到是否可以很像邀請賓客們來長灘島慶祝我們的婚禮這樣 ( 雖然不是真的去長灘 ) 給他們一張登機證 ,再給他們一本passport。紅色是給四大長老派的,他們請的賓客會帶著 BNO來婚禮 ;藍色便是給我和先生派給朋友的 ,朋友們會拿著特區護照來婚禮。」
新娘Kerolaf的喜帖暗藏哈利波特元素:「我係harry potter既super fans!而且男人求婚係用咗隻golden snitch,所以佢對我地黎講係有特別意義架!再用埋我同男人係harry potter 入面最鐘意嘅對白。成品同我想像有9成似,好感動。聽到啲guest收到讚好靚都幾開心,而且都好多人認得隻金探子!」
新娘kapik1126分享喜帖排版心得:「本身我只係印單面(一份中文,一份英文),用pocket套,中文放中間,英文就放係袋入面,咁賓客拎出嚟望,咪見到後面冇野,又吾想咁空白,所以又做多一版出嚟,呢版就用我地pre wedding 相用加logo,起碼爸爸媽咪啲朋友、耐冇見嘅親戚都知道係邊個結婚。」
新娘Slrainv大讚有heart設計師:「話說我俾咗個圖比designer搵,但係佢一路都搵唔到一樣嘅花。結果佢竟然係用幾個鐘親手畫出黎同上色,實在係太強太有心了。仲有我地兩個嘅名,細心睇係整左個infinity,好有心思呀!好感動呀!馬上收貨!」
設計師兼新娘heyheyheymi為自己親自DIY:「小妹做設計,市面上又冇合心水,又唔想用酒樓帖,所以都係自己整,起碼自己滿意,全套以綠色水彩花花為主,加啲brush calligraphy。後面畫咗一個我哋嘅卡通樣,加平時帖印嘅內容。」
新娘Lancome1234將婚照變喜帖:「其實酒店嘅帖都好靚,不如用牛油紙印字照用啦。當我去問價時,原來計返價錢都唔平。完美主羌義嘅我就唔甘心,上網搵價錢合理又有質素嘅帖,真係比我搵到又靚而價錢又要比起印牛油紙更吸引嘅店。一張帖可以放6張婚紗相/生活相,仲要任改唔嬲,真係一次過滿足哂我呀!」

更多「婚禮統籌」的商戶選擇及評價,立即瀏覽《婚禮商戶指南》

Text_Fanny