星級婚禮攝影師解構4大常見問題

data_article_detail.is_new_Slide_show = False
星級婚禮攝影師解構4大常見問題
由選擇攝影師、簽約以至揀選拍攝景點,每一步看似簡單但又包含好多細節,要逐一拆解實在唔易。小編先選取4個最多新人關注嘅問題,請嚟星級婚禮攝影師SiuMing分享,等大家有個基本idea!

SiuMing
SiuMingPhoto創辦人兼首席攝影師
入行10年,為超過400對新人的婚禮及婚照操刀,曾為香港藝員宋熙年陳智燊擔任婚紗攝影師 及TVB主持梁麗翹婚禮攝影師。同時為亞洲婚禮攝影師協會-Elite Member (精英會員)、英國攝影大師協會MPA會員及美國著名婚禮攝影師協會WPJA、AGWPJA及ISPWP 會員。
去外國影婚照,除價錢分別外,當地攝影師同香港攝影師何者操刀較好?
當地攝影師比較熟識當地環境,但可能經常影同一場景,影嚟影去都係千篇一律。香港攝影師每次過去新景點都有份新衝擊,作品會更有驚喜。而且,我覺得攝影師需要同新人見面、溝通過,先知夾唔夾。但新人難與當地攝影師見面、傾計,只可以靠相片判斷好定唔好,比較唔穩陣。
大部分婚攝/婚禮攝影套餐列明會提供所有原相,當中可有細微處值得新人注意?
以我為例,影一日本地婚紗攝影(8小時),大約有 200-300 張照片;本地婚禮攝影就大約 500-800 張,視乎婚禮當日程序、speech、有無first dance 之類。但要留意設,公司有無講明提供低像素抑或高像素、相片會否有公司水印,因為有部分合約列明需要額外加錢至可以拎番無水印的高質照片。
去外景影婚攝,換衫會唔會好麻煩?
落實拍攝套餐及日期後,我會預早同客人見面再傾一次流程及拍攝地點,再列出詳細rundown。當中已經考慮到拍攝景點附近會唔會有toilet或地方換衫。如果真係安排唔到,亦建議租一架有窗簾的七人車,或準備戶外帳棚以便更衣。
影婚照最怕落雨,有無studio推介?
荔枝角有間1500尺studio,設7 個獨立場景可供 pre-wedding拍攝。其樓底高達4米,亦有落地大玻璃,滲透柔和自然光,可以拍出一啲難以用影樓燈營造的自然效果。

套餐價:HK$12,888
地址:荔枝角永康街77號環薈中心21樓2108-2109室

Text_Fanny(Editor's Blog)