10大症狀揭示你可能係爆煲新娘！

撰文: Fanny Ngan 於 2016-06-24 06:23 71284 次觀看

任何女生都視婚禮為一生人一次大project，將婚禮搞到好似做show，不自覺地成為24小時新娘，日日夜夜都搞婚事！想知自己係咪搞婚禮搞上癮，甚至有機會爆煲？睇睇以下症狀有無發生在你身上！

更多精彩內容： 【婚禮特集】跟著矛盾去結婚？

症狀1：任何時間都處於婚禮作戰狀態
除瞓覺，搭車、食飯、或者在公司偷懶時，都不停瀏覽婚禮相關的網站（好似依家咁），放假就去試妝、試裙，生命中只有婚禮大事！

更多精彩內容： 【婚禮特集】跟著矛盾去結婚？

症狀2：試婚紗當拍拖
放假難得同未婚夫見面，你卻拉著佢去試婚紗、走訪18區睇場，仲要去婚展買餅卡等等，完全忘記兒女私情，私下卻不滿另一半對婚禮懶懶閒！

更多精彩內容： 【婚禮特集】跟著矛盾去結婚？

症狀3：姊妹聚會只講婚禮、婚禮、婚禮
同朋友聚會，人家只係簡單問一句「婚禮搞成點？」，你就好似演講一樣，由婚紗禮服、流程安排、男女家關係等全部一字不漏匯報，自己講得興高采烈，朋友卻開始玩手機感無癮。

更多精彩內容： 【婚禮特集】跟著矛盾去結婚？

症狀4：加入無數個新娘群組
唔少新娘都會在網上號召，與同月結婚的新人建立Whatsapp群組交流。群組內的新娘子你一句、我一句，無時無刻發放婚禮資訊，而你亦覺得睇少一秒都唔安樂！

更多精彩內容： 【婚禮特集】跟著矛盾去結婚？

症狀5：日夜格價比併
貨比三家固然精明，但亦有唔少新娘為了一件不過數十元的簡單道具而日夜格價，實行要買得好又買得平。一旦超支少少就好肉痛，更要左慳右慳，壓力指數必定急升！

更多精彩內容： 【婚禮特集】跟著矛盾去結婚？

症狀6：細搞婚禮都變大搞
一開始跟另一半有共識，要個簡單小型婚禮就心滿意足。結果，在香港尋找婚禮物資都未夠，更在網上搜羅世界各地的婚禮物資，誓要找到心頭好！結果婚禮變得愈來愈複雜，而你亦非常執著，Backdrop有輕微色差、佈置上少了一D道具等微不足道細節，都令你非常苦惱，甚至大發雷霆！

更多精彩內容： 【婚禮特集】跟著矛盾去結婚？

症狀7：去旅行買婚禮物資
網購都未算誇張！有新娘同朋友去旅行時不忘逛婚禮用品店，掃盡當地特色物資，忘記旅行目的及照顧同行友人感受，甚至覺得對方唔體諒自己。

更多精彩內容： 【婚禮特集】跟著矛盾去結婚？

症狀8：人有我有羊群心理
有新人發現某某婚紗店進行sample sale開倉，或者見到有新奇有趣婚禮玩意，立即大肆宣傳及分享！唔少新人都因此正中下懷，受潮流和優惠影響，抱住人有我有心態，未仔細考慮是否適合婚禮風格就買，最終發現入手太多無用物資，然後over budget為荷包肉赤，又怕另一半批評胡亂揮霍。

更多精彩內容： 【婚禮特集】跟著矛盾去結婚？

症狀9：拍攝無限次婚照
一生人一次大日子，新娘為了滿足自己當主角欲望，不停購買婚攝套餐，瘋狂影婚紗相，甚至連婚後都要影Post-wedding，過足新娘癮！

更多精彩內容： 【婚禮特集】跟著矛盾去結婚？

症狀10：To-do List愈來愈長
婚期漸近，理應KO了很多item，但你同跟其他新娘子相反，To-do List仍有幾頁紙等你KO!細睇次下，其實都係微細事，唔做都可以。又或者，明明花近一年時間試婚紗，尋尋覓覓終於落訂，卻仍心思思繼續留意新到款式，甚至寧願撻訂也要mark實至愛，未到最後一秒都唔、捨得confirm。

以上10項症狀，假如你中了一半或以上，代表你已嚴重染上「婚禮癮」！唔想成為爆煲新娘，立即放下手上婚事，放自己一個long break休息下！

更多精彩內容： 【婚禮特集】跟著矛盾去結婚？

Text_Fanny（Editor's Blog）

最高瀏覽

10大症狀揭示 你可能係爆煲新娘！

想緊貼更多結婚資訊？

10大症狀揭示你可能係爆煲新娘！