【中式婚禮敬茶儀式】新娘出門、敬茶、戴金器78句吉利說話!兄弟姊妹團必備實用金句

【中式婚禮敬茶儀式】新娘出門、敬茶、戴金器78句吉利說話!兄弟姊妹團必備實用金句
之前在好友的結婚大日子,擔任過姊妹一職,出門、敬茶、戴金器時要幫忙遞茶講吉利說話,做過不少網上資料搜集,但非常散亂,幸好有婚享同學會同學仔幫忙將資料整理好,讓各位 b2b 可以將啱用的吉利說話一次過 send 俾當日幫忙遞茶的姊妹,唔洗姊妹們上網左搭右搭,搵餐懵!袋實以下78句實用金句喇!

感謝婚享同學會同學仔 MrsBennellick2b Emily8100 KK921 幫忙整理資料

更多精彩內容:【特集】嫁得好!中式婚禮習俗要做足

更多準新人結婚資訊:
【婚享同學會:「出門」分享】
【婚享同學會:每月精彩貼堂好Blog】

中式婚嫁吉祥說話:出門



- 花車到門前,姑爺買屋又買田。
- 灑米餵金雞,新娘嫁得好夫婿。
- 灑米餵金雞,金雞尾彎彎,姑爺買樓買到貝沙灣。
- 紅遮開萬花來,姑娘鴻運來,姑爺發大財。
- 新人入屋,金銀滿屋,旺夫旺主旺門楣。

更多精彩內容:【特集】嫁得好!中式婚禮習俗要做足

敬茶必備吉利說話:外母、老爺、奶奶



- 飲多啲,等你買多幾個 LV。
- 飲茶到口,橫財到手。
- 飲茶到口,得心又應手。
- 飲茶飲到尾,年頭靚到落年尾。
- 一啖飲到尾,年頭賺到落年尾。

更多精彩內容:【特集】嫁得好!中式婚禮習俗要做足
- 飲過 (新郎) 茶,型仔過劉德華。

- 飲過 (女婿 /新抱) 茶,富貴又榮華。

- 茶到口,財到手,買車又買樓。

- 飲深啲,中三 T。

- 一啖飲到尾,買田又買地。

更多精彩內容:【特集】嫁得好!中式婚禮習俗要做足

親戚敬茶的吉利說話



- 斟茶俾 (呀爺),等佢日日都笑騎騎。
- 斟茶俾 (公公),買樓唔洗供。
- 斟茶俾 (公公),好快做富翁。
- 斟茶俾 (大伯),等佢越黎越發。
- 斟茶俾 (姑姐),姑姐年年換新車。
- 斟茶俾 (姨媽),出年幫手抱蘇蝦。
- 斟茶俾 (姨丈),買六合彩中頭獎。

更多精彩內容:【特集】嫁得好!中式婚禮習俗要做足
- 斟茶俾 (叔叔),等佢年年換大屋。

- 斟茶俾 (舅父),等佢買股票唔使估。

- 斟茶俾 (舅母),舅母青春唔會老。

- 斟茶俾 (呀姨),呀姨靚過張柏芝。

- 斟茶俾 (表姐),買樓又買車。

- 斟茶俾 (家姐),等佢日日揸靚車。

更多精彩內容:【特集】嫁得好!中式婚禮習俗要做足
飲茶時 - 吉利說話

- 茶到口,財神走到大門口。

- 茶到口,財到手。

- 茶到口,甜到漏。

- 茶到口,買車又買樓。

- 茶到口,越來越正斗。

- 茶到口,富貴榮華一齊有。

- 茶到口,半山買多幾層樓。

- 茶到口,千萬豪宅揸嚮手。

- 茶到口,出年又飲滿月酒。

- 茶到口,笑笑口,年年擺壽酒。

更多精彩內容:【特集】嫁得好!中式婚禮習俗要做足
- 甜茶到口,兒孫好快有!

- 甜茶到口,添福又添壽。

- 甜茶到口,好快又黎飲佢滿月酒。

- 甜茶到口,橫財又就手。

- 甜茶到口,得心又應手。

- 三杯到口,明年飲姜酒。

更多精彩內容:【特集】嫁得好!中式婚禮習俗要做足
- 飲過新娘茶,靚過林青霞。

- 飲過新人茶,勁過周秀娜。

- 飲過新娘 / 新郎茶,靚過阿嬌同阿 Sa。

- 飲深啲,賺多啲,中完孖寶中三 T。

- 飲深啲,等新娘子生多啲。

更多精彩內容:【特集】嫁得好!中式婚禮習俗要做足
- 杯茶甜甜地,買樓買到跑馬地。

- 飲茶飲勝,等佢生番個慈姑椗。

- 飲茶見杯底,等佢生多幾個仔。

- 飲茶杯杯清,新郎好快做傑青。

- 飲茶飲到尾,一對新人錫晒你。

- 飲過乖仔 / 女茶,一世有「渣拿」。

更多精彩內容:【特集】嫁得好!中式婚禮習俗要做足
- 飲過新人茶,對眼唔會濛查查。

- 飲過女婿茶,發到笑 kaka。

- 飲過女婿茶,SkII 都唔洗搽。

- 飲過新人茶,麻雀聽晒話。

- 飲過新人茶,子孫聽晒話。

- 飲過新抱茶,生個孫仔四圍爬。

- 飲過呢杯茶,識得跳 cha cha。

- 飲過新抱茶,好快做 (嫲嫲)。

- 飲茶笑呵呵,好快做 (婆婆)。

- 飲茶笑騎騎,好快做 (爺爺)。

- 飲茶好輕鬆,出年做 (公公)。

更多精彩內容:【特集】嫁得好!中式婚禮習俗要做足
英文版都有

Sweet tea in mouth, buy a big house! (甜茶入口,買多幾層樓。)

更多精彩內容:【特集】嫁得好!中式婚禮習俗要做足

中式婚嫁吉祥說話:戴金器 (龍鳳鈪)



- 戴起大囍,戴到風生水起。
- 戴起大囍,戴到好快有身己。
- 戴起大囍,戴到金銀遍地。
- 戴起大囍,保證你家肥屋潤笑嘻嘻。
- 戴過龍鳳鈪,等你快啲買豪宅。

更多精彩內容:【特集】嫁得好!中式婚禮習俗要做足
中式婚嫁吉祥說話:戴金器 (其他金器首飾)

- 戴過金頸鍊,富貴好明顯。

- 戴過金頸鍊,等你兩個賺多啲錢。

- 金鍊戴上頸,好快住山頂。

- 戴過金手鍊,有錢又有面。

- 戴過金戒指,生個金童子。

- 戒指有鑽石,特別多人錫。

圖片來源:網上圖片、藝人IG/微博

Edit_Connie/ Florence

更多精彩內容:【特集】嫁得好!中式婚禮習俗要做足

更多準新人結婚資訊:
【婚享同學會:「出門」分享】
【婚享同學會:每月精彩貼堂好Blog】

>> 讚好新婚生活易Facebook專頁,最新婚享一Feed到手!