明星們的平民化回禮

撰文: Edith Yuen 於 2017-07-03 09:36 153770 次觀看

回禮

提起明星的婚禮回禮，大家第一印象必定覺得好豪華、唔值得花咁多錢。不過，原來唔係個個明星都選擇貴價回禮，以下介紹幾個平民之選，有啲仲以回禮做善事添！

胡杏兒：Luxor Chocolate回禮

朱古力做回禮雖然普通，但絕不失禮，好似胡杏兒選擇的Luxor Chocolate品牌，由可愛的「玻璃球」包裝，朱古力選擇了紅、金色，喜慶又型格。朱古力上面印有佢同老公阿Phil的英文縮寫 ”MP”，夠晒個人化！

*港姐張嘉兒的婚禮回禮都係揀呢間

郭富城：Armani朱古力

郭富城、方媛都係送朱古力，而且專誠由意大利訂造Armani A字朱古力。朱古力禮盒上以紅色蝴蝶結包裝，仲印上由字母縮寫A (Aaron)、M (Moka)的婚禮Logo。

林宥嘉、丁文琪：多肉植物盆栽

林宥嘉與丁文琪的田園婚禮非常注目，唔單止選在輕井澤的園林舉行婚禮，更將台北婚宴佈置得如同置身森林之中。而回禮更加呼應主題，以可愛的多肉植物盆栽送贈給賓客，讓幸福伴隨成長。

陳柏宇：布袋、香薰大豆蠟燭、尼泊爾手工皂

陳柏宇結婚都不忘做善事，回禮方面選擇了非牟利社會服務機構「智天使」幫手，由智障人士製作繪圖布袋、香薰大豆蠟燭及尼泊爾手工皂。佢同另一半Leanne更參與製作蠟燭同包裝工序，齊齊KO 400幾份回禮禮物，出錢又出力，抵讚！

楊怡、羅仲謙：V’s fragrance secret香水回禮

楊怡同羅仲謙的回禮非常可愛！一人一隻永生熊公仔，象徵愛可以敵過距離和時間。另外配以本地香水品牌V’s fragrance secret的 2款香水－The Daisy及Memories，小巧精緻，賓客可以隨身攜帶，隨時憑香氣感受到羅氏伉儷的甜蜜幸福！

*港姐張名雅的婚禮回禮都係揀呢間

陳美詩、孫耀威：好茶養生茶包

陳美詩同孫耀威，就揀咗近期深受新人熱捧的茶包做回禮，夠晒養生，老少咸宜。加埋個靚包裝，仲好得體，討長輩歡心！

Text_Fanny（Editor's Blog）