今日我要娶老婆，因為我已經大個

最想有個安樂窩，仔仔女女一籮籮

唔駛一世食白果，從此生活樂趣多

老婆規矩雖然多，對我嚴厲要求苛

終日囉囉又唆唆，對我日哦又夜哦

但求老婆笑呵呵，一一遵守又如何

成份糧比晒老婆，速磅cash快夾妥

每月家用任妳攞，剩番散銀得幾個

無得再飲酒唱歌，乖乖在家同妳磨

捶骨推拿同按摩，家務我做快又妥

洗衫煮飯唔懶惰，洗完碗切埋生果

用完掃把用地拖，順手洗埋個廁所

若然我有咩做錯，激到老婆把幾火

跪地斟茶掹耳朵，以後只企唔敢坐

日後唔敢口多多，求求老婆饒恕我

將來我頭髮稀疏，大肚腩個背又駝

癡癡呆呆戇夾傻，如果妳唔嫌棄我

在座各位聽清楚，老婆老婆嫁俾我！