舒服出嫁!嚴選4大品牌婚禮波鞋

舒服出嫁!嚴選4大品牌婚禮波鞋
波鞋襯婚紗,隨性又舒服,不過一對普通不過嘅波鞋,又未必滿足到講究細節、鍾意特別嘅新人。小編今次從4個品牌中精選啱婚禮穿用嘅婚鞋,佢哋白得嚟又有啲點綴、pastel得嚟又有搶鏡元素,話你知婚禮波鞋一啲都唔dry!
Keds 同Kate Spade 聯乘推出雪白小布鞋,配上glitter、珍珠、閃鑽等元素,一系列5對布鞋,成為新娘姊妹大熱之選。婚禮便是大家期待的after party,換上小白鞋士舒舒服服去慶功吧!
如果要搞場戶外草地婚禮,著高跟鞋不便走動,著白布鞋又好似乏味咗啲。Keds x Rifle Pape推出SS18別注版花布鞋履系列,以Rifle Paper兩款高質印花及繡花布,貫注入Keds的經典鞋款中。咁colourful嘅款式最啱陽光婚禮,姊妹同新娘梗係要一人一對!
PUMA絲帶款波鞋一直令唔少女生心心眼,但絲帶好難綁得靚,呢對PUMA Suede Heart粉色波鞋一改原來設計,更硬身的Satin夢幻寬蝴蝶結相對易綁,係咪好想據為己有呢?

圖:PUMA
Adidas 推出中式白波鞋NMD R2,有齊男、女裝。鞋背大大個囍字設計,高調宣佈你嘅喜訊;鞋墊亦印上金色囍字,一於腳踏幸福開心出嫁。

圖:sneakerprophet_/ IG
林奕匡Phil同老婆收到兩對Nike AirMax作為佢咃嘅另類婚鞋,分別印上佢哋兩個嘅英文名,非常特別!原來Nike都有tailor made service,可以在鞋上印上新人姓名或指定英文,低調又有紀念價值,婚後亦可以日日著!

圖:Rikko/ IG

Text_Fanny(Editor's Blog)