星級姊妹團打扮正確與錯誤示範！

撰文: Edith Yuen 於 2017-06-05 06:25 353047 次觀看

一聽到星級姊妹團，千祈唔好以為明星樣靚身材正，姊妹look都一樣夠出眾。一旦揀錯姊妹裙，立即仙氣盡失！今次盤點圈中10組姊妹團，同你分析佢哋正確與錯誤示範打扮。

更多精彩內容：兄弟姊妹團必讀大全

YES: 優雅Look!
陳妍希與陳曉大婚，星級姊妹團可以話係史上最上鏡，當中以陳喬恩同鍾欣潼(阿嬌)最索！陳妍希為姊妹團準備兩款粉紅姊妹裙，一款為V形領口，姊妹們束起秀髮，大騷事業線；另一款是窄身露肩cocktail dress，絕對要有返咁上下身材先carry得起！

更多精彩內容：兄弟姊妹團必讀大全

NO: OL灰沉Look!
李亞男與王祖藍在香港迪士尼舉行童話婚禮，不過姊妹團打扮一啲都唔童話，仲要揀OL返工最常見的灰色做姊妹裙，雖然姊妹著得斯文，但顏色出錯，完全唔上鏡，真係婚禮一大敗筆！

更多精彩內容：兄弟姊妹團必讀大全

YES: 修身Look!
胡杏兒的大日子，姊妹團非胡說八道會成員莫屬！一襲緞面粉紅香檳色長裙非常修身，上身以花苞形手袖配圓領設計，毋須坦胸露臂都超有女人味。不過緞面設計容易顯胖，只有身形勻稱的女士才carry得好。

更多精彩內容：兄弟姊妹團必讀大全

NO: 娘味濃！
F4成員朱孝天與韓雯雯拉埋天窗，卻選擇了中式旗袍上衣配西式A-line裙擺的姊妹裙，一不小心就好易予人「娘」的感覺，呢款中西合璧的design恐怕非人人鍾意。

更多精彩內容：兄弟姊妹團必讀大全

YES: baby blue夠吸睛！
粉藍色並非個個長輩都鍾意，所以當葉翠翠的姊妹團穿上粉藍姊妹裙亮相時簡直成為新娘子的焦點！尤其呢隻baby blue好煞食，加上每位姊妹都可以根據身形order唔同款式，背心設計、off the shoulder、ruffle、圓領等等應有盡有，姊妹實歡喜。

更多精彩內容：兄弟姊妹團必讀大全

NO: 倒模Look!
楊怡的婚禮上，姊妹團身穿的淡紫長裙絕對是任何身形的女士都著得，非常百搭。然而淡紫色雖然令膚色顯白，但裙色不夠亮眼，加上係最basic的雪紡姊妹裙款，難以搶風頭。

更多精彩內容：兄弟姊妹團必讀大全

YES: 層次感豐富不透光！
陳美詩同孫耀威拉埋天窗，請嚟人妻李亞男、王君馨、鄺文珣等人做姊妹。雖然眾人穿上一色一樣的粉紫色姊妹裙，但心型領口加上層層輕紗，性感不在話下，仲睇得出裙款層次感，又唔會太透光，好有仙氣。鄺文珣陀住第3胎依然無被比下去，姊妹裙應記一功！

更多精彩內容：兄弟姊妹團必讀大全

YES: 青春Look!
鄭希怡Yumiko的星級姊妹團可謂星光熠熠，天后容祖兒及Twins都有份陪嫁！可愛佻皮的粉紅小短裙夠晒青春，誇張的荷葉ruffle加露肩設計高調又性感，襯晒一班愛搶鏡的姊妹！

更多精彩內容：兄弟姊妹團必讀大全

YES: 夏日Sharp醒Look!
安以軒出嫁，一班姊妹團都成為全場焦點，一身sharp橙短裙夠晒醒神，傘裙設計甜美又活潑，即刻有降齡feel！

更多精彩內容：兄弟姊妹團必讀大全

YES: 款式夠彈性！
王君馨的一班姊妹團包括處女黨成員鍾嘉欣、李亞男，以及衛蘭、裕美，眾人身形各有不同，但揀選同色不同款的姊妹look，一樣咁吸睛。身形微胖的衛蘭穿上紫調suit，有助顯瘦；而索爆人妻鍾嘉欣、李亞男就性感爆燈，絕對係perfect match！

更多精彩內容：兄弟姊妹團必讀大全
更多「婚紗晚裝」的商戶選擇及評價，立即瀏覽《婚禮商戶指南》！

Text_Fanny

星級姊妹團打扮 正確與錯誤示範！

想緊貼更多結婚資訊？

星級姊妹團打扮正確與錯誤示範！