婚享同學會
婚禮商戶指南豪宅內有乾坤，婚宴另類之選
data_article_detail.is_new_Slide_show = False
大埔豪宅康樂園大家應該都有聽聞，皆因住客好多都係城中名人，例如楊千嬅、張栢芝、古巨基及許冠傑等。其實佢哋嘅會所「康樂園鄉村俱樂部」同樣好出名，而且不同於一般酒店或酒樓，婚禮場地獨特，係舉辦婚宴嘅另一選擇。
康樂園自然景觀極為開揚，逾千座洋房坐落於青葱山谷之中，周圍環境清幽，恍如世外桃源。由於會所身處豪宅屋苑之中，所以康樂園鄉村俱樂部同樣氣派十足，充滿尊貴品味。
康樂園鄉村俱樂部成立近30年，近年曾耗資港幣3千萬進行全面翻新，更新唔少設施，更同時提供餐飲服務。
新人可以係俱樂部一樓中菜廳舉行中西式婚宴，亦可舉行戶外池畔自助婚宴以及證婚環節，任君選擇。而中菜廳露台外景色就係泳池，即係戶外婚禮所在地，相映成趣。
俱樂部最大特色係園林景致以及不規則泳池，日光下椰林樹影充滿熱帶風情，場地較大，比一般酒店或酒樓更靈活，為戶外婚宴佈置提供無限可能。
當夜幕降臨，池底燈光顏色不時轉換，新人及賓客一邊享受美酒佳餚，一邊沉醉於浪漫夢幻嘅氣氛之中，此情此景相信畢生難忘。
俱樂部內仲有俾小朋友玩樂嘅兒童遊戲室及兒童遊樂場，婚宴開始前小朋友都可盡興一番，唔怕悶親；俱樂部另有一個酒吧，難得聚首一堂，婚宴後大人可以繼續舉行after party，把酒言歡。
俱樂部靠近太和地鐵站交通方便。同時可以為婚宴賓客提供部分免費泊車位，服務貼心。
康樂園鄉村俱樂部
電話: 2657 8899
網址: http://www.cchly.com
地址: 新界大埔康樂園市中心徑8號
特約資訊
