婚享同學會
婚禮商戶指南名人女星熱捧！穿長袖婚紗出嫁
data_article_detail.is_new_Slide_show = False
長袖婚紗一直以來都深得中外名人捧場，英國凱蒂王妃、韓星宋慧喬以及港台藝人都著住佢出嫁。唔好以為長袖婚紗必然係透視lace設計，睇完以下各名人女星嘅出嫁look，你會發現各有各韻味，自己都好想試！
韓國新娘一向流行緞面簡約款婚紗，今次宋慧喬亦不例外，著上長袖緞面婚紗，罕有的大方領設計配拖尾裙擺，沒有過份點綴，高貴大方！原來心口仲有少少v領剪裁，隱約帶點性感，頭上襯以短款頭紗，又添了份可愛感。
英國凱蒂王妃身穿Alexander McQueen lace長袖婚紗結合咗白色及象牙色，優雅盡現。9英尺長拖尾不失高貴，小v領設計又不會過份性感。
林宥嘉與丁文琪的小清新婚禮，新娘同樣挑選了2件長袖婚紗亮相。仔細一睇呢件婚紗並非純白色，而係薄荷綠紗裙（右），浪漫蓬袖令新娘可愛度up! 而輕井澤證婚典禮上，丁文琪就著上天然棉麻製成的長袖白紗（左），簡約優雅。
藝人岑麗香出嫁時，都有穿長袖婚紗行禮，呢件婚紗係由本地設計品牌Kevolie 親手訂製，低胸刺繡薄紗款夠晒性感，長袖上繡上雪花圖案，迎合佢喺溫哥華冬天行禮的氣息！
王君馨(Grace) 大婚時一共有4套婚紗，全部由設計師好友Marco M Chan設計。圖中呢件長袖婚紗上身以不規則設計，下身開叉款讓Grace大曬長腿！婚紗輕薄，方便新娘子帶到歐洲影婚紗相同去美國行禮！
鍾嘉欣身上呢件長袖透視婚紗，來自羅馬尼亞品牌Otilia Brailoiu Atelier。婚紗以輕柔薄紗綴以手縫嘅蕾絲花邊及玻璃珠，簡約剪裁配襯唯美的蕾絲，若隱若現又不失時尚風格，聽講當時嘉欣仲真空上陣添。
Edit_Fanny（Editor's Blog）
Edit_Fanny（Editor's Blog）
